ພວກຜູ້ນຳຂອງຝ່າຍຄ້ານໃນ Burkina Faso ໄດ້ຮຽກຮ້ອງ
ໃຫ້ຢຸດເຊົາການປະທ້ວງ ໃນຂະນະທີ່ພວກເຂົາເຈົ້າສືບຕໍ່ການ
ເຈລະຈາກັນ ກັບພວກຜູ້ນຳທະຫານຂອງປະເທດ ກ່ຽວກັບ
ການສ້າງ ຕັ້ງລັດຖະບານ “ເອກກະພາບແຫ່ງຊາດ.”
ຜູ້ນຳຝ່າຍຄ້ານ ທ່ານ Zephirin Diabre ກ່າວວ່າ ກອງທັບ
ໄດ້ສັນຍາທີ່ຈະນຳສະເໜີຮ່າງກົດລະບຽບກ່ຽວກັບຂັ້ນຕອນ
ຂອງການດຳເນີນງານໃນໄລຍະຂ້າມຜ່ານໃນໄວໆນີ້.
ທ່ານກ່າວວ່າ ຝ່າຍຄ້ານຈະທົບທວນເບິ່ງຮ່າງແຜນການ
ດັ່ງກ່າວ ແລະການເຈລະຈາຫາລືກັນ ຈະດຳ ເນີນຕໍ່ໄປ.
ກອງທັບ ໄດ້ເຂົ້າຄວບຄຸມປະເທດ ໃນວັນສຸກແລ້ວນີ້ ຫຼັງຈາກປະທານາທິບໍດີ Blaise Compaore ທີ່ປົກຄອງມາເປັນເວລາດົນນານແລ້ວນັ້ນ ໄດ້ລາອອກ ທ່າມກາງການ
ປະທ້ວງ ຕໍ່ການດຳເນີນຄວາມພະຍາຍາມ ທີ່ຈະປ່ຽນລັດຖະທຳມະນູນ ຊຶ່ງຈະອະນຸຍາດ
ໃຫ້ທ່ານສາມາດລົງເລືອກຕັ້ງໄດ້ອີກຕື່ມນຶ່ງສະໄໝ. ພວກທະຫານໄດ້ເລືອກຕັ້ງໃຫ້ທ່ານ
ພັນໂທ Isaac Zida ເປັນປະທານາທິບໍດີຊົ່ວຄາວຂອງປະເທດ.
ຝ່າຍຄ້ານກ່າວວ່າ ທ່ານພັນໂທ Zida ໄດ້ບອກກັບພວກເຂົາເຈົ້າວ່າ ທ່ານຈະຍົກງົດການ ໃຊ້ລັດຖະທຳມະນູນ ຂອງ Burkina Faso ເປັນການຊົ່ວຄາວ ຊຶ່ງພາໃຫ້ສະພາລັດຖະທຳ ມະນູນ ຂໍຮ້ອງໃຫ້ທຸກພັກຝ່າຍ ສະເໜີຜູ້ນຳຊົ່ວຄາວຂອງປະເທດ.
ສະຫະພາບອາຟຣິກາ ໄດ້ເຂົ້າຮ່ວມສົມທົບກັບຝ່າຍຄ້ານ ໂດຍກ່າວວ່າ ຜູ້ນຳຊົ່ວຄາວ ນີ້ຈະຕ້ອງເປັນພົນລະເຮືອນ.
ສະພາຄວາມໝັ້ນຄົງແລະສັນຕິພາບຂອງສະຫະພາບອາຟຣິກາ ໄດ້ກ່າວໃນວັນຈັນວານ ນີ້ວ່າ ທາງທະຫານມີເວລາ 2 ອາທິດ ທີ່ຈະມອບອຳນາດຄືນໃຫ້ລັດຖະບານໄລຍະຂ້າມ ຜ່ານຂອງພົນລະເຮືອນ “ຫຼືບໍ່ດັ່ງນັ້ນກໍຈະປະເຊີນກັບຜົນທີ່ຕິດຕາມມາ.”
Your browser doesn’t support HTML5
BURKINA FASO VOSOT