ຜຸ້ຕັ້ງຖີ່ນຖານຊາວຢິວໃນເຂດເວັສແບັ້ງ ໄດ້ສະແດງຄວາມຍິນດີກັບການເລືອກ ຕັ້ງຂອງທ່ານ ດໍໂນລ ທຣໍາ ແລະການທີ່ລາວເລືອກທ່ານ ໄມກ໌ ຮັກຄາບີ ເປັນເອກອັກຄະລັດຖະທູດ ສະຫະລັດ ປະຈໍາ ອິສຣາແອລ. ພວກເຂົາເວົ້າວ່າ ພວກເຂົາຫວັງທີ່ຈະເຂົ້າຍຶດຄອງເຂດເວັສແບັ້ງ ແລະແມ່ນກະທັ້ງການສ້າງ ຖິ່ນຖານໃນແຫຼມ ກາຊາ. ລິນດາ ແກລດສໄຕນ ນັກຂ່າວວີໂອເອ, ລາຍງານຈາກບ່ອນຕັ້ງຖິ່ນຖານ ເຄດູມິມ ໃນເຂດເວັສແບັ້ງ.
ເຄດູມິມ ເປັນຊຸມຊົນທີ່ຢູ່ອາໄສທີ່ສະດວກສະບາຍ ຕັ້ງຢູ່ພາກເໜືອຂອງເຂດ ເວັສແບັ້ງ, ເຊິ່ງຖືກສ້າງຂຶ້ນໃນຊ່ວງກາງຊຸມປີ 1970. ທ່ານນາງ ດານຽນລາ ໄວສ໌ ຜູ້ນຳຜູ້ຕັ້ງຖີ່ນຖານທີ່ມີອາລົມຮຸນແຮງ ແລະພວກລູກໆຂອງລາວເປັນນຶ່ງ ໃນຄອບຄົວຊາວຢິວກຸ່ມທໍາອິດທີ່ຕັ້ງຖີ່ນຖານຢູ່ທີ່ນີ້ ໂດຍອາໃສຢູ່ໃນເຕັ້ນທີ່ບໍ່ມີນໍ້າ ປະປາ. ປັດຈຸບັນ, ລາວຫວັງວ່າ ທ່ານ ດໍໂນລ ທຣໍາ ທີ່ໄດ້ຮັບການ ເລືອກຕັ້ງ ເປັນປະທານາທິບໍດີ ຈະຍອມຮັບອຳນາດອະທິປະໄຕທັງໝົດ ແລະການ ຍຶດຄອງເຂດ ເວັສແບັ້ງ ໂດຍປາສະຈາກຂໍ້ກຳນົດສຳລັບລັດ ປາແລັສໄຕນ໌.
ທ່ານນາງ ດານຽນລາ ໄວສ໌, ຜູ້ນຳກຸ່ມຜູ້ຕັ້ງຖີ່ນຖານຊາວຢິວ ກ່າວວ່າ
“ປະທານາທິບໍດີແຫ່ງສະຫະລັດອາເມລິກາທີ່ເວົ້າວ່າ. “ຂ້າພະເຈົ້າຈະມອບ ຂອງຂວັນໃຫ້ເຈົ້າ, ຂ້ອຍຈະມອບອຳນາດອະທິປະໄຕໃຫ້ເຈົ້າ ແຕ່ເຈົ້າຕ້ອງແຍກ ບາງສິ່ງບາງຢ່າງອອກ” ບໍ່ດອກ, ມັນເປັນຂອງເຮົາທັງໝົດ. ຄວາມສາມາດໃນການເວົ້າວ່າມັນເປັນຂອງເປັນຂອງພວກເຮົາທັງໝົດ, ເປັນຫຍັງ? ເພາະວ່າມັນເປັນຄຳສັນຍາຂອງພະເຈົ້າທີ່ມີຕໍ່ ເອບຣາແຮມ.”
ລັດຖະມົນຕີກະຊວງການເງິນຂອງອິສຣາແອລ ທ່ານເບຊາແລລ ສໂມທຣິດຈ໌ ກໍອາໃສຢູ່ທີ່ນີ້ເຊັ່ນກັນ. ລາວຄາດວ່າໃນປີ 2025 ອິສຣາແອລ ຈະຍຶດຄອງພື້ນ ທີ່ທີ່ເອີ້ນວ່າ ຊີ ຊຶ່ງເປັນພື້ນທີ່ 60 ເປີເຊັນຂອງເຂດເວັສແບັ້ງ ທີ່ມີການຕັ້ງຖິ່ນ ຖານຂອງຊາວຢິວ ແລະເປັນທີ່ຢູ່ອາໃສຂອງຜູ້ຕັ້ງຖີ່ນຖານຫຼາຍກວ່າ 500,000 ຄົນ. ຊາວປາເລສໄຕນ໌ ສອງລ້ານຫ້າແສນຄົນ ສ່ວນໃຫຍ່ອາໃສຢູ່ໃນພື້ນທີ່ທີ່ ກໍານົດໃຫ້ເປັນເຂດ ເອ ແລະ ບີ ຂອງເຂດເວັສແບັ້ງ, ຊຶ່ງຢູ່ພາຍໃຕ້ການຄວບ ຄຸມບາງສ່ວນ ຫຼືທັງໝົດຂອງຝ່າຍບໍລິຫານ ປາແລັສໄຕນ໌.
ການຍຶດຄອງດິນແດນທີ່ເປັນຂໍ້ພິພາດຂອງອິສຣາແອລ ເປັນລັກສະນະເດັ່ນ ຂອງນະໂຍບາຍຕາເວັນອອກກາງຂອງລັດຖະບານທ່ານ ທຣໍາ ຊຸດທໍາອິດ ຊຶ່ງຮັບຮອງການຄວບຄຸມຂອງອິສຣາແອລ ເໜືອທົ່ງພຽງ ໂກລັນ. ທ່ານ ໄມຄ໌ ຮັກຄາບີ ທີ່ຖືກທ່ານ ທຣຳ ແຕ່ງຕັ້ງເປັນເອກອັກຄະລັດຖະທູດປະຈຳອິສຣາແອລ, ເປັນຜູ້ສະໜັບສະໜູນການຕັ້ງຖິ່ນຖານຂອງຊາວຢີວ ໃນເຂດເວັສແບັ້ງ ມາຍາວນານ ເຊັ່ນດຽວກັບຜູ້ຕັ້ງຖິ່ນຖານຊາວ ອິສຣາແອລ ຄົນອື່ນໆ. ລາວອ້າງດິນແດນເຫຼົ່ານີ້ດ້ວຍຊື່ໃນພຣະຄໍາພີພວກເຂົາວ່າ ຈູເດຍ ແລະຊາມາເຣຍ.
ທ່ານ ໄມຄ໌ ຮັກຄາບີ ຜູ້ໄດ້ຮັບການສະເນີຊື່ເປັນເອກອັກຄະລັດຖະທູດ ສະຫະລັດ ປະຈຳອິສຣາແອລ ກ່າວວ່າ
“ຂ້າພະເຈົ້າຍອມຮັບວ່າ ຈູເດຍ ແລະຊາມາເຣຍ ເປັນສ່ວນນຶ່ງຂອງອິສຣາແອລ ແລະຂ້າພະເຈົ້າເຊື່ອວ່າສິ່ງສຳຄັນທີ່ສຸດຄືພວກເຮົາຕ້ອງຮັບຮູ້ວ່າມີຊາວຢີວ ອາໃສຢູ່ໃນ ຈູເດຍ ແລະຊາມາເຣຍ ຫຼາຍວ່າທີ່ຄົນສ່ວນໃຫຍ່ຈະຮູ້ ແລະຈຳ ນວນດັ່ງກ່າວມີຄວາມສໍາຄັນໃນການຮັກສາຄວາມປອດໄພຂອງອິສຣາແອລ.”
ນັກວິເຄາະບາງຄົນ ລວມເຖິງຜູ້ທີ່ອາໃສຢູ່ໃນເຂດເວັສແບັ້ງເວົ້າວ່າ ອິສຣາແອລ ຄວນລະມັດລະວັງໃນການຍຶດຄອງດິນແດນເຫຼົ່ານີ້ໂດຍລໍາພັງ.
ນາງ ໂຮດາຢາ ຄາຣິຊ ຮາໂຊນີ, ຈາກເມືອງ ມາຄໍ ຣີຊອນ ກ່າວວ່າ
“ຖ້າເຈົ້າຫາກຄິດແນວນັ້ນແທ້ ແລະຂ້າພະເຈົ້າຄິດວ່າອໍານາດອະທິປະໄຕເປັນ ສິ່ງທີ່ຈະເຮັດໃຫ້ອິສຣາແອລ ປອດໄພ ແລະຮັບປະກັນອານາຄົດຂອງຜູ້ຄົນໄດ້, ເຈົ້າຕ້ອງເຮັດຢ່າງສະຫຼຽວສະຫຼາດ ແລະຕ້ອງເຮັດຄວບຄູ່ກັບລັດຖະບານ ອາເມຣິກາ.”
ຜູ້ຕັ້ງຖີ່ນຖານຄົນອື່ນໆ ເປັນຫ່ວງວ່າການຕັດສິນໃຈຍຶດຄອງສ່ວນນຶ່ງຂອງ ເຂດ ເວັສແບັ້ງ ອາດເຮັດໃຫ້ເກີດຄວາມບໍ່ສະຫງົບຫຼາຍຂຶ້ນ.
ທ່ານ ຮານັນ ໂມເສສ, ວິທະຍາໄລ ເຮີຊອກ ກ່າວວ່າ
“ຂ້າພະເຈົ້າສະໜັບສະໜູນການຍຶດຄອງດິນແດນເປັນການສ່ວນຕົວ, ແຕ່ຂ້າພະ ເຈົ້າບໍ່ຢາກໃຫ້ສັງຄົມມີຄວາມແຕກແຍກອີກຢູ່ທີ່ນີ້ ມັນໄດ້ມີການເຄື່ອນໄຫວເພື່ອ ການຕັ້ງຖີ່ນຖານທີ່ເຂັ້ມແຂງຢູ່ແລ້ວ ແຕ່ຝ່າຍຊ້າຍຕໍ່ຕ້ານມັນ. ການແບ່ງແຍກ ໃນໝູ່ພວກເຮົາເຮັດໃຫ້ພວກເຮົາອ່ອນແອລົງ.”
ຜູ້ນຳການຕັ້ງຖິ່ນຖານບາງຄົນລວມທັງ ທ່ານນາງ ດານຽນລາ ຕ້ອງການໄປໄກ ກວ່າການຍຶດຄອງເຂດເວັສແບັ້ງ. ພວກເຂົາບອກວ່າກໍາລັງກະກຽມການສ້າງຕັ້ງ ຖິ່ນຖານຊາວຢີວໃນແຫຼມກາຊາ ທີ່ຖືກອົບພະຍົບອອກໄປໃນປີ 2005.
ອ່ານລາຍງານນີ້ເປັນພາສາອັງກິດ
Jewish settlers in the West Bank welcome the election of Donald Trump and his selection of Mike Huckabee as U.S. Ambassador to Israel. They say they hope to annex the West Bank and even build settlements in Gaza. For VOA, Linda Gradstein reports from the Kedumim settlement in the West Bank.
Kedumim is a comfortable bedroom community in the northern West Bank built in the mid-1970s. Daniella Weiss, a fiery settler leader, and her children were one of the first Jewish families to settle here, living in tents with no running water.
Today, she hopes President-elect Donald Trump will accept total sovereignty and annexation of the West Bank settlements, without provisions for a Palestinian state.
Daniella Weiss, Jewish Settler Leader
“The president of the United States who says ‘I’m going to give you a present. I will give you sovereignty, but you’ll have to leave something aside.’ No, it’s all ours. The ability to say it is all ours, why? Because it is the promise of God to Abraham.”
Israel’s Finance Minister Bezalel Smotrich also lives here. He predicted that in 2025, Israel will annex what’s known as Area C, the 60 percent of the West Bank that contains the Jewish settlements and is home to more than 500,000 settlers. The 2.5 million Palestinians live mostly in what’s designated Areas A and B of the West Bank that are under the partial or full control of the Palestinian Authority.
Israeli annexation of disputed territory was a feature of the first Trump administration's Middle East policy, which recognized Israeli control over the Golan Heights. Trump-appointed Ambassador to Israel, Mike Huckabee, has long been a staunch proponent of Jewish settlements in the West Bank. Like the Israeli settlers, he refers to the territories by their Biblical name Judea and Samaria.
Mike Huckabee, US Ambassador to Israel Nominee
“I recognize Judea and Samaria as part of Israel. And I believe that it’s most
important that we realize that there are more Jews living in Judea and Samaria than most people ever realize, and that those numbers are significant. It’s an important part of the security of Israel.”
Some analysts, including those who live in the West Bank, say that Israel should be careful about annexing the lands unilaterally.
Hodaya Karish-Hazony, Makor Rishon
“If you really think that, and I think that, sovereignty is one of the things that can make Israel really safe and ensure her future, you have to do it wisely and you have to do it hand-in-hand with the American administration.”
Other settlers worry that a decision to annex part of the West Bank could cause further unrest.
Hanan Moses, Herzog College
“I personally support annexation, but I just don’t want it to tear the society apart again. There already is a strong settlement movement here. But the left is against it. The division among us weakens us.”
Some settler leaders, including Daniella Weiss, want to go even further than annexing the West Bank. They say they are already preparing to re-build Jewish settlements in the Gaza Strip which were evacuated in 2005.