ເຢຍຣະມັນ ແລະ ອອສເຕຣຍ ກຳລັງຕ້ອນຮັບເອົາຊາວອົບພະຍົບ
ຫຼາຍພັນຄົນ ພາຍໃນຊາຍແດນຂອງພວກຕົນ ໃນວັນອາທິດມື້ນີ້.
ພວກຄົນອົບພະຍົບເຫຼົ່ານັ້ນ ພວມມຸ້ງໜ້າໄປຍັງເຢຍຣະມັນ ບ່ອນ
ທີ່ບັນດາເຈົ້າໜ້າທີ່ ໄດ້ກ່າວວ່າພວກຕົນຈະຮັບເອົາ ຜູ້ທີ່ຂໍລີ້ໄພ
ຈຳນວນ 800,000 ຄົນໃນປີນີ້.
ບັນດາຜູ້ຊອກຫາບ່ອນລີ້ໄພ ຫຼາຍພັນຄົນ ໄດ້ເດີນທາງອອກຈາກ
ປະເທດຮັງກາຣີ ໃນວັນເສົາວານນີ້ ໄປຍັງປະເທດໃນພາກຕາເວັນ
ຕົກຂອງຢູໂຣບ ໂດຍເດີນທາງດ້ວຍລົດເມ ລົດໄຟ ຫຼື ຍ່າງໄປ.
ຄາດກັນວ່າ ຊາວອົບພະຍົບປະມານ 8,000 ຄົນ ຈະເດີນທາງໄປເຖິງ ເຢຍຣະມັນ ພາຍໃນວັນອາທິດມື້ນີ້.
ວິກິດການ ຊາວອົບພະຍົບ ໃນຢູໂຣບ, ວັນທີ 6 ກັນຍາ
ໃນຂະນະດຽວກັນ ຜູ້ບັນຊາການຕຳຫຼວດຮັງກາຣີ ກໍກ່າວວ່າ ບັນດາເຈົ້າໜ້າທີ່ ຈະບໍ່ສະໜອງ
ລົດເມຂົນສົ່ງ ພວກຊາວອົບພະຍົບ ໄປຍັງຊາຍແດນອອສເຕຣຍ ອີກຕໍ່ໄປ ໂດຍລະບຸວ່າ
ການສະໜອງໃນວັນເສົາວານນີ້ ເປັນການໃຫ້ບໍລິການພຽງຄັ້ງດຽວເທົ່ານັ້ນ.
ບັນດາສະມາຊິກຂອງປະເທດ ໃນສະຫະພາບຢູໂຣບ ໄດ້ແຕກແຍກກັນທ່າມກາງການຫລັ່ງໄຫລເຂົ້າໄປ ຂອງຊາວອົບພະຍົບທີ່ບໍ່ເຄີຍມີມາກ່ອນ. ຫົວໜ້າຮັກສາການດ້ານການຕ່າງປະເທດ ຂອງສະຫະພາບຢູໂຣບ ທ່ານນາງ Federica Mogherini ໄດ້ເຕືອນວ່າ ການເຂົ້າໄປຂອງຊາວອົບພະຍົບ ແມ່ນ “ເຂົ້າໄປເພື່ອຢູ່ເລີຍ” ແລະ ໄດ້ຮຽກຮ້ອງໃຫ້ ຢູໂຣບສາມັກຄີກັນ ເພື່ອຫາວິທີການ ຮັບມືກັບສະຖານະການ ດັ່ງກ່າວ ຢ່າງມີປະສິດທິພາບ.
ຊົມວີດີໂອ ກ່ຽວກັບ ການຫລັ່ງໄຫລ ເຂົ້າໄປຢູໂຣບ ຂອງຊາວອົບພະຍົບ
Your browser doesn’t support HTML5
Refugees Arrive at Austrian Border; More on the Way