ມີຢ່າງໜ້ອຍ 13 ຄົນເສຍຊີວິດ ແລະ 25 ຄົນໄດ້ຮັບບາດເຈັບ ໃນ
ນະຄອນຫຼວງຂອງປະເທດ ໂຊມາລີ ເມື່ອລົດຄັນໜຶ່ງ ໄດ້ລະເບີດ
ຂຶ້ນຢູ່ນອກໂຮງແຮມ ບ່ອນທີ່ກຳລັງຕ້ອນຮັບ ບັນດານັກການທູດ
ຈາກຈີນ ແລະ ເອຢິິບ ຢູ່.
ກຸ່ມພວກຫົວຮຸນແຮງ ໂຊມາເລຍ al-Shabab ໄດ້ອ້າງເອົາຄວາມ
ຮັບຜິດຊອບສຳລັບການລະເບີດທີ່ແນໃສ່ໂຮງແຮມ Jazeera ຢູ່ໃກ້
ກັບສະໜາມບິນສາກົນ Mogadishu. ໂຮງແຮງດັ່ງກ່າວ ແມ່ນໄດ້
ຖືກນຳໃຊ້ໂດຍບັນດາສະມາຊິກສະພາ ແລະ ນັກຂ່າວ ພ້ອມກັນກັບ
ບັນດານັກການທູດຕ່າງປະເທດອີກດ້ວຍ.
ສື່ຂ່າວທ້ອງຖິ່ນ ລາຍງານວ່າ ພວກຄົນທີ່ເສຍຊີວິດ ສ່ວນຫຼາຍແມ່ນພົນລະເຮືອນ ລວມທັງ
ນັກຂ່າວຂອງໂທລະພາບ ໃນທ້ອງຖິ່ນ. ມີລາຍງານວ່າ ພະນັກງານສະຖານທູດຈີນຄົນໜຶ່ງ ແມ່ນລວມຢູ່ໃນຜູ້ທີ່ໄດ້ຮັບບາດເຈັບ. ບັນດາເຈົ້າໜ້າທີ່ ບໍ່ໄດ້ເປີດເຜີຍໃຫ້ຊາບ ລາຍລະອຽດ ກ່ຽວກັບຜູ້ເຄາະຮ້າຍຄົນອື່ນໆ.
ສາຍລັບຊາວໂຊມາເລຍຄົນໜຶ່ງ ຜູ້ທີ່ບໍ່ປະສົງອອກຊື່ ກ່າວຕໍ່ວີໂອເອ ວ່າ ລົດກະບະຍີ່ຫໍ້
ໂຕໂຢຕ້າ Dyna ບັນຈຸລະເບີດ ໄດ້ແຕກຂຶ້ນ ຢູ່ນອກໂຮງແຮມດັ່ງກ່າວ ເມື່ອຕອນບ່າຍ
ວັນອາທິດວານນີ້.
ຕົວອາຄານຂອງໂຮງແຮມຂ້າງໜຶ່ງ ໄດ້ພັງທະລາຍລົງຈົດໝົດ ແລະ ບັນດາຜູ້ເຫັນເຫດການ
ກ່າວວ່າ ອາດມີຄົນຈຳນວນໜຶ່ງຕົກຄ້າງຢູ່ພາຍໃຕ້ຊາກຫັກພັງດັ່ງກ່າວ.
Your browser doesn’t support HTML5
Somalia Blast