ກອງກໍາລັງຮັກສາຄວາມປອດໄພຂອງ Bahrain ໄດ້ຍິງ
ປືນໃສ່ພວກນັກເຄື່ອນໄຫວຝ່າຍຄ້ານ ໃນພິທີສົ່ງສະການ
ຊາຍຜູ້ນຶ່ງ ທີ່ຖືກຂ້າຕາຍໃນການກວາດລ້າງການປະທ້ວງ
ທີ່ຮຽກຮ້ອງໃຫ້ມີການປະຕິຮູບໃນມື້ວານນີ້ ແລະໄດ້ເຮັດ
ໃຫ້ອີກຄົນນຶ່ງເສຍຊີວິດ.
ພວກທີ່ເຫັນເຫດການກ່າວວ່າ ນັກເຄື່ອນໄຫວຜູ້ທີ່ 2 ແມ່ນ
ເສຍຊີວິດໃນວັນອັງຄານມື້ນີ້ ເວລາທີ່ພວກຕໍາຫຼວດເຄື່ອນ
ກໍາລັງເຂົ້າໄປ ເພື່ອບັງຄັບໃຫ້ພວກຝຸງຊົນສະຫຼາຍຕົວ ຊຶ່ງ
ພວກເຂົາເຈົ້າໄດ້ໄປເຕົ້າໂຮມ ຢູ່ຂ້າງນອກໂຮງພະຍາບານ
ແຫ່ງນຶ່ງໃນນະຄອນຫຼວງ Manama ເພື່ອຮ່ວມໃນພິທີສົ່ງສະການນັ້ນ.
ຊາຍຜູ້ທໍາອິດ ໄດ້ເສຍຊີວິດໃນວັນຈັນວານນີ້ ໃນເວລາທີ່ກອງກໍາລັງຮັກສາຄວາມປອດໄພ
ເຂົ້າບຸກໝູ່ບ້ານຊາວ Shi’ite ໃນທົ່ວປະເທດເກາະແຫ່ງນັ້ນ ເທື່ອທັບມ້າງການໂຮມຊຸມ
ນຸມຂອງພວກເຄື່ອນໄຫວຕໍ່ຕ້ານລັດຖະບານຫລາຍຮ້ອຍຄົນ ທີ່ໄດ້ຮັບແຮງດົນບັນດານໃຈ
ຈາກການລຸກຮື້ຂຶ້ນໃນອີຈິບ ແລະ Tunisia. ມີຢ່າງນ້ອຍ 20 ຄົນໄດ້ຮັບບາດເຈັບ.
ພວກກຸ່ມຝ່າຍຄ້ານໄດ້ໃຊ້ສື່ສັງຄົມທາງອິນເຕີແນັດນັ້ນ ທໍາການປຸກລະດົມ ແລະປະກາດ
ໃຫ້ວັນຈັນວານນີ້ເປັນ “ວັນແຫ່ງຄວາມໂກດແຄ້ນ” ເພື່ອປະທ້ວງຕໍ່ອັນທີ່ພວກເຂົາເຈົ້າເຫັນ
ວ່າ ການຂາດເຂີນການປະຕິຮູບໄປສູ່ປະຊາທິປະໄຕ ໂດຍພວກປົກຄອງປະເທດທີ່ເປັນຊົນ
ກຸ່ມນ້ອຍຊາວ Sunni ນັ້ນ.