ພວກປະທ້ວງໄດ້ທຳການປະທ້ວງໃນຫຼາຍຫົວເມືອງຂອງ Brazil
ໃນວັນພຸດວານນີ້ຊຶ່ງພວກ ປະທ້ວງໄດ້ປະນາມການເອົາບາດກ້າວ
ຂອງທ່ານນາງ Dilma Rousseff ປະທານາທິບໍດີທີ່ກຳລັງປະສົບ
ບັນຫາທີ່ຈະແຕ່ງຕັ້ງອະດີດປະທານາທິບໍດີ Luiz Inacio Lula
da Silva ໃຫ້ເປັນຫົວໜ້າຄະນະທີ່ປຶກສາຂອງທ່ານນາງ.
ພວກປະທ້ວງ ປະມານ 2 ພັນຄົນ ໄດ້ໄປເຕົ້າໂຮມກັນ ໃນວັນພຸດ
ວານນີ້ ໃນຖະໜົນຫົນທາງໃນນະຄອນ Brazilia ແລະນະຄອນ
Sao Paulo ຫຼັງຈາກທີ່ທ່ານ Rousseff ໄດ້ແຕ່ງຕັ້ງທ່ານ Lula
ຜູ້ຊຶ່ງໄດ້ອອກຈາກຕຳແໜ່ງດ້ວຍຄວາມນິຍົມຊົມຊອບສູງ ໂດຍ
ກ່າວວ່າ ມັນຈະເປັນການເສີມຄວາມເຂັ້ມແຂງໃຫ້ແກ່ລັດຖະບານ
ຂອງທ່ານນາງ.
ອະດີດປະທານາທິບໍດີ Brazil ທ່ານ Luiz Inacio Lula da Silva ຂຶ້ນກ່າວໃນກອງປະຊຸມພວກປະທ້ວງ.
ພວກປະທ້ວງ ກ່າວວ່າ ທ່ານ Lula ຖືກແຕ່ງຕັ້ງນີ້ແມ່ນ ເພື່ອປົກ
ປ້ອງ ທ່ານຈາກການຖືກຟ້ອງຮ້ອງໃນຄະດີຄວາມຂອງການຟອກ
ເງິນທີ່ພົວພັນກັບບໍລິສັດ Petrobras ຂອງລັດຖະບານນັ້ນ.
ໃນຖານະທີ່ເປັນສະມາຊິກລັດຖະບານຂອງທ່ານນາງ Rousseff
ທ່ານ Lula ແມ່ນສາ ມາດທີ່ຈະຖືກດຳເນີນຄະດີໄດ້ໂດຍສານສູງ
ສຸດຂອງປະເທດເທົ່ານັ້ນ.
ທ່ານ Lula ໄດ້ປະຕິເສດເຖິງການພົວພັນກັບຂ່າວນອງນັນຂອງ
ບໍລິສັດ Petrobras.
ປະທານາທິບໍດີ ທ່ານນາງ Dilma Rousseff ເຂົ້າຮ່ວມກອງປະຊຸມທີ່ມະຫາວິທະຍາໄລ ໃນ ທຳນຽບປະທານາທິບໍດີ Planalto, ໃນນະຄອນ Brasilia, Brazil, 11 ມີນາ, 2016.
ແຕ່ວ່າເພີ້ມຕື່ມໃສ່ຄວາມບໍ່ສະງົບໃນວັນພຸດວານນີ້ແລ້ວ ກໍແມ່ນ
ການນຳອອກມາເຜີຍແຜ່ ການອັດສຽງຂອງຜູ້ພິພາກສາທີ່ເປັນ
ຫົວໜ້າໃນການສືບສວນກ່ຽວກັບບໍລິສັດ Petrobras ນັ້ນ. ຜູ້ພິ
ພາກສາ ໄດ້ກ່າວວ່າ ການອັດສຽງໃນການໂອ້ລົມສົນທະນາທາງ
ໂທລະສັບທ່ານ Lula ສະແດງໃຫ້ເຫັນວ່າ ທ່ານຊອກຫາຊ່ອງທາງ
ການຊ່ວຍເຫຼືອເພື່ອຫຼີກເວັ້ນການຟ້ອງຮ້ອງດຳເນີນຄະດີ.
ໃນສ່ວນຂອງທ່ານນາງນັ້ນ ທ່ານນາງ Rousseff ແມ່ນກຳລັງຕໍ່ສູ້
ກັບຄວາມພະຍາຍາມຟ້ອງຮ້ອງປົດທ່ານນາງ ແລະສະພາບເສດ
ຖະກິດທີ່ຕົກຕ່ຳ ພ້ອມໆກັບຂ່າວຂອງນັນຂອງເລື້ອງບໍລິສັດ
Petrobras. ທ່ານນາງ Rousseff ໄດ້ຂຶ້ນກັບຕຳແໜ່ງແທນທ່ານ Lula ແລະພວກຕິຕຽນບາງຄົນ ກ່າວວ່າ ພວກເຂົາເຈົ້າ ຄາດຫວັງວ່າ ທ່ານຈະລົງແຂ່ງຂັນເອົາ ຕຳແໜ່ງຕື່ມອີກເທື່ອນຶ່ງ ເວລາສະໄໝຂອງທ່ານນາງ Rousseff ສິ້ນສຸດລົງແລ້ວນັ້ນ.