ຮອງປະທານາທິບໍດີສະຫະລັດ ທ່ານ Joe Biden ໄດ້ໄປ
ເຖິງປາກິສຖານແລ້ວ ຊຶ່ງເປັນການເດີນທາງໄປຍັງຂົງເຂດ
ດັ່ງກ່າວໂດຍບໍ່ໄດ້ປະກາດໃຫ້ຮູ້ລ່ວງໜ້າ ເພື່ອຈະໄປປະເມີນ
ຄວາມກ້າວໜ້າຂອງສະຫະລັດໃນການທຳສົງຄາມຢູ່
ອັຟການິສຖານ.
ທ່ານ Biden ຄາດວ່າຈະພົບປະກັບບັນດາຜູ້ນຳຂອງປາ
ກິສຖານໃນວັນພຸດມື້ນີ້, ນຶ່ງມື້ລຸນຫລັງທີ່ໄດ້ພົບກັບປະທາ
ນາທິບໍດີອັຟການິສຖານ ທ່ານ Hamid Karzai ທີ່ນະ
ຄອນຫລວງກາບູນ.
ໃນລະຫວ່າງກອງປະຊຸມຖະແຫລງຂ່າວຮ່ວມກັບ ທ່ານ Karzai ໃນວັນອັງຄານວານນີ້
ທ່ານ Biden ໄດ້ແນະໃຫ້ຮູ້ວ່າ ທັງສອງປະເທດຕ້ອງໄດ້ພ້ອມກັນເພີ້ມຄວາມກົດດັນຕໍ່ພວກ
ຫົວຮຸ່ນແຮງຕານລີບານ ຢູ່ທັງສອງຟາກຂອງຊາຍແດນລະຫວ່າງປາກິສຖານ ແລະອັຟກາ
ນິສຖານ ເພື່ອຈະໃຫ້ໄດ້ຮັບຄວາມຄືບໜ້າລວມຮ່ວມກັນອັນແໜ້ນແກ່ນໃນການທຳສົງຄາມ
ຢູ່ທີ່ນັ້ນ.
ໃນເດືອນແລ້ວນີ້ ທ່ານເອກອັກຄະລັດຖະທູດສະຫະລັດປະຈຳປາກິສຖານ, ທ່ານ
Cameron Munter ເວົ້າວ່າ ສະຫະລັດໄດ້ໂອ້ລົມຢ່າງສະໜິດສະໜົມກັບຝ່າຍທະຫານ
ຂອງປາກິສຖານກ່ຽວກັບການໂຈມຕີທີ່ໝັ້ນຕ່າງໆຂອງພວກຕາລີບານ ທີ່ເຊື່ອວ່າຕັ້ງຢູ່ໃນ
ເຂດຊົນເຜົ່າ Warziristan ເໜືອຂອງປາກິສຖານນັ້ນ.
ສະຫະລັດເຊື່ອວ່າເຄືອຂ່າຍກຸ່ມ Haqqani ຂອງພວກຕາລີບານອັຟກິສຖານ ທີ່ມີການພົວ
ພັນກັບກຸ່ມກໍ່ການຮ້າຍ ອາລ-ຄາຍດາ ນຳໃຊ້ທີ່ໝັ້ນເຫຼົ່ານີ້ເປັນແປ້ນຢັນໃນການໂຈມຕີກຳລັງທະຫານປະສົມຢູ່ໃນອັຟກິສຖານ.
ສ່ວນປາກິສຖານນັ້ນ ໄດ້ຄັດຄ້ານມາເປັນເວລາດົນນານແລ້ວ ຕໍ່ຄວາມກົດດັນຂອງສະຫະລັດ
ທີ່ຢາກໃຫ້ປາກິສຖານເປີດການບຸກໂຈມຕີຄັ້ງໃໝ່ ໂດຍກ່າວວ່າຈຳເປັນຕ້ອງໄດ້ເສີມຂະ
ຫຍາຍການໄດ້ປຽບທາງທະຫານຢູ່ໃນເຂດຊົນເຜົ່າອື່ນໆທີ່ຢູ່ລຽບຕາມບໍລິເວນຊາຍແດນຕິດ
ກັບອັຟການິສຖານນັ້ນ.