ນາຍົກລັດຖະມຸນຕີຂອງ Barbados ເຖິງແກ່ ມໍລະນະກໍາ
ນາຍົກລັດຖະມຸນຕີຂອງ Barbados ປະເທດເກາະດອນໃນເຂດທະເລ Caribbean ທ່ານ
David Thompson ໄດ້ເຖິງແກ່ມໍລະນະກໍາໄປ ແລ້ວຫລັງຈາກໄດ້ຕໍ່ສູ້ກັບໂຣກມະເຮັງໃນ
ມ້າມ ມາເປັນເວລາດົນນານ. ທ່ານ Thompson ສີ້ນຊີວິດລົງ ໃນຕອນເຊົ້າວັນເສົາວານນີ້
ທີ່ບ້ານພັກຂອງທ່ານ ຮວມອາຍຸໄດ້ 48 ປີ.
ທ່ານ Clifford Husbands ຂ້າຫລວງໃຫຍ່ຂອງ Barbados ໄດ້ແຕ່ງຕັ້ງທ່ານ Freudel
Stuart ລັດຖະມຸນຕີກະຊວງຍຸຕິທໍາແລະຮອງນາຍົກລັດຖະ ມຸນຕີ ຂຶ້ນດໍາລົງຕໍາແໜ່ງແທນ
ທ່ານ Thompson ແລະທ່ານ Stuart ຈະດໍາລົງຕໍາ ແໜ່ງນາຍົກລັດຖະມົນຕີໄປຈົນຮອດ
ການເລືອກຕັ້ງທົ່ວໄປຄັ້ງໃໝ່ ໃນປີ 2012.
ທ່ານ Thompson ໄດ້ຂຶ້ນເປັນນາຍົກລັດຖະມຸນຕີຄົນທີ 6 ຂອງປະເທດໃນເດືອນມັງກອນ
ປີ 2008.
ທ່ານໄດ້ເປັນຫົວໜ້າພັກແຮງງານປະຊາທິປັດ ຫລື Democratic Labor Party ນັບແຕ່
ຕົ້ນຊຸມປີ 1990 ເປັນຕົ້ນມາ ແລະໄດ້ຮັບການຍ້ອງຍໍວ່າເຮັດໃຫ້ພັກໄດ້ຮັບສຽງສ່ວນຫລາຍ
ໃນສະພາແຫ່ງຊາດເມື່ອ 2 ປີຜ່ານມາ.
ມື້ລາງນາຍົກລັດຖະມຸນຕີ Thompson ມີພັນລະຍາ ຊື່ທ່ານນາງ Marie-Josephine Mara ແລະລູກສາວ 3 ຄົນ.