ເວລາ Angelina Jolie ປະກາດໃຫ້ຮູ້ວ່າ ນາງໄດ້ຜ່າຕັດນົມ
ອອກທັງສອງເບື້ອງ ເພື່ອຫລຸດຜ່ອນໂອກາດທີ່ຈະເປັນໂຣກ
ມະເຮັງເຕົ້ານົມນັ້ນ ນາງໄດ້ ເຮັດໃຫ້ມີການຕັ້ງຄໍາຖາມຂຶ້ນມາ
ກ່ຽວກັບການຜ່າຕັດເພື່ອປ້ອງກັນລ່ວງໜ້າ. ການກວດເຊື້ອ
ກໍາມະພັນ ໄດ້ສະແດງໃຫ້ເຫັນວ່າ ດາລາຮູບເງົາຊື່ດັງຄົນນີ້
ມີຄວາມສ່ຽງຫຼາຍຂຶ້ນ ຕໍ່ການເປັນໂຣກມະເຮັງເຕົ້ານົມ ແລະ
ມະເຮັງໃນຮວຍໄຂ່. ອະດີດຜູ້ສື່ຂ່າວວີໂອເອ Zulima Palacio ທີ່ເຮົາໄດ້ຕິດຕາມເລື້ອງ
ລາວມາສະເໜີທ່ານ ຫຼາຍຕອນແລ້ວນັ້ນ ກໍເປັນມະເຮັງໃນເຕົ້ານົມເບື້ອງນຶ່ງ ແຕ່ຜູ້ກ່ຽວ
ໄດ້ຕັດສິນໃຈຜ່າຕັດນົມ ອອກທັງສອງເບື້ອງເຊັ່ນກັນ. ດາຣາມີເລື້ອງນີ້ມາສະເໜີທ່ານ
ຈາກລາຍງານຂອງ Carol Pearson.
ທຸກມື້ນີ້ Zulima Palacio ໃຊ້ເວລາຫຼາຍເທົ່າທີ່ຈະຫຼາຍໄດ້ ນຳອຸບປະກອນເຮັດເຄື່ອງປັ້ນ
ດິນເຜົາຂອງນາງ ເພື່ອເຮັດໃຫ້ຕົນເອງເພີດເພີນແລະບໍ່ຄິດຫລາຍ.
Zulima ເວົ້າວ່າ “ການເຮັດເຄື່ອງປັ້ນດິນເຜົາໄດ້ເປັນການບຳບັດທາງຈິດໃຈ
ແລະທາງຮ່າງກາຍຂອງຂ້ອຍ ມາໄດ້ 15 ປີແລ້ວ. ມັນເປັນການພັກຜ່ອນຢ່ອນສະໝອງຫຼາຍທີ່ສຸດ ແລະເປັນການປະດິດຄິດສ້າງດີຫຼາຍ ແລະພາໃຫ້ຈິດໃຈ
ລືມເລື້ອງທີ່ຫຍຸ້ງຍາກຕ່າງໆ.”
Zulima Palacio ໄດ້ຖືກກວດເຫັນວ່າເປັນໂຣກມະເຮັງໃນເຕົ້ານົມເມື່ອເດືອນມີນາປີນີ້ເອງ
ແລະໄດ້ຜ່ານການບຳບັດໃສ່ຢາຄີໂມມາແລ້ວ ແລະມາບັດນີ້ ລາວໄດ້ຕັດສິນໃຈຜ່າຕັດນົມ
ອອກທັງສອງເບື້ອງ ເຖິງແມ່ນລາວເປັນມະເຮັງຢູ່ເຕົ້ານົມເບື້ອງດຽວ ຄືເບື້ອງຊ້າຍເທົ່ານັ້ນກໍຕາມ.
ລາວກ່າວວ່າ “ຂ້ອຍໄດ້ຕັດສິນໃຈເອງ ທີ່ຈະຜ່າຕັດເອົານົມອອກ ທັງສອງເບື້ອງ
ແລະມັນກໍມີເຫດຜົນຫຼາຍຢ່າງ.”
ໃນນັ້ນ ກໍຮວມທັງເຫດຜົນທີ່ວ່າ ໂຣກມະເຮັງມີໂອກາດທີ່ຈະກັບຄືນມາອີກໄດ້ ຊຶ່ງ Zulima
ເວົ້າວ່າ ລາວທົນບໍ່ໄດ້ກັບແນວຄິດທີ່ໃຊ້ເວລາຊົ່ວຊີວິດຂອງລາວທີ່ຍັງເຫຼືອນັ້ນ ຫລິ້ນເກມ
ຍິງປືນທີ່ເອີ້ນວ່າ Russian roulette ແບບສ່ຽງກັບການຂ້າໂຕເອງຕາຍ ເພາະບໍ່ຮູ້ວ່າ
ນັດໃດມີລູກປືນ ກໍຄືກັນກັບເຮັດໃຫ້ລາວຕ້ອງວິຕົກຢູ່ເລື້ອຍໆວ່າ ເວລາໃດນົມເບື້ອງຂວາ
ຂອງລາວ ຈະເປັນມະເຮັງ.
ວີດີໂອ ການສະແດງລະຄອນໃຫ້ຄວາມຮູ້ແກ່ ຜູ້ຄົນກ່ຽວກັບໂຣກມະເຮັງເຕົ້ານົມ:
ເຫດຜົນທີ່ພາໃຫ້ Zulima ຕັດສິນໃຈແນວນັ້ນ ເອີ້ນກັນວ່າ Angelina Jolie effect ຫລື
ຜົນກະທົບຂອງ Angelina Jolie ນັບແຕ່ທີ່ດາລາຮູບເງົາຄົນນີ້ ໄດ້ຜ່າຕັດນົມອອກທັງສອງ
ເບື້ອງ ຫຼັງຈາກການກວດເຊື້ອກໍາມະພັນ ພົບເຫັນວ່າ ນາງມີຄວາມສ່ຽງສູງຕໍ່ການເປັນໂຣກ
ມະເຮັງເຕົ້ານົມແລະມະເຮັງຮວຍໄຂ່ນັ້ນ. ແຕ່ວ່າແນວຄິດຜ່າຕັດອອກ ເພື່ອປ້ອງກັນລ່ວງ
ໜ້ານີ້ ເປັນບັນຫາທີ່ໂຕ້ແຍ້ງກັນ.
Dr. Marc Boisvert ທີ່ໂຮງໝໍ Medstar Washington ບໍ່ແນະນຳໃຫ້ເຮັດແນວນັ້ນ
Dr. Boisvert ກ່າວວ່າ: “ຂ້າພະເຈົ້າຄຶດວ່າ ການສຶກສາແມ່ນສຳຄັນ ກ່ຽວກັບ
ເລື້ອງນີ້. ຂ້າພະເຈົ້າຄຶດວ່າ ທ່ານສາມາດມີຈິດໃຈທີ່ສະຫງົບໄດ້ ຖ້າຮູ້ຈັກວ່າ
ທ່ານໄດ້ຖືກຕິດຕາມດູແລເບິ່ງຢ່າງລະມັດລະວັງຫຼາຍທີ່ສຸດ ແລະຮູ້ຈັກວ່າ
ໂຕເລກຢູ່ໃນຂັ້ນຮ້າຍແຮງສໍ່າໃດ ແລະໂອກາດທີ່ໂຣກມະເຮັງຈະກັບຄືນ
ມານັ້ນ ມີໜ້ອຍຫຼາຍສໍ່າໃດ.”
ບັນດານາຍແພດປະຈໍາຂອງ Zulima ກ່າວວ່າ ການຜ່າຕັດນົມອອກທັງສອງເບື້ອງ
ແມ່ນບໍ່ຈຳເປັນ ແຕ່ພວກນາງໝໍແລະພວກເປັນໂຣກມະເຮັງເຕົ້ານົມຄົນອື່ນໆບອກ
ນາງວ່າ ເຮັດໂລດ.
Zulima ກ່າວວ່າ “ຂ້ອຍມີເພື່ອນ 3 ຄົນ ທີ່ໄດ້ຜ່າຕັດນົມອອກ ແລະໃນເວລາ
ສອງສາມປີຕໍ່ມາ ໂຣກມະເຮັງໄດ້ກັບຄືນມາເປັນຢູ່ໃນນົມອີກເບື້ອງນຶ່ງ ຊຶ່ງ
ເຂົາເຈົ້າຕ້ອງໄດ້ໄປຜ່າຕັດອີກເປັນເທື່ອທີສອງ. ເຂົາເຈົ້າເວົ້າວ່າ ມັນເປັນ
ປະສົບປະການທີ່ທໍລະມານໃຈທີ່ສຸດ ແລະເຂົາເຈົ້າບອກຂ້ອຍວ່າ ‘Zuli
ຜ່າຕັດນົມທັງສອງເບື້ອງອອກດຽວນີ້ໂລດ ແລະບໍ່ຕ້ອງລໍຖ້າໄປອີກດອກ.’ ”
ເຖິງແມ່ນມີຄວາມຄິດເຫັນແຕກຕ່າງກັນໃນເລື້ອງນີ້ກໍຕາມ ແຕ່ພວກນາຍແພດສ່ວນຫຼາຍ
ກໍເຫັນພ້ອມນຳກັນວ່າ ຄົນເຈັບຈະຕ້ອງຮູ້ສຶກສະບາຍໃຈແລະພໍໃຈ ນຳການປິ່ນປົວຂອງ
ເຂົາເຈົ້າ ບໍ່ວ່າມັນຈະພົວພັນກັບການຮັກສາ ທີ່ມີການຕິດ ຕາມດູແລຢ່າງລະມັດລະວັງ ມີ
ການປິ່ນປົວຢ່າງແຂງຂັນ ຫຼືວ່າການຜ່າຕັດກໍດີ.
ວີດີໂອພາສາລາວ ກ່ຽວກັບ Angelina Jolie:
ອອກທັງສອງເບື້ອງ ເພື່ອຫລຸດຜ່ອນໂອກາດທີ່ຈະເປັນໂຣກ
ມະເຮັງເຕົ້ານົມນັ້ນ ນາງໄດ້ ເຮັດໃຫ້ມີການຕັ້ງຄໍາຖາມຂຶ້ນມາ
ກ່ຽວກັບການຜ່າຕັດເພື່ອປ້ອງກັນລ່ວງໜ້າ. ການກວດເຊື້ອ
ກໍາມະພັນ ໄດ້ສະແດງໃຫ້ເຫັນວ່າ ດາລາຮູບເງົາຊື່ດັງຄົນນີ້
ມີຄວາມສ່ຽງຫຼາຍຂຶ້ນ ຕໍ່ການເປັນໂຣກມະເຮັງເຕົ້ານົມ ແລະ
ມະເຮັງໃນຮວຍໄຂ່. ອະດີດຜູ້ສື່ຂ່າວວີໂອເອ Zulima Palacio ທີ່ເຮົາໄດ້ຕິດຕາມເລື້ອງ
ລາວມາສະເໜີທ່ານ ຫຼາຍຕອນແລ້ວນັ້ນ ກໍເປັນມະເຮັງໃນເຕົ້ານົມເບື້ອງນຶ່ງ ແຕ່ຜູ້ກ່ຽວ
ໄດ້ຕັດສິນໃຈຜ່າຕັດນົມ ອອກທັງສອງເບື້ອງເຊັ່ນກັນ. ດາຣາມີເລື້ອງນີ້ມາສະເໜີທ່ານ
ຈາກລາຍງານຂອງ Carol Pearson.
Your browser doesn’t support HTML5
ຟັງສາລະຄະດີການແພດ ກ່ຽວກັບມະເຮັງເຕົ້ານົມ ຕອນທີ 3
ທຸກມື້ນີ້ Zulima Palacio ໃຊ້ເວລາຫຼາຍເທົ່າທີ່ຈະຫຼາຍໄດ້ ນຳອຸບປະກອນເຮັດເຄື່ອງປັ້ນ
ດິນເຜົາຂອງນາງ ເພື່ອເຮັດໃຫ້ຕົນເອງເພີດເພີນແລະບໍ່ຄິດຫລາຍ.
Zulima ເວົ້າວ່າ “ການເຮັດເຄື່ອງປັ້ນດິນເຜົາໄດ້ເປັນການບຳບັດທາງຈິດໃຈ
ແລະທາງຮ່າງກາຍຂອງຂ້ອຍ ມາໄດ້ 15 ປີແລ້ວ. ມັນເປັນການພັກຜ່ອນຢ່ອນສະໝອງຫຼາຍທີ່ສຸດ ແລະເປັນການປະດິດຄິດສ້າງດີຫຼາຍ ແລະພາໃຫ້ຈິດໃຈ
ລືມເລື້ອງທີ່ຫຍຸ້ງຍາກຕ່າງໆ.”
Zulima Palacio ໄດ້ຖືກກວດເຫັນວ່າເປັນໂຣກມະເຮັງໃນເຕົ້ານົມເມື່ອເດືອນມີນາປີນີ້ເອງ
ແລະໄດ້ຜ່ານການບຳບັດໃສ່ຢາຄີໂມມາແລ້ວ ແລະມາບັດນີ້ ລາວໄດ້ຕັດສິນໃຈຜ່າຕັດນົມ
ອອກທັງສອງເບື້ອງ ເຖິງແມ່ນລາວເປັນມະເຮັງຢູ່ເຕົ້ານົມເບື້ອງດຽວ ຄືເບື້ອງຊ້າຍເທົ່ານັ້ນກໍຕາມ.
ລາວກ່າວວ່າ “ຂ້ອຍໄດ້ຕັດສິນໃຈເອງ ທີ່ຈະຜ່າຕັດເອົານົມອອກ ທັງສອງເບື້ອງ
ແລະມັນກໍມີເຫດຜົນຫຼາຍຢ່າງ.”
ໃນນັ້ນ ກໍຮວມທັງເຫດຜົນທີ່ວ່າ ໂຣກມະເຮັງມີໂອກາດທີ່ຈະກັບຄືນມາອີກໄດ້ ຊຶ່ງ Zulima
ເວົ້າວ່າ ລາວທົນບໍ່ໄດ້ກັບແນວຄິດທີ່ໃຊ້ເວລາຊົ່ວຊີວິດຂອງລາວທີ່ຍັງເຫຼືອນັ້ນ ຫລິ້ນເກມ
ຍິງປືນທີ່ເອີ້ນວ່າ Russian roulette ແບບສ່ຽງກັບການຂ້າໂຕເອງຕາຍ ເພາະບໍ່ຮູ້ວ່າ
ນັດໃດມີລູກປືນ ກໍຄືກັນກັບເຮັດໃຫ້ລາວຕ້ອງວິຕົກຢູ່ເລື້ອຍໆວ່າ ເວລາໃດນົມເບື້ອງຂວາ
ຂອງລາວ ຈະເປັນມະເຮັງ.
ວີດີໂອ ການສະແດງລະຄອນໃຫ້ຄວາມຮູ້ແກ່ ຜູ້ຄົນກ່ຽວກັບໂຣກມະເຮັງເຕົ້ານົມ:
Your browser doesn’t support HTML5
Theater Helps Doctors, Nurses Empathize with Breast Cancer Patients
ເຫດຜົນທີ່ພາໃຫ້ Zulima ຕັດສິນໃຈແນວນັ້ນ ເອີ້ນກັນວ່າ Angelina Jolie effect ຫລື
ຜົນກະທົບຂອງ Angelina Jolie ນັບແຕ່ທີ່ດາລາຮູບເງົາຄົນນີ້ ໄດ້ຜ່າຕັດນົມອອກທັງສອງ
ເບື້ອງ ຫຼັງຈາກການກວດເຊື້ອກໍາມະພັນ ພົບເຫັນວ່າ ນາງມີຄວາມສ່ຽງສູງຕໍ່ການເປັນໂຣກ
ມະເຮັງເຕົ້ານົມແລະມະເຮັງຮວຍໄຂ່ນັ້ນ. ແຕ່ວ່າແນວຄິດຜ່າຕັດອອກ ເພື່ອປ້ອງກັນລ່ວງ
ໜ້ານີ້ ເປັນບັນຫາທີ່ໂຕ້ແຍ້ງກັນ.
Dr. Marc Boisvert ທີ່ໂຮງໝໍ Medstar Washington ບໍ່ແນະນຳໃຫ້ເຮັດແນວນັ້ນ
Dr. Boisvert ກ່າວວ່າ: “ຂ້າພະເຈົ້າຄຶດວ່າ ການສຶກສາແມ່ນສຳຄັນ ກ່ຽວກັບ
ເລື້ອງນີ້. ຂ້າພະເຈົ້າຄຶດວ່າ ທ່ານສາມາດມີຈິດໃຈທີ່ສະຫງົບໄດ້ ຖ້າຮູ້ຈັກວ່າ
ທ່ານໄດ້ຖືກຕິດຕາມດູແລເບິ່ງຢ່າງລະມັດລະວັງຫຼາຍທີ່ສຸດ ແລະຮູ້ຈັກວ່າ
ໂຕເລກຢູ່ໃນຂັ້ນຮ້າຍແຮງສໍ່າໃດ ແລະໂອກາດທີ່ໂຣກມະເຮັງຈະກັບຄືນ
ມານັ້ນ ມີໜ້ອຍຫຼາຍສໍ່າໃດ.”
ບັນດານາຍແພດປະຈໍາຂອງ Zulima ກ່າວວ່າ ການຜ່າຕັດນົມອອກທັງສອງເບື້ອງ
ແມ່ນບໍ່ຈຳເປັນ ແຕ່ພວກນາງໝໍແລະພວກເປັນໂຣກມະເຮັງເຕົ້ານົມຄົນອື່ນໆບອກ
ນາງວ່າ ເຮັດໂລດ.
Zulima ກ່າວວ່າ “ຂ້ອຍມີເພື່ອນ 3 ຄົນ ທີ່ໄດ້ຜ່າຕັດນົມອອກ ແລະໃນເວລາ
ສອງສາມປີຕໍ່ມາ ໂຣກມະເຮັງໄດ້ກັບຄືນມາເປັນຢູ່ໃນນົມອີກເບື້ອງນຶ່ງ ຊຶ່ງ
ເຂົາເຈົ້າຕ້ອງໄດ້ໄປຜ່າຕັດອີກເປັນເທື່ອທີສອງ. ເຂົາເຈົ້າເວົ້າວ່າ ມັນເປັນ
ປະສົບປະການທີ່ທໍລະມານໃຈທີ່ສຸດ ແລະເຂົາເຈົ້າບອກຂ້ອຍວ່າ ‘Zuli
ຜ່າຕັດນົມທັງສອງເບື້ອງອອກດຽວນີ້ໂລດ ແລະບໍ່ຕ້ອງລໍຖ້າໄປອີກດອກ.’ ”
ເຖິງແມ່ນມີຄວາມຄິດເຫັນແຕກຕ່າງກັນໃນເລື້ອງນີ້ກໍຕາມ ແຕ່ພວກນາຍແພດສ່ວນຫຼາຍ
ກໍເຫັນພ້ອມນຳກັນວ່າ ຄົນເຈັບຈະຕ້ອງຮູ້ສຶກສະບາຍໃຈແລະພໍໃຈ ນຳການປິ່ນປົວຂອງ
ເຂົາເຈົ້າ ບໍ່ວ່າມັນຈະພົວພັນກັບການຮັກສາ ທີ່ມີການຕິດ ຕາມດູແລຢ່າງລະມັດລະວັງ ມີ
ການປິ່ນປົວຢ່າງແຂງຂັນ ຫຼືວ່າການຜ່າຕັດກໍດີ.
ວີດີໂອພາສາລາວ ກ່ຽວກັບ Angelina Jolie:
Your browser doesn’t support HTML5
Angelina Jolie ຜ່າຕັດເອົານົມອອກ ເພື່ອປ້ອງກັນ ໂຣກມະເຮັງ