ແມ່ຍິງຊາວ ບຣາຊີລ ມີອາຍຸຍືນເຖິງ 82 ປີ ເໜືອເພື່ອນຮ່ວມປີນພູຂອງລາວ ດ້ວຍການທ້າທາຍແຮງທ່ວງຕົວໃນການປີນຍອດພູໃນນະຄອນຣີໂອ ເດ ຈາແນໂຣ ໂດຍເປີດເຜີຍວ່າ ນີ້ຄືເຄັດລັບໃນການມີອາຍຸຍືນອັນຍອດຢ້ຽມ ອີງຕາມລາຍງານຂອງອົງການຂ່າວຣອຍເຕສ໌.
ຍານາງ ຄາເຊຍ ໂວລາຣີ ຍິງຊາວບຣາຊີລ ໄວ 82 ປີ ສະແດງຄວາມແຂງ ແຮງໃນການພິຊິດຍອດພູ ມອຣໂຣ ດາ ອູຣກາ ໃນນະຄອນຣີໂອ ດີ ຈາແນໂຣ ຂອງບຣາຊີລ.
ຍານາງໂວລາຣີ ນັ່ງລົມແບບສະບາຍໆ ກັບຣອຍເຕີສເທິງບໍລິເວນທີ່ເປັນຄ້ອຍ ຊັນກັນດານ ລາວ ມີອາຍຸໄດ້ 82 ປີແລ້ວ ແລະກິນອາຫານເປັນຜັກມາຕັ້ງ ແຕ່ອາຍຸ 35 ປີ ພ້ອມກັບການອອກກຳລັງກາຍຢ່າງໜັກໜ່ວງ ທີີ່ຊ່ອຍໃຫ້ສຸຂະ ພາບຂອງລາວແຂງແຮງແບບບໍ່ຕ້ອງເພິ່ງພາຢາຮັກສາໂຣກ ບໍ່ຕ້ອງກິນຢາ ວິຕາມິນໃດໆ ເວັ້ນເສຍແຕ່ວິຕາມິນ ຊີ ທີ່ທ່ານໝໍຂອງລາວ ບອກວ່າ ຊ່ອຍໃນ ເລື້ອງຂອງຮ່ອງຮອຍການເຖົ້າແກ່.
ດ້ານຄູສອນປີນພູຂອງລາວນັ້ນ ຣາຟາແອລ ໄຣນ໌ ກ່າວວ່າ ນັກປີນພູຄົນອື່ນໆ ທີ່ອາຍຸນ້ອຍກວ່າລາວຫຼາຍໃນຫລັກ 20 ຫາ 25 ປີ ຍັງບໍ່ແຂງແກ່ນເທົ່າກັບ ລາວ ອີກທັງລາວ ຍັງເປັນຄົນມີອາລົມດີ ເຊິ່ງເຮັດໃຫ້ເສັ້ນທາງການປີນພູທີ່ ຍາກລຳບາກ ກັບກາຍເປັນເລື້ອງທີ່ສະນຸກສະໜານຂຶ້ນຫຼາຍ.
ເມື່ອຣອຍເຕີສ ຖາມເຖິງເຄັດລັບອາຍຸຍືນ ແລະຄວາມແຂງແກ່ນຂອງລາວ ຍານາງ ໂວລາຣີ ແນະນຳວ່າ “ຈົ່ງໃຊ້ຊີວິດ ແຕ່ກິນອາຫານທີ່ດີ ແລະອອກ ກຳລັງເສີມສ້າງກ້າມເນື້ອ ເພາະເມື່ອເຈົ້າເຄື່ອນຮ່າງກາຍ ເຈົ້າໄດ້ຊ່ອຍໃຫ້ ລະບົບເຜົາຜານເຮັດວຽກດີຂຶ້ນ ດັ່ງນັ້ນ ຈົ່ງອອກກຳລັງກາຍ ຈະຍ່າງ ຈະແລ່ນ ຈະເຕັ້ນ ແມ່ນຫຍັງກໍຕາມ ຈົ່ງອອກໄປໃຊ້ຊີວິດຊະ ແລະຢ່າງລືມກິນອາຫານ ທີ່ມີປະໂຫຍດດ້ວຍ.”