ພວກທະນາຍຄວາມ ທີ່ເຂົ້າຮ່ວມການດຳເນີນຄະດີປະທານາທິບໍດີ ທີ່ຖືກສັ່ງໃຫ້ພັກການເປັນການຊົ່ວຄາວຂອງບຣາຊີລທ່ານນາງ Dilma Rousseff ໄດ້ມ້ວນທ້າຍການໂຕ້ຖຽງຂອງພວກທ່ານ ໃນຕອນເຊົ້າວັນພຸດມື້ນີ້ແລະຄາດວ່າຈະຢຸດພັກເປັນເວລາສັ້ນໆກ່ອນທີ່ສະພາສູງຈະລົງຄະແນນສຽງກ່ຽວກັບວ່າ ຈະປົດທ່ານນາງອອກຈາກຕຳແໜ່ງຫຼືບໍ່.
ທ່ານນາງ Rousseff ຖືກກ່າວຫາວ່າ ໄດ້ໃຊ້ເງິນຈາກທະນາຄານ ຂອງລັດ ຢ່າງຜິດກົດ ໝາຍ ເພື່ອຖົມຂຸມງົບປະມານຂອງລັດຖະບານກາງ ໃນຄວາມພະຍາຍາມ ເພື່ອສ້າງຄະແນນນິຍົມໃຫ້ແກ່ທ່ານນາງ ກ່ອນການເລືອກຕັ້ງປະທານາທິບໍດີໃນປີ 2014.
ທ່ານນາງ Rousseff ຊຶ່ງເປັນປະທານາທິບໍດີແມ່ຍິງຄົນທຳອິດຂອງບຣາຊີລໄດ້ປະຕິເສດວ່າ ທ່ານນາງບໍ່ໄດ້ເຮັດຫຍັງຜິດກ່ຽວກັບເລື້ອງນີ້ ແລະກ່າວຫາ ພວກຝ່າຍຄ້ານທາງການເມືອງຂອງທ່ານນາງວ່າ ໃຊ້ການດຳເນີນຄະດີ ເພື່ອໂຄ່ນລົ້ມທ່ານນາງແລະບ່ອນທຳລາຍປະຊາທິປະໄຕຂອງບຣາຊີລ.
ທ່ານນາງ Rousseff ໄດ້ກ່າວໃນການໃຫ້ຄວາມເຫັນ ຕໍ່ສະມາຊິກສະພາສູງ ໃນວັນຈັນຜ່ານມານີ້ວ່າ “ຂ້າພະເຈົ້າຮູ້ດີວ່າ ຂ້າພະເຈົ້າຈະຖືກຕັດສິນ ແຕ່ຈິດສຳນຶກຂອງຂ້າພະເຈົ້າແມ່ນຈະແຈ້ງ. ຂ້າພະເຈົ້າບໍ່ໄດ້ກະທຳຄວາມຜິດໃດໆ.”
ແຕ່ພວກທະນາຍຄວາມຂອງຝ່າຍທີ່ເຫັນດີໃຫ້ຟ້ອງປະທານາທິບໍດີຖົກຖຽງວ່າ ການກ່າວຫາກ່ຽວກັບການສໍ້ລາດບັງຫຼວງ ຕໍ່ທ່ານນາງ Rousseff ແມ່ນມີຜົນກະທົບໂດຍກົງຕໍ່ບັນ ຫາເສດຖະກິດຂອງບຣາຊີລ ທີ່ໄດ້ປະສົບໃນຮອບຫຼາຍໆປີທີ່ຜ່ານມານີ້.
ທ່ານ Janaina Paschoal ຜູ້ນຳສະເໜີຮ່າງຍັດຕິທີ່ຂໍໃຫ້ຟ້ອງຮ້ອງທ່ານນາງ Rousseff ກ່າວວ່າ “ໂລກຕ້ອງການ ທີ່ຈະຮູ້ວ່າ ພວກເຮົາບໍ່ພຽງແຕ່ລົງຄະແນນສຽງ ກ່ຽວກັບບັນຫາຄວາມຮັບຜິດຊອບເທົ່ານັ້ນ.”
Your browser doesn’t support HTML5
Brazil Impeachment