ພິທີໄວ້ອາໄລຢູ່ຕາມຊາຍຫາດ ການຢືນສະຫງົບສະຕິອາລົມ
ແລະພິທີທາງສາສະໜາ ກຳລັງຈັດຂຶ້ນ ໃນທົ່ວເຂດເອເຊຍ
ໃນວັນສຸກມື້ນີ້ ເພື່ອເປັນຂີດໝາຍຄົບ ຮອບ 10 ປີ ໃນການ
ຖະຫຼົ່ມຂອງຄື້ນຟອງຍັກສຸນາມິ ຈາກມະຫາສະມຸດອິນເດຍ
ທີ່ເຮັດໃຫ້ມີຜູ້ເສຍຊີວິດຢ່າງໜ້ອຍ 220,000 ຄົນ ໃນປີ 2004.
ຄື້ນຟອງຍັກ ໄດ້ພັດເຂົ້າຖະຫຼົ່ມ ສິບກວ່າປະເທດ ທີ່ຢູ່ອ້ອມ
ແອ້ມແຄມມະຫາສະ ມຸດອິນເດຍ ຊຶ່ງມັນໄດ້ທຳລາຍປະຊາ
ຄົມທີ່ຢູ່ຕາມຊາຍຝັ່ງທັງໝົດ ກວດລ້າງບັນດາຄອບຄົວແລະ
ຫາດຊາຍທີ່ເຕັມໄປດ້ວຍນັກທ່ອງທ່ຽວໃນຕອນເຊົ້າຫຼັງຈາກ
ວັນບຸນຄຣິສມັສ.
ໄພພິບັດດັ່ງກ່າວ ໄດ້ເກີດຈາກແຜ່ນດິນໄຫວ ທີ່ມີຄວາມແຮງເຖິງ 9.1 ຣິກເຕີ້ ຊຶ່ງເປັນ
ແຜ່ນດິນໄຫວທີ່ແຮງສຸດໃນຮອບ 40 ປີ ຢູ່ໃນຂົງເຂດ ຊຶ່ງໄດ້ສົ່ງ ຄື້ນຟອງຍັກຂອງມະຫາ
ສະມຸດອິນເດຍເຂົ້າຖະຫຼົ່ມ ທີ່ຄວາມໄວເທົ່າກັບເຮືອບິນອາຍພົ່ນ ໄປໄກເຖິງຮອດເຂດ
ອາຟຣິກາຕາເວັນອອກ. ມັນມີຄວາມແຮງຫຼາຍຈົນເຮັດໃຫ້ແກນຂອງໂລກເຄື່ອນທີ່ໄປ
ຫລາຍຊັງຕີແມັດ.
ເອເຊຍ ໄວ້ອາໄລ ໃຫ້ຜູ້ເຄາະຮ້າຍ ສຸນາມິ ປີ 2004
ນຶ່ງໃນຈຳນວນຂົງເຂດ ທີ່ໄດ້ຮັບຄວາມເສຍຫາຍຮ້າຍແຮງທີ່ສຸດໄດ້ ກໍແກ່່ແຂວງ Aceh
ຂອງອິນໂດເນເຊຍ ບ່ອນທີ່ໄດ້ມີການຈັດພິທີໃນວັນສຸກມື້ນີ້. ຮອງປະທານາທິບໍດີ ອິນໂດ
ເນເຊຍ ທ່ານ Jusuf Kalla ໄດ້ຈົດຈຳກ່ຽວກັບວ່າ ຊາວໂລກໄດ້ພາກັນມາໃຫ້ການຊ່ວຍ
ເຫລືອຢ່າງໃດ ຫລັງຈາກໄດ້ເກີດໂສກນາດຕະກຳດັ່ງ ກ່າວນີ້.
ທ່ານກ່າວວ່າ “ພິທີໄວ້ອາໄລ ບໍ່ພຽງແຕ່ເປັນການສູດມົນພາວະນາໃຫ້ແກ່ບັນດາຜູ້ເຄາະ
ຮ້າຍ ແລະຂອບໃຈປະຊາຊົນຢູ່ໃນທົ່ວໂລກເທົ່ານັ້ນ ແຕ່ຍັງເປັນເວລາທີ່ພວກເຮົາຮຽນຮູ້
ກ່ຽວກັບການແກ້ໄຂບັນຫາໃນນາມວ່າເປັນບົດຮຽນຈາກຄື້ນຟອງ ສຸນາມິ ທີ່ໄດ້ສອນໃຫ້
ພວກເຮົາວ່າ ເຮົາຄວນແກ້ໃຂບັນຫາອັນສັບສົນ ໂດຍການເຕົ້າໂຮມເປັນນໍ້ານຶ່ງໃຈດຽວກັນ.”
ຫລາຍໆຂົງເຂດທີ່ຖືກຖະຫຼົ່ມໂດຍຟອງຍັກສຸນາມິທຳລາຍນັ້ນ ເປັນບ່ອນທີ່ດ້ອຍ ພັດທະ
ນາ ແລະໄດ້ດີ້ນລົນຟື້ນໂຕຄືນຈາກໄພພິບັດດັ່ງກ່າວ. ແຕ່ໃນທີ່ສຸດກໍໄດ້ ມີການເກັບກຳ
ເງິນກວ່າ 13 ພັນລ້ານໂດລາ ໄປໃຫ້ການຊ່ວຍເຫລືອບັນເທົາທຸກ ແລະບູລະນະສ້າງສາ
ຄືນໃໝ່.
ຟອງຍັກສຸນາມິໄດ້ພາໃຫ້ພວກກະບົດແບ່ງແຍກດິນແດນໃນແຂວງ Aceh ວາງອາວຸດ
ຂອງເຂົາເຈົ້າ ເພື່ອກໍ່ຕັ້ງຊີວິດຂອງເຂົາເຈົ້າຄືນໃໝ່. ການກໍ່ກະບົດທີ່ມີມາເປັນເວລາສາມ
ທົດສະວັດ ເພື່ອຕໍ່ຕ້ານອິນໂດເນເຊຍ ໄດ້ສີ້ນສຸດລົງໃນປີ 2005 ຫລັງຈາກໄດ້ເອົາຊີວິດ
ຜູ້ຄົນໄປແລ້ວ 15,000 ຄົນ.
ອິນໂດເນເຊຍ ໄດ້ຮັບຄວາມເສຍຫາຍຮ້າຍແຮງສຸດຈາກຟອງຍັກສຸນາມິ ໂດຍມີຜູ້ເສຍ
ຊິວິດຫລາຍກວ່າ 160,000 ຄົນ ແລະຍັງມີອີີກຫລາຍພັນຄົນໄດ້ເສຍຊີ ວິດຢູ່ທີ່ປະເທດ
ໄທ ແລະສຣີລັງກາ.
Your browser doesn’t support HTML5
ASIA TSUNAMI ANNIVERSARY CNPK