ພວກຕະຫລາດຮຸ້ນທີ່ສໍາຄັນໃນເອເຊຍ ມີລາຄາສູງຂຶ້ນໃນວັນພະຫັດມື້ນີ້ ຫລັງຈາກທະນາ
ຄານກາງສະຫະລັດປະກາດແຜນການ ທີ່ມີການຄາດກັນໄວ້ລ່ວງໜ້າ ທີ່ວ່າຈະຊື້ເອົາພັນທະ
ບັດຂອງລັດຖະບານສະຫະລັດ ໃນວົງເງິນ 600 ຕື້$ນັ້ນ. ການເຄື່ອນໄຫວ ທີ່ເອີ້ນວ່າເປັນ
ການຜ່ອນຄາຍສະຖານນະການ ໂດຍໃຊ້ປະລິມານເງິນນັ້ນ ແມ່ນຈະຮັກສາອັດຕາດອກ
ເບ້ຍເງິນກູ້ໃຫ້ຢູ່ໃນອັດຕາຕໍ່າເກືອບ 0 ເປີເຊັນ ແລະຊຸກຍູ້ໃຫ້ທະນາຄານຕ່າງ ເອົາເງິນ
ໃຫ້ພວກປະຊາຊົນຜູ້ອຸບປະໂພກ ບໍລິໂພກ ແລະວົງການທຸລະກິດກູ້ຢືມຫລາຍຂຶ້ນ.
ບັນດານັກເສດຖະສາດກ່າວວ່າ ລາຄາຮຸ້ນສາມາດສືບຕໍ່ສູງຂຶ້ນໄດ້ໃນ ເອເຊຍໃນຂະນະ
ທີ່ເງິນກ້ອນນີ້ ຫລັ່ງໄຫລເຂົ້າໄປຍັງຂົງເຂດນັ້ນ. ທາງທະນາຄານກາງຂອງສະຫະລັດ
ຢາກໃຫ້ການອຸບປະໂພກບໍລິໂພກໃນສະຫະລັດເພີ້ມທະວີຂຶ້ນ ເພື່ອຊຸກຍູ້ການເສດ
ຖະກິດທີ່ເຕີບໂຕຊ້າລົງ ແລະດຶງລາຄາໃຫ້ສູງຂຶ້ນ ເພື່ອປ້ອງກັນສະພາວະເງິນຝືດນັ້ນ.
ແຕ່ການກະທໍາເຊ່ນນີ້ສາມາດພາໃຫ້ເກີດບັນຫາໃຫຍ່ໃນບ່ອນອື່ນໄດ້. ທ່ານ Uwe
Parpart ຫົວໜ້ານັກເສດຖະສາດໃນເອເຊຍແລະຜູ້ວາງຍຸດທະສາດໃນຮອງກົງໃຫ້
ບໍລິສັດຫລັກຊັບ Cantor Fitgerald ຂອງສະຫະລັດ ກ່າວວ່າ:
“ທ່ານ Parpart ກ່າວວ່າ ມີຄວາມເປັນຫ່ວງຢ່າງຫລວງຫລາຍວ່າ ເວລາສະ
ຫະລັດປ່ອຍເງິນໂດລາອອກ ໃຫ້ຫລັ່ງໄຫລເຂົ້າໄປໃນໂລກ ບໍ່ວ່າເງິນດັ່ງກ່າວ
ກໍຈະຫາທາງເຂົ້າໄປສູ່ຕະຫລາດຊັບສິນ ຕະຫລາດຮຸ້ນໃນເອເຊຍ ບໍວ່າຈະແມ່ນ
ຢູ່ໃນຮອງກົງ ໄທ ຫລືອິນໂດເນເຊຍກໍຕາມ ຜົນກະທົບຂອງມັນທີ່ຈະມີຕໍ່ການ
ເສດຖະກິດທ້ອງຖີ່ນ ພາຍໃນປະເທດເຫລົ່ານັ້ນ ກໍສາມາດເປັນບັນຫາຫຍຸ້ງ
ຍາກຕໍ່ການຮັບມື. ເງິນໂດລາທີ່ມີຄ່າຖືກລົງ ທີ່ເຂົ້າໄປໃນປະເທດໃນຈໍານວນ
ຫລວງຫລາຍນັ້ນ ບໍ່ພຽງແຕ່ຈະພາໃຫ້ເກີດບັນຫາເງິນເຟີ້ເທົ່ານັ້ນ ແຕ່ທ່ານ
ຈະຕ້ອງຄິດຢູ່ສະເໝີວ່າ ສິ່ງໃດກໍຕາມ ທີ່ເຂົ້າມາຢ່າງໄວນັ້ນ ກໍສາມາດຖອນ
ອອກໄປໄດ້ໄວເຊ່ນກັນ."
ທ່ານ Parpart ກ່າວວ່າ ພວກເຈົ້າໜ້າທີ່ໃນເອເຊຍຍັງຈື່ໄດ້ ປະວັດສາດທີ່ເກີດຂຶ້ນຫວ່າງບໍ່
ດົນຜ່ານມາ ເວລາພວກປະເທດເຫລົ່ານັ້ນພາກັນເອົາບາດກ້າວຕອບໂຕ້ ຕໍ່ໂຄງການຊຸກຍູ້
ເສດຖະກິດຂອງສະຫະລັດນັ້ນ. ການຫລັ່ງໄຫລຂອງເງິນທຶນລາຄາຖືກເຂົ້າໄປໃນຂົງເຂດໃນ
ກາງຊຸມປີ 1990 ໄດ້ເຮັດໃຫ້ເສດຖະກິດເຕີບໂຕຂຶ້ນຢ່າງໄວ ຊຶ່ງຕິດຕາມມາດ້ວຍບັນຫາເສດ
ຖະກິດຕົກຕໍ່າຢ່າງໜັກໃນປີ 1997 ເວລາພວກນັກລົງທຶນຕ່າງປະເທດ ພາກັນຖອນການລົງ
ທຶນຂອງເຂົາເຈົ້າອອກຢ່າງກະທັນຫັນນັ້ນ.
ໃນວັນພະຫັດມື້ນີ້ ກະຊວງການເງິນເກົາຫລີໃຕ້ເຕືອນວ່າ ຕົນອາດຈະເອົາມາດຕະການຢ່າງ
ແຂງຂັນ ເພື່ອຍັບຍັ້ງການຫລັ່ງໄຫລຂອງເງິນທຶນເຂົ້າປະເທດ. ໄທແລະເກົາຫລີໃຕ້ ຊຶ່ງໄດ້
ປະສົບກັບຄວາມເສຍຫາຍຢ່າງໜັກຈາກວິກິດການດ້ານເສດຖະກິດຂອງປີ 1997 ນັ້ນ ຕ່າງ
ກໍໄດ້ວາງຂໍ້ຈໍາກັດ ເພື່ອການຄວບຄຸມເງິນທຶນຈາກຕ່າງປະເທດໄວ້ກ່ອນແລ້ວ.
ອອສເຕຣເລຍແລະອິນເດຍໄດ້ຂຶ້ນອັດຕາດອກເບ້ຍເງິນກູ້ ໃຫ້ຢູ່ສູງກວ່າອັດຕາເງິນເຟີ້ນັ້ນ ໃນ
ຂະນະດຽວກັນ ໃນວັນພະຫັດມື້ນີ້ທະນາຄານອິນໂດເນເຊຍໄດ້ຮັກສາອັດຕາດອກເບ້ຍເງິນກູ້
ຂອງຕົນໃຫ້ຢູ່ໃນລະດັບທຸ່ນທ່ຽງຕໍ່ໄປ. ຄ່າເງິນໂດລາທີ່ຖືກລົງ ໝາຍຄວາມວ່າ ເງິນຕາຂອງ
ພວກປະເທດໃນເອເຊຍແຂງຄ່າຂຶ້ນ ຊຶ່ງເຮັດໃຫ້ລາຄາສິນຄ້າສົ່ງອອກຂອງເອເຊຍແພງຂຶ້ນ.
ພວກທະນາຄານກາງຂອງບາງປະເທດ ເຊ່ນ ທະນາຄານແຫ່ງຊາດຂອງຍີ່ປຸນ ຫລື Bank
of Japan ໄດ້ຊື້ເອົາເງິນໂດລາສະຫະລັດມາໄວ້ ເພື່ອເຮັດໃຫ້ຄ່າຂອງເງິນຕາຂອງຕົນ ຖີບ
ຂຶ້ນຢ່າງຊ້າໆ. ພວກນັກວິເຄາະດ້ານຕະຫລາດບາງຄົນຄາດວ່າ ທະນາຄານກາງຍີ່ປຸ່ນ ໃນ
ການພົບປະກັນໃນວັນພະຫັດມື້ນີ້ ແລະໃນວັນສຸກມື້ອື່ນ ຈະຮັບຜ່ານໂຄງການຜ່ອນຄາຍສະ
ຖານະການໂດຍໃຊ້ປະລິມານເງິນຂອງຕົນ ເພື່ອສົ່ງເສີມເສດຖະກິດຂອງຍີ່ປຸ່ນ.
ເງິນໂດລາໃຕ້ຫວັນ ເງິນ Won ຂອງເກົາຫລີໃຕ້ ເງິນ ringgit ຂອງມາເລເຊຍ ແລະເງິນ
ຢວນຂອງຈີນ ຕ່າງກໍແຂງຄ່າຂຶ້ນໃນວັນພະຫັດມື້ນີ້ ແຕ່ເງິນໂດລາສະຫະລັດກໍແຂງຄ່າຂຶ້ນ
ເລັກນ້ອຍ ໃນການແລກປ່ຽນກັບເງິນເຢັນຂອງຍີ່ປຸ່ນ. ຄວາມເປັນຫ່ວງກັງວົນເຫລົ່ານີ້ທັງ
ໝົດມີຂຶ້ນ ໃນຂະນະທີ່ຜູ້ນໍາກຸ່ມ G20 ພາກັນກະກຽມທ່ີຈະພົບປະກັນທີ່ກຸງໂຊລ ໃນສັບ
ປະດາໜ້າເພື່ອປຶກສາຫາລືຊອກຫາຊ່ອງທາງ ເພື່ອປະສານງານກັນໃນດ້ານນະໂຍບາຍເສດ
ຖະກິດ.