ລັດຖະມົນຕີການຕ່າງປະເທດ ສະຫະລັດ ທ່ານ ແອນໂທນີ ບລິງເຄັນ ໄດ້ກ່າວວ່າຂໍ້ຕົກລົງຢຸດຍິງກາຊາ ສະບັບຫຼ້າສຸດອາດເປັນໂອກາດສຸດທ້າຍທີ່ຈະໄດ້ຮັບການປ່ອຍຕົວປະກັນ ແລະ ສິ້ນສຸດການຕໍ່ສູ້ລະຫວ່າງກຸ່ມຮາມາສ ແລະ ອິສຣາແອລ.
ທ່ານ ບລິງເຄັນ ໄດ້ກ່າວໃນວັນຈັນມື້ນີ້ວ່າ “ນີ້ແມ່ນຊ່ວງເວລາທີ່ເດັດດ່ຽວ, ຄົງແມ່ນດີທີ່ສຸດ, ບາງເທື່ອຄັ້ງສຸດທ້າຍ, ເປັນໂອກາດທີ່ຈະນຳເອົາຕົວປະກັນກັບຄືນເມືອບ້ານ, ເພື່ອທຳການຢຸດຍິງ ແລະ ນຳເອົາທຸກຄົນໄປສູ່ເສັ້ນທາງທີ່ດີກວ່າເກົ່າໃນສັນຕິພາບ ແລະ ຄວາມໝັ້ນຄົງທີ່ຍາວນານ.”
ທ່ານ ບລິງເຄັນ ໄດ້ພົບປະກັບປະທານາທິບໍດີ ອິສຣາແອລ ທ່ານ ໄອແຊັກ ເຮີຊອກ ໃນວັນຈັນມື້ນີ້ ແລະ ມີກຳນົດທີ່ຈະພົບປະກັບນາຍົກລັດຖະມົນຕີ ທ່ານ ເບັນຈາມິນ ເນຕັນຢາຮູ ໃນທ້າຍຂອງວັນ.
ນີ້ແມ່ນການເດີນທາງຄັ້ງທີ 9 ຂອງທ່ານນັບຕັ້ງການຕໍ່ສູ້ໄດ້ເລີ່ມຂຶ້ນໃນວັນທີ 7 ຕຸລາ. ບັນດານັກເຈລະຈາຈາກ ສະຫະລັດ, ອີຈິບ ແລະ ກາຕ້າ ໄດ້ພົບປະກັນໃນນະຄອນຫຼວງ ໂດຮາ ປະເທດ ກາຕ້າ ໃນອາທິດທີ່ຜ່ານມາເພື່ອຮ່າງຂໍ້ຕົກລົງສະບັບຫຼ້າສຸດ, ແລະ ການປຶກສາຫາລືທີ່ຄາດວ່າຈະດຳເນີນຕໍ່ໃນນະຄອນຫຼວງ ໄຄໂຣ ຂອງ ອີຈິບ ໃນທ້າຍອາທິດນີ້.
ໃນຂະນະທີ່ທ່ານ ບລິງເຄັນ ເຈລະຈາກັບບັນດາຜູ້ນຳ ອິສຣາແອລ ຢູ່ນັ້ນ, ກຸ່ມເຮັສບອລລາ ໄດ້ປະກາດວ່າພວກເຂົາໄດ້ເປີດ “ການໂຈມຕີທາງອາກາດປະສານກັນຫຼາຍຄັ້ງ” ກັບ “ໂດຣນທີ່ເຕັມໄປດ້ວຍລະເບີດ” ໃສ່ຄ້າຍທະຫານ ອິສຣາແອລ ສອງແຫ່ງ, ເຊິ່ງແມ່ນຄ້າຍທີ່ຕັ້ງຢູ່ເຂດຊາຍແດນ ແລະ ຖານທັບແຫ່ງນຶ່ງຢູ່ໃກ້ກັບເມືອງ ອາເຄຣ ທີ່ຕັ້ງຢູ່ແຄມຝັ່ງທະເລ.
ໃນເດືອນແລ້ວນີ້, ການໂຈມຕີຂອງ ອິສຣາແອລ ໃກ້ກັບນະຄອນຫຼວງ ເບຣຸດ ຂອງ ເລບານອນ ໄດ້ສັງຫານທ້າວ ຟວດ ຊູເຄີ, ເຊິ່ງແມ່ນນຶ່ງໃນຜູ້ບັນຊາການລະດັບສູງຂອງກຸ່ມ ເຮັສບອລລາ, ບໍ່ດົນກ່ອນການໂຈມຕີໃນນະຄອນຫຼວງ ເຕຫະຣ່ານ ຂອງ ອີຣ່ານ ທີ່ໄດ້ສັງຫານຜູ້ນຳການເມືອງຂອງກຸ່ມຮາມາສ ທ່ານ ອິສເມລ ຮານີເຢ. ແນວໃດກໍຕາມ ອິສຣາແອລ ບໍ່ໄດ້ອ້າງເອົາຄວາມຮັບຜິດຊອບສຳລັບການຕາຍຂອງທ່ານ ຮານີເຢ, ທີ່ເຂົາເຈົ້າຖືກຖິ້ມໂທດໃສ່ສຳລັບການໂຈມຕີດັ່ງກ່າວ.
ອ່ານຂ່າວນີ້ເປັນພາສາອັງກິດ
U.S. Secretary of State Antony Blinken said the latest Gaza cease-fire deal could be the last chance to secure the return of hostages and end the fighting between Hamas and Israel.
"This is a decisive moment -- probably the best, maybe the last, opportunity to get the hostages home, to get a ceasefire and to put everyone on a better path to enduring peace and security," Blinken said Monday.
Blinken met Monday with Israeli President Isaac Herzog and was scheduled to meet with Prime Minister Benjamin Netanyahu later in the day.
This is his ninth trip to the region since the hostilities started on Oct. 7. Negotiators from the United States, Egypt and Qatar met in Doha, Qatar, last week to craft the latest version of the deal, and discussions are expected to resume in Cairo later this week.
As Blinken was talking with the Israeli leaders, Hezbollah announced it launched a "simultaneous air attack" with "explosive-laden drones" on two Israeli military positions -- a barracks near the border and a base near the coastal town of Acre.
Last month, an Israeli strike near Beirut killed Fuad Shukr, one of Hezbollah’s top commanders, shortly before an attack in Tehran killed Hamas political leader Ismail Haniyeh. Although Israel didn’t claim responsibility for Haniyeh’s death, it has been blamed for the attack.