ນັກດົນຕີທີ່ມີຊື່ສຽງອາເມຣິກັນ ທ່ານ Bob Dylan ໄດ້ຊະນະລາງວັນ Nobel ສາຂາວັນ ນະຄະດີ ທ່ານເປັນນັກຂຽນເພງຄົນທຳອິດ ທີ່ໄດ້ຮັບລາງວັນກຽດຕິຍົດດັ່ງກ່າວ.
ສະຖາບັນການສຶກສາສະວີດິສ ເຊິ່ງເປັນຜູ້ຕັດສິນ ກ່ຽວກັບ ຜູ້ທີ່ຈະໄດ້ໄຊຊະນະລາງ Nobel ສາຂາວັນນະຄະດີ. ໃນກ່າວໃນວັນພະຫັດວານນີ້ວ່າ ທ່ານ Dylan ໄດ້ຖືກໃຫ້ກຽດ ຮັບລາງວັນ “ສຳລັບການຂຽນກາບກອນລະບາຍເຖິງຄວາມຍິງໃຫຍ່ປະເພີນີເພງອາເມ ຣິກັນ.”
ຝູງຊົນຜູ້ທີ່ໄດ້ເຕົ້າໂຮມກັນ ສຳລັບການປະກາດຢູ່ທີ່ນະຄອນ Stockholm ເຊິ່ງເປັນເມືອງເກົ່າແກ່ຂອງ Sweden ໄດ້ສະແດງປະຕິກິລິຍາດ້ວຍການຮ້ອງໂຮຢ່າງຝົດຟື້ນ ເວລາຊື່ຂອງທ່ານ Dylan ໄດ້ປະກາດອອກມາ.
Your browser doesn’t support HTML5
Bob Dylan Performs Blowin In The Wind
ທ່ານໄດ້ຖືກເວົ້າເຖິງການທີ່ອາດເປັນໄປໄດ້ ທີ່ຈະເປັນຜູ້ຊະນະລາງວັນ Nobel ໃນຫລາຍປີຜ່ານມາ ແຕ່ບໍ່ໄດ້ເຫັນວ່າເປັນຄູ່ແຂ່ງຂັນທີ່ແນ່ນອນ.
ທ່ານ Dylan ເປັນຊາວອາເມຣິກັນຄົນທຳອິດທີ່ໄດ້ໄຊຊະນະລາງວັນ Nobel ວັນນະຄະດີ ນັບແຕ່ທ່ານ Toni Morrison ໃນປີ 1993.
ທ່ານ Dylan ນັກຮ້ອງ ແລະນັກຂຽນເພງອາຍຸ 75 ປີ ເກີດມາມີຊື່ວ່າ Robert Allen Zimmerman ໄດ້ເລີ້ມວິຊາອາຊີບການຫລິ້ນດົນຕີໃນປີ 1959 ໂດຍການສະແດງຢູ່ທີ່ຮ້ານຂາຍກາເຟຢູ່ພາກກາງທິດຕາເວັນຕົກຂອງລັດ Minnesota.
Your browser doesn’t support HTML5
Bob Dylan’s Nobel Prize in Literature Surprises Even Fans
ທ່ານ Dylan ເກີດຢູ່ເມືອງ Duluth ລັດ Minnesota ໃນວັນທີ 24 ເດືອນພຶດສະພາ ປີ 1941 ແລະເຕີບໃຫຍ່ຢູ່ໃນຄອບຄົວຖານະປານກາງຂອງຊາວ ຍີວ. ທ່ານໄດ້ສອນຕົນເອງຫລິ້ນກິຕາ ຮາໂມນິກາ ແລະປີອາໂນ.
ເພງທີ່ມີຊື່ງສຽງຂອງທ່ານ Dylan ມາຈາກຊຸມປີ 1960 ຄືດັ່ງເພງ Blow in the Wind ໄດ້ກາຍມາເປັນເພງປະຈຳຊາດ ໃນການຕ້ານສົງຄາມຫວຽດນາມ ແລະການເຄື່ອນໄຫວສິດທິມະນຸດ. ທ່ານຍັງໄດ້ຮັບລາງວັນ Pulitizer ໃນປີ 2008 ໃນການມອບໝາຍຂອງທ່ານຕໍ່ດົນຕີ ແລະປະເພນີຊາວອາເມຣິກັນ.
Bob Dylan Wins Nobel Literature Prize
ຮູບພາບບັນດາຜຸ້ໄດ້ຮັບລາງວັນ ໂນແບລ ໃນຂະແໜງຕ່າງໆ
ເພງເກົ່າຂອງທ່ານ ປີ 1965 “Like a Rolling Stone” ໄດ້ຖືກຂະໜານນາມວ່າເປັນເພງໂດງດັງຕະຫລອດຈາກນິຕິຍະສານ Rolling Stone ທີ່ ກ່າວວ່າ “ບໍ່ມີເພງສະໄໝໃໝ່ໃດໆທີ່ທ້າທາຍ ແລະປ່ຽນແປງກົດໝາຍການຄ້າ ແລະການຜະລິດຄິດສ້າງສິນລະປະຂອງເວລາ ທີ່ມີຕະຫລອດມາ.”
ທ່ານ Dylan ຈະໄດ້ຮັບເງິນ 906,000 ທີ່ເປັນລາງວັນວັນນະຄະດີ. ມີຜູ້ໄດ້ຮັບ ລາງວັນ Nobel laureates ທັງໝົດຫົກຄົນ ແຕ່ລະຄົນຈະໄດ້ຮັບຫລຽນຄຳ ແລະໃບປະກາດສະສີຍະບັດ ຢູ່ໃນພິທີອັນມີກຽດທີ່ນະຄອນ Stockholm ໃນວັນທີ 10 ເດືອນທັນວາຈະມາເຖິງນີ້.
ອ່ານຂ່າວນີ້ເພີ້ມເປັນພາສາອັງກິດ
Your browser doesn’t support HTML5
Dylan Novel Reaction