ບັນດາເຈົ້າໜ້າທີ່ການເດີນທາງທະເລບັງກລາແດັສ ກ່າວວ່າ
ຈຳນວນຜູ້ເສຍຊີວິດ ໃນອຸບັດເຫດເຮືອຂ້າມຟາກຕຳກັບເຮືອ
ອີກລຳນຶ່ງ ແລ້ວຈົມນ້ຳນັ້ນ ໄດ້ເພີ້ມຂຶ້ນເປັນຢ່າງນ້ອຍ 69 ຄົນ
ໃນວັນຈັນມື້ນີ້.
ປະມານ 50 ຄົນ ໄດ້ຖືກຊ່ວຍຊີວິດອອກມາໄດ້ ໃນວັນອາທິດ
ວານນີ້ ໃນເວລາ ເຮືອຂ້າມຟາກລຳນຶ່ງ ຕຳກັນກັບເຮືອຂົນສົ່ງ
ສິນຄ້າ ແລະຂວ້ຳຈົມລົງແມ່ນ້ຳ Padma ຢູ່ທາງທິດຕາເວັນຕົກ
ສຽງເໜືອ ຂອງ ນະຄອນຫລວງ Dhaka ໄກອອກໄປ ປະມານ
40 ກິໂລແມັດ.
ມາຮອດວັນຈັນມື້ນີ້ ບັນດາເຈົ້າໜ້າທີ່ ໄດ້ນຳເອົາເຮືອຂ້າມຟາກລຳດັ່ງກ່າວ ຂຶ້ນມາເທິງ
ໜ້ານ້ຳຂອງແມ່ນ້ຳ Padma ແລ້ວ.
ຍັງບໍ່ມີຄວາມຈະແຈ້ງໃນທັນທີເທື່ອວ່າ ມີຜູ້ໂດຍສານຈັກຄົນ ຢູ່ໃນເຮືອຂ້າມຟາກ ໃນ
ເວລາມັນຈົມລົງນ້ຳນັ້ນ ແຕ່ບັນດາຜູ້ໂດຍສານຄາດຄະເນກັນວ່າມີ ປະມານ 140 ຄົນ
ເດີນທາງໄປນຳເຮືອຂ້າມຟາກລຳນັ້ນ.
ບັນດາບໍລິສັດເຮືອຂ້າມຟາກ ຢູ່ໃນປະເທດໃນເຂດເອເຊຍໃຕ້ແຫ່ງນັ້ນ ໂດຍທຳມະດາ
ແລ້ວ ແມ່ນບໍ່ເກັບລາຍຊື່ຂອງຜູ້ໂດຍສານ.
Your browser doesn’t support HTML5
BANGLADESH FERRY VIDEO