ພັກສັນນິບາດແຫ່ງຊາດ ເພື່ອປະຊາທິປະໄຕ ຫລື NLD ຂອງ
ມຽນມາ ທີ່ໄດ້ຮັບໄຊຊະນະຢ່າງຢ່າງຖ້ວມລົ້ນ ໃນການເລືອກ
ຕັ້ງສະພາແຫ່ງຊາດ ເມື່ອເດືອນພະຈິກປີກາຍ ໄດ້ຕັດສິນໃຈ
ໃນວັນພະຫັດອາທິດແລ້ວນີ້ວ່າ ຈະບໍ່ສະເໜີຊື່ ທ່ານນາງ
Aung San Suu Kyi ຜູ້ນຳຂອງພັກ ໄປໃຫ້ສະພາພິຈາລະ
ນາ ເພື່ອເປັນປະທານາທິບໍດີ ຫຼືຮອງປະທານາທິບໍດີ. ຢູ່ໃນຂໍ້
ໜຶ່ງຂອງລັດຖະທຳມະນູນ ທີ່ຂຽນໂດຍພວກທະຫານ ໄດ້ກີດ
ກັ້ນທ່ານນາງ ບໍ່ໃຫ້ເຂົ້າຮັບຕຳແໜ່ງສູງສຸດດັ່ງ ກ່າວຂອງປະ
ເທດ ເພາະວ່າ ພວກລູກຊາຍຂອງທ່ານນາງ ເປັນຄົນ ສັນ
ຊາດຕ່າງປະເທດ. ນັກຂ່າວວີໂອເອ Steve Herman ມີ
ລາຍງານຈາກສະພາມຽນມາ ທີ່ນະຄອນຫລວງ Naypyitaw
ຊຶ່ງ ກິ່ງສະຫວັນ ຈະນຳເອົາລາຍລະອຽດມາສະເໜີທ່ານ.
Your browser doesn’t support HTML5
ເຊີນຟັງລາຍງານ ທ່ານນາງ ອອງ ຊານ ຊູ ຈີ ຂໍຂະມາໂທດ ທີ່ຈະບໍ່ສະໝັກເປັນ ປະທານາທິບໍດີ ມຽນມາ
ມັນເປັນວັນທີ່ຫວານຊື່ນ ແລະຂົມຂື່ນພ້ອມໆກັນສຳລັບບັນດາສະມາຊິກສະພາ ພັກສັນ
ນິບາດແຫ່ງຊາດເພື່ອປະຊາທິປະໄຕ ຫລື NLD ໃນຂະນະທີ່ເຂົາເຈົ້າບໍ່ສາມາດຕື່ມຊື່
ທ່ານນາງ Aung San Suu Kyi ເຂົ້າໃສ່ບັນຊີ ຜູ້ທີ່ຈະຖືກເລືອກເປັນປະທານາທິບໍດີ
ມຽນມາຄົນຕໍ່ໄປ.
ທ່ານ Nay Myo Thet ສະມາຊິກສະພາ ພັກ NLD ກ່າວວ່າ “ຂ້າ ພະເຈົ້າເສຍໃຈ
ຫລາຍ ທ່ານນາງເປັນປະທານາທິບໍດີທີ່ເໝາະສົມທີ່ສຸດ. ແຕ່ ຫວັງວ່າວັນໜຶ່ງ
ທ່ານນາງຈະໄດ້ເປັນປະທານາທິບໍດີ.”
ຜູ້ສະມັກຄົນສຳຄັນ ຂອງພັກ NLD ທີ່ຈະເປັນປະທານາທິບໍດີມຽນມາ ແມ່ນທ່ານ Htin
Kyaw ຊຶ່ງໄດ້ຮັບການສຶກສາຈາກມະຫາວິທະຍາໄລ Oxford ທີ່ບໍ່ໄດ້ຖືກຮັບເລືອກແຕ່
ເປັນບຸກຄົນທີ່ຜູ້ນຳພັກໄວ້ເນື້ອເຊຶ່ອໃຈ.
ບັນດາສະມາຊິກສະພາ ພັກ NLD ຈະຖືກແນະນຳ ໃຫ້ປ່ອນບັດເອົາ ທ່ານ ເພາະສະນັ້ນ
ຈຶ່ງເປັນທີ່ແນ່ນອນວ່າ ທ່ານຈະໄດ້ເປັນປະທານາທິ ບໍດີຄົນຕໍ່ໄປ ພ້ອມທັງໄດ້ຮັບສົມຍາ
ນາມວ່າ ເປັນຫຸ່ນ ຂອງທ່ານນາງ Aung San Suu Kyi ຜູ້ທີ່ໄດ້ກ່າວວ່າ ທ່ານນາງຈະຢູ່່
ເໜືອປະທານາທິບໍດີ.
ທ່ານນາງ Zin Mar Aung ສະມາຊິກສະພາອີກຄົນນຶ່ງ ຂອງພັກ NLD ກ່າວວ່າ “ປະ
ເທດຄືດັ່ງມຽນມາ ທີ່ຕົກຢູ່ສະຖານະການແບບນີ້ ຂ້າພະເຈົ້າຄິດວ່່າ ມັນມີຄວາມຈຳ
ເປັນ ເພາະວ່າ ແມ່ນແຕ່ລັດຖະທໍາມະນູນຂອງພວກເຮົາກໍບໍ່ແມ່ນລັດຖະທຳມະນູນ
ທີ່ເປັນປະຊາທິປະໄຕ. ພາຍໃຕ້ສະຖານະການດັ່ງກ່າວ ການເຄື່ອນໄຫວໄປໜ້າຈະ
ເປັນການດີທີ່ສຸດ.”
ທ່ານ Moe Shwe ສະມາຊິກສະພາ ພັກ NDL ກ່າວວ່າ “ຂ້າພະເຈົ້າຄິດວ່າ ທ່ານນາງ
ສາມາດບໍລິຫານປະເທດໄດ້ຈາກໜ້າທີ່ການໃດໆກໍຕາມທີ່ທ່ານນາງກຳຢູ່.”
“ທ່ານນາງ Aung San Suu Kyi ບໍ່ໄດ້ຢູ່ໃນສະພາຕໍ່າ ຂະນະທີ່ມີການສະເໜີຊື່. ແຕ່
ທ່ານນາງໄດ້ອອກຈົດໝາຍທີ່ທ່ານນາງໄດ້ລົງນາມ ສະບັບໜຶ່ງ ຜ່ານທາງຕາໜ່າງສື່
ສັງຄົມ ຂໍຂະມາໂທດ ຕໍ່ບັນດາຜູ້ສະ ໜັບສະໜູນທ່ານນາງ ທີ່ໄດ້ເຮັດໃຫ້ເຂົາເຈົ້າຜິດ
ຫວັງ ໂດຍຂໍຮ້ອງໃຫ້ພວກເຂົາເຈົ້າຮັບເອົາສະພາບການໂຕຈິງ ແລະກ່າວວ່າ ທ່ານ
ນາງຈະສະຫງວນທ່າທີ ຊຶ່ງມີການຕີຄວາມໝາຍວ່່າ ເປັນການຂໍຮ້ອງ ໃຫ້ມີຄວາມ
ອົດທົນ ແລະມີການໃຫ້ຄຳປະຕິຍານວ່າ ທ່ານນາງ ໃນມື້ໃດມື້ໜຶ່ງຈະໄດ້ເປັນປະ
ທານນາທິບໍດີຢ່າງແນ່ນອນ.”
Your browser doesn’t support HTML5
Myanmar Presidency