ສານໃນ Bangladesh ໄດ້ຕັດສິນລົງໂທດປະຫານຊີວິດຕໍ່ຊາຍ
ສອງຄົນ ແລະອີກ 6 ຄົນ ໃຫ້ຕິດຄຸກ ໃນວັນພະຫັດມື້ນີ້ ໃນຄະດີ
ພົວພັນກັບການສັງຫານນັກຂຽນຂ່າວລົງອິນເຕີແນັດຫຼື blogger.
ພວກໂຈມຕີທີ່ສັງຫານ ທ່ານ Ahmed Rajib Haider ດ້ວຍມີດ
ຂະໜາດໃຫຍ່ໃກ້ໆກັບບ້ານຂອງທ່ານໃນຂະນະທີ່ມີການເພີ້ມຂຶ້ນ
ໃນອັນທີ່ເອີ້ນວ່າ ຄວາມຮຸນແຮງ ທີ່ດຳເນີນມາ ໄດ້ຫລາຍປີແລ້ວ
ການຈັບກຸມແລະການຂົ່ມຂູ່ຕໍ່ພວກນັກຂຽນ ທີ່ຖືກກ່າວຫາວ່າສົບ
ປະມາດສາສະໜາອິສລາມນັ້ນ.
ຜູ້ພິພາກສາສານ ໃນການດຳເນີນຄະດີ ທີ່ເລັ່ງດ່ວນດັ່ງກ່າວ ໃນ
ສານນະຄອນ Dhaka ໄດ້ຕັດສິນລົງໂທດປະຫານຊີວິດ ນັກສຶກສາ 2 ຄົນ ຊຶ່ງຮວມທັງນຶ່ງ
ໃນນັ້ນ ໄດ້ຖືກຕັດສິນໂທດແບບລັບຫລັງ.
ສ່ວນອີກຜູ້ນຶ່ງທີ່ໄດ້ຖືກຕັດສິນໂທດໃຫ້ຕິດຄຸກຕະຫຼອດຊີວິດ ໃນຂະນະທີ່ຄົນອື່ນແມ່ນໄດ້
ຮັບໂທດຕິດຄຸກແຕ່ 3 ຫາ 10 ປີ.
ບັນດາກຸ່ມປົກປ້ອງສິດເສລີິພາບດ້ານການຂ່າວ ແລະສິດທິມະນຸດ ໄດ້ຕຳໜິຕິຕຽນລັດຖະ
ບານ Bangladesh ໂດຍກ່າວວ່າ ບໍ່ໄດ້ຈັດການໄວພຽງພໍຫຼືປະກາດຢ່າງແຂງຂັນໃນທັນ
ທີວ່າ ການໂຈມຕໍ່ພວກຂຽນຂ່າວລົງອິນເຕີແນັດຫຼື blogger ນັ້ນຈະຖືກລົງໂທດ.
ພວກຂຽນຂ່າວລົງອິນເຕີແນັດ 4 ຄົນ ແລະເຈົ້າຂອງຜູ້ພິມຄົນນຶ່ງ ແມ່ນໄດ້ຖືກສັງຫານ ຢູ່
ໃນບັງກລາແດັສໃນປີ 2015 ແລະອີກຫຼາຍກວ່າສິບຄົນ ໄດ້ຖືກຂົ່ມຂູ່ຢ່າງເປັນການເປີດເຜີຍໂດຍກຸ່ມລັດອິສລາມ.