ຜູ້ນຳພັກສັນນິບາດແຫ່ງຊາດເພື່ອປະຊາທິປະໄຕ ທ່ານາງ Aung
San Suu Kyi ໄດ້ຖືກສະເໜີໃຫ້ເປັນສະມາຊິກຢູ່ໃນຄະນະລັດ
ຖະບານຂອງປະທານາທິບໍດີ ທີ່ຖືກເລືອກໃໝ່ ທ່ານ Htin Kyaw.
ຊື່ຂອງທ່ານນາງ ຜູ້ເຄີຍໄດ້ຮັບລາງວັນ Nobel ຂະແໜງສັນຕິພາບ
ໄດ້ຖືກສະເໜີຢູ່ໃນລາຍຊື່ຄະນະລັດຖະມົນຕີໃນວັນອັງຄານມື້ນີ້
ໂດຍປະທານສະພາ ທ່ານ Win Khaing Than. ລາຍຊື່ດັ່ງກ່າວ
ແມ່ນສະເໜີໃຫ້ທ່ານນາງ Aung San Suu Kyi ເຂົ້າກຳສີ່ຕຳ
ແໜ່ງ ຄືເປັນລັດຖະມົນຕີປະຈຳສຳນັກງານປະທານາທິບໍດີ ລັດຖະ
ມົນຕີຕ່າງປະເທດ ພະລັງງານ ແລະກະຊວງສຶກສາ.
ຖ້າຫາກທ່ານນາງຮັບເອົາ ຕຳແໜ່ງລັດຖະມົນຕີຕ່າງປະເທດ ທ່ານນາງຈະຕ້ອງໄດ້ສະ
ຫລະບ່ອນນັ່ງຢູ່ໃນສະພາ ແລະອອກຈາກການເປັນຜູ້ນຳ ພັກສັນນິບາດ ແຫ່ງຊາດເພື່ອ
ປະຊາທິປະໄຕ ຊຶ່ງທ່ານນາງໄດ້ນຳພາພັກດັ່ງກ່າວໄປສູ່ການໄດ້ ຮັບໄຊຊະນະຢ່າງຖ້ວມ
ລົ້ນ ໃນການເລືອກຕັ້ງສະພາເມື່ອເດືອນພະຈິກທີ່ຜ່ານມາ ເຮັດໃຫ້ການປົກຄອງຂອງ
ພວກທະຫານໂດຍເຕັມຫຼືເປັນບາງສ່ວນເປັນເວລາຫ້າ ທົດສະວັດສິ້ນສຸດລົງ.
ທ່ານນາງໄດ້ຖືກຫ້າມບໍ່ໃຫ້ເຂົ້າຮັບຕຳແໜ່ງເປັນປະທານາທິບໍດີອີງຕາມຂໍ້ກຳນົດ ທີ່ບັນ
ຍັດໄວ້ຢູ່ໃນລັດຖະທຳມະນູນ ໂດຍອະດີດບັນດາຜູ້ປົກຄອງທະຫານ ທີ່ໄດ້ ຫ້າມຜູ້ໃດກໍ
ຕາມ ທີ່ມີສາມີ ພັນລະຍາ ຫລືລູກ ທີ່ເປັນຊາວຕ່າງປະເທດ. ມື້ລາງສາມີທ່ານນາງ Aung
San Suu Kyi ພ້ອມດ້ວຍພວກລູກຊາຍ ເປັນຄົນສັນ ຊາດອັງກິດ.
ທ່ານນາງ Aung San Suu Kyi ໄດ້ປະກາດວ່າ ທ່ານນາງຈະຮັກສາອຳນາດສູງສຸດ
ເໜືອທ່ານ Htin Kyaw ຜູ້ທີ່ທ່ານນາງເລືອກເອົາມາເປັນປະທານາທິບໍ ດີ ພ້ອມທັງເປັນ
ໝູ່ເພື່ອນຕະຫລອດຊີວິດ ແລະຜູ້ທີ່ທ່ານນາງໄວ້ເນື້ອເຊື່ອໃຈ.