ປະທານາທິບໍດີ ໂຈ ໄບເດັນ ກ່າວໃນວັນເສົາມື້ນີ້ວ່າ “ທຸກຄົນຕ້ອງປະນາມ” ຕໍ່ຄວາມພະຍາຍາມທີ່ສົງໄສວ່າການລອບສັງຫານຕໍ່ອະດີດປະທານາທິບໍດີ ທ່ານ ດໍໂນລ ທຣຳ, ໂດຍທ່ານກ່າວຕື່ມວ່າ ທ່ານຫວັງວ່າຈະໄດ້ໂອ້ລົມກັບຄູ່ແຂ່ງຂັນເອົາຕຳແໜ່ງປະທານາທິບໍດີປີ 2024 ຂອງທ່ານໃນໄວໆນີ້.
ໂດຍກ່າວໃນຄຳປາໄສຕໍ່ປະເທດຊາດປະມານ 2 ຊົ່ວໂມງ ລຸນຫຼັງເຫດການລອບຍິງ ທ່ານ ທຣໍາ, ທ່ານ ໄບເດັນ ກ່າວວ່າ ທ່ານຮູ້ສຶກສະບາຍໃຈທີ່ມີລາຍງານວ່າ ທ່ານ ທຣໍາ “ສະບາຍດີ.” ທ່ານກ່າວວ່າ ທ່ານບໍ່ສາມາດຕິດຕໍ່ຫາ ທ່ານ ທຣໍາ ກ່ອນການກ່າວຄຳປາໄສຂອງທ່ານ ແລະໄດ້ສັນຍາທີ່ຈະຖະແຫຼງການເພີ້ມເຕີມຕໍ່ສັງຄົມໃນຕອນແລງວັນເສົາ ກ່ຽວກັບວ່າ ພວກເຂົາຈະກ່າວກ່ຽວກັບກັບລາຍລະອຽດການສືບສວນສອບສວນດ້ວຍ ຫຼື ບໍ່.
ທ່ານ ໄບເດັນ ກ່າວວ່າ “ພວກເຮົາບໍ່ສາມາດໃຫ້ສິ່ງດັ່ງກ່າວນີ້ເກີດຂຶ້ນໄດ້. ຄວາມຄິດທີ່ວ່າ ມີຄວາມຮຸນແຮງໃນອາເມລິກາແບບນີ້ ແມ່ນບໍ່ເຄີຍໄດ້ຍິນ.”
ທ່ານ ໄບເດັນ, ເວົ້າໂດຍບໍ່ມີລາຍລະອຽດການອ່ານໃນຈໍຄອມພິວເຕີ້, ກ່າວວ່າທ່ານລໍຖ້າຂໍ້ມູນເພີ້ມເຕີມກ່ອນທີ່ຈະຮ້ອງການໂຈມຕີຢ່າງເປັນທາງການວ່າ ເປັນຄວາມພະຍາຍາມລອບສັງຫານອະດີດປະທານາທິບໍດີ.
“ຂ້າພະເຈົ້າມີຂໍ້ຄິດເຫັນ, ແຕ່ຂ້າພະເຈົ້າບໍ່ມີຂໍ້ມູນຄວາມຈິງ,” ທ່ານກ່າວຕໍ່ບັນດານັກຂ່າວ, ໂດຍສັນຍາທີ່ຈະສະໜອງຂໍ້ມູນຫຼ້າສຸດ ໃນຂະນະທີ່ທ່ານກໍຢາກຮຽນຮູ້ເພີ້ມເຕີມເຊັ່ນກັນ.
Your browser doesn’t support HTML5
President Joe Biden's statement following assassination attempt at Trump rally
ທ່ານປະທານາທິບໍດີກ່າວຄຳປາໄສຈາກຫ້ອງຂ່າວສຸກເສີນຂອງທຳນຽບຂາວ ໃນເມືອງ ເຣີໂຮໂບດທ໌ ບີຈ (Rehoboth Beach), ລັດເດລາແວ, ເຊິ່ງຖືກຈັດຕັ້ງຂຶ້ນທຸກຄັ້ງທີ່ປະທານາທິບໍດີເດີນທາງໄປ ເພື່ອເຮັດໃຫ້ທ່ານສາມາດກ່າວຄຳປາໄສຕໍ່ປະເທດໃນເວລາບໍ່ເທົ່າໃດນາທີ. ທ່ານ ໄບເດັນ ໄດ້ໃຊ້ເວລາທ້າຍອາທິດຢູ່ທີ່ເຮືອນພັກຊາຍຫາດຂອງທ່ານ ແລະຢູ່ທີ່ໂບດໃກ້ຄຽງ ເພື່ອການຊຸມນຸມ ເມື່ອມີເຫດການຍິງກັນເກີດຂຶ້ນ.