ກອງປະຊຸມການເປັນຄູ່ຮ່ວມລັດຖະສະພາເອເຊຍ-ຢູໂຣບ
ຕົກລົງເສີມຂະຫຍາຍຄວາມຮ່ວມມືເພື່ອການພັດທະນາຢ່າງ
ຍືນຍົງໃນ 3 ດ້ານທີ່ສໍາຄັນ ພ້ອມທັງຍັງໄດ້ຮັບສະມາຊິກໃໝ່
ເພີ່ມຂຶ້ນອີກ 4 ປະເທດອີກດ້ວຍ.
ກອງປະຊຸມການເປັນຄູ່ຮ່ວມລັດຖະສະພາເອເຊຍ-ຢູໂຣບ
(ASEP) ຄັ້ງທີ 7 ຢູ່ນະຄອນວຽງຈັນ ທີ່ໄດ້ໄຂຂຶ້ນຢ່າງເປັນ
ທາງການໃນຕອນເຊົ້າຂອງວັນທີ່ 3 ຕຸລາ ແລະໄດ້ສິ້ນສຸດລົງ
ໃນຕອນບ່າຍຂອງວັນທີ 4 ຕຸລາ ພາຍໃຕ້ການເປັນປະທານ
ຂອງທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດລາວນັ້ນ
ໄດ້ມີມະຕິຕົກລົງທີ່ຈະເສີມຂະຫຍາຍຄວາມຮ່ວມມືລະຫວ່າງ
ກັນເຂົ້າໃນ 3 ດ້ານທີ່ສໍາຄັນ ກໍຄືການຮັບປະກັນຄວາມໝັ້ນຄົງດ້ານສະບຽງອາຫານ ໃນເງື່ອນໄຂການປ່ຽນແປງດິນຟ້າອາກາດອັນສັບສົນ ການເພີ່ມທະວີການຮ່ວມມືໃນການຄຸ້ມຄອງໜີ້ສາທາລະນະ ແລະການເພີ່ມທະວີການຮ່ວມມືຂອງສັງຄົມໃນການຄຸ້ມຄອງໄພພິບັດ.
ການເສີມຂະຫຍາຍຄວາມຮ່ວມມືລະຫວ່າງລັດຖະສະພາ
ເອເຊຍ-ຢູໂຣບ ໃນທັງ 3 ດ້ານດັ່ງກ່າວນີ້ ຖືເປັນພາກສ່ວນທີ່
ສໍາຄັນໃນເປົ້າໝາຍຂອງການພັດທະນາຢ່າງຍືນຍົງຮ່ວມກັນ
ລະຫວ່າງລັດຖະສະພາຂອງ 2 ພູມິພາກທີ່ມີປະຊາກອນ
ລວມກັນຫຼາຍກວ່າ 4,700 ລ້ານຄົນ ຫຼືທຽບໄດ້ ກັບ 65%
ຂອງພົນລະເມືອງໂລກທັງໝົດ ເພາະສະນັ້ນ ການເສີມຂະ
ຫຍາຍການຮ່ວມມືລະຫວ່າງລັດຖະສະພາເອເຊຍ-ຢູໂຣບ
ດັ່ງກ່າວ ຈຶ່ງ ມີຄວາມສໍາຄັນຢ່າງຍິ່ງຕໍ່ການພັດທະນາໃນທຸກໆ
ດ້ານ ດັ່ງທີ່ທ່ານວິເສດ ສະແຫວງສຶກສາ ຮອງຫົວໜ້າຫ້ອງ
ການວ່າການສະພາແຫ່ງຊາດລາວ ໄດ້ໃຫ້ການຢືນຢັນວ່າ:
“ກອງປະຊຸມການເປັນຄູ່ຮ່ວມລັດຖະສະພາເອເຊຍ-ເອີໂຣບ ມີຈຸດປະສົງເພື່ອສ້າງ
ຄວາມເປັນປຶກແຜ່ນລະຫວ່າງອົງການຕົວແທນຂອງປະຊາຊົນ ອົງການນິຕິບັນຍັດ
ຂອງສອງທະວີບ ແມ່ນເວທີທີ່ແລກປ່ຽນຄວາມຄິດຄວາມເຫັນແລະທັດສະນະ ຊຶ່ງ
ກວມເອົາທາງດ້ານການເມືອງ ເສດຖະກິດ ສັງຄົມ ແລະວັດທະນະທໍາ ແນໃສ່ເພື່ອເອົາຈຸດຢືນທີ່ເປັນເອກກະພາບ ຕໍ່ບັນຫາສາກົນ.”
ກອງປະຊຸມຄັ້ງນີ້ ເຖິງແມ່ນວ່າຈະມີຜູ້ນໍາລັດຖະສະພາເຖິງ 10 ປະເທດທີ່ບໍ່ສາມາດເດີນທາງມາຮ່ວມໃນກອງປະຊຸມໄດ້ ເນື່ອງຈາກຕິດພາລະ ກິດທີ່ສໍາຄັນອື່ນໆກໍຕາມ ຫາກແຕ່ກໍຍັງມີຄະນະຜູ້ແທນລັດຖະສະພາຈາກ 27 ປະເທດຈໍານວນ 30 ຄະນະ ຊຶ່ງລວມເຖິງຄະນະຜູ້ແທນຂອງກອງທຶນການເງິນສາກົນ IMF ແລະອົງການຍຸດທະສາດການຫລຸດຜ່ອນໄພພິບັດ (UNISDR) ແຫ່ງສະຫະປະຊາຊາດດ້ວຍທີ່ໄດ້ເຂົ້າຮ່ວມໃນກອງປະຊຸມຄັ້ງລ່າສຸດນີ້ຢູ່ນະຄອນວຽງຈັນ.
ນອກຈາກນັ້ນ ກອງປະຊຸມ ASEP ຄັ້ງທີ່ 7 ນີ້ກໍຍັງໄດ້ໃຫ້ການ
ສໍາຄັນຢ່າງຍິ່ງກັບການເສີມສ້າງຄວາມເຂົ້າໃຈ ແລະຄວາມເປັນ
ປຶກແຜ່ນໃນບັນຫາຕ່າງໆ ລະຫວ່າງອົງການນິຕິບັນຍັດຂອງປະ
ຊາຊົນທັງສອງທະວີບ ໃຫ້ຫຼາຍຂຶ້ນກັບທັງຍັງໄດ້ຕົກລົງຮັບເອົາ
ສະມາຊິກເພີ່ມຂຶ້ນອີກ 4 ປະເທດ ອີກດ້ວຍ ຄືລັດຖະສະພາຈາກ
ຣັດເຊຍ ນີວຊີແລນດ໌ ອອສເຕຣເລຍ ແລະ ມຽນມາ ນັ້ນເອງ.
ນອກຈາກການເປັນເຈົ້າພາບຈັດກອງປະຊຸມ ASEP ຄັ້ງທີ 7
ແລ້ວ ທາງການລາວກໍຍັງຈະເປັນເຈົ້າພາບຈັດກອງປະຊຸມສຸດ
ຍອດຜູ້ນໍາເອເຊຍ-ຢູໂຣບ (ASEM) ຄັ້ງທີ່ 9 ໃນວັນທີ່ 5-6
ເດືອນພະຈິກປີນີ້ອີກດ້ວຍ. ແຕ່ວ່າຈົນເຖິງຂະນະນີ້ກໍຍັງບໍ່ມີຄວາມຊັດເຈນວ່າ ຜູ້ນໍາຈາກທັງ
ເອເຊຍແລະຢູໂຣບ ຈະເຂົ້າຮ່ວມໃນກອງປະຊຸມຢ່າງຄົບຖ້ວນຫຼືບໍ່?
ອິງຕາມລາຍງານຫລ້າສຸດຂອງກະຊວງຕ່າງປະເທດຂອງລາວ ກໍໄດ້ໃຫ້ການຢືນຢັນວ່າຈະມີຜູ້ແທນຈາກ 33 ປະເທດເຂົ້າຮ່ວມກອງປະຊຸມ ASEM ຄັ້ງທີ 9 ຊຶ່ງໃນນີ້ກໍມີປະມຸກລັດ 10 ທ່ານ ຜູ້ນໍາລັດຖະບານ 21 ທ່ານ ແລະລັດຖະມົນຕີອີກ 4 ທ່ານ ທັງນີ້ໂດຍ ASEM ມີສະມາຊິກທັງ ໝົດ 49 ປະເທດ ຊຶ່ງກໍໝາຍຄວາມວ່າມີຢູ່ເຖິງ 14 ປະເທດທີ່ຈະບໍ່ເຂົ້າຮ່ວມກອງປະຊຸມຄັ້ງນີ້ ໂດຍເຊື່ອວ່າເປັນຍ້ອນບັນຫາວິກິດການໜີ້ສິນໃນສະຫະພາບຢູໂຣບນັ້ນເອງ.
ຕົກລົງເສີມຂະຫຍາຍຄວາມຮ່ວມມືເພື່ອການພັດທະນາຢ່າງ
ຍືນຍົງໃນ 3 ດ້ານທີ່ສໍາຄັນ ພ້ອມທັງຍັງໄດ້ຮັບສະມາຊິກໃໝ່
ເພີ່ມຂຶ້ນອີກ 4 ປະເທດອີກດ້ວຍ.
ກອງປະຊຸມການເປັນຄູ່ຮ່ວມລັດຖະສະພາເອເຊຍ-ຢູໂຣບ
(ASEP) ຄັ້ງທີ 7 ຢູ່ນະຄອນວຽງຈັນ ທີ່ໄດ້ໄຂຂຶ້ນຢ່າງເປັນ
ທາງການໃນຕອນເຊົ້າຂອງວັນທີ່ 3 ຕຸລາ ແລະໄດ້ສິ້ນສຸດລົງ
ໃນຕອນບ່າຍຂອງວັນທີ 4 ຕຸລາ ພາຍໃຕ້ການເປັນປະທານ
ຂອງທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດລາວນັ້ນ
ໄດ້ມີມະຕິຕົກລົງທີ່ຈະເສີມຂະຫຍາຍຄວາມຮ່ວມມືລະຫວ່າງ
ກັນເຂົ້າໃນ 3 ດ້ານທີ່ສໍາຄັນ ກໍຄືການຮັບປະກັນຄວາມໝັ້ນຄົງດ້ານສະບຽງອາຫານ ໃນເງື່ອນໄຂການປ່ຽນແປງດິນຟ້າອາກາດອັນສັບສົນ ການເພີ່ມທະວີການຮ່ວມມືໃນການຄຸ້ມຄອງໜີ້ສາທາລະນະ ແລະການເພີ່ມທະວີການຮ່ວມມືຂອງສັງຄົມໃນການຄຸ້ມຄອງໄພພິບັດ.
ຄະນະຜູ້ແທນທີ່ເຂົ້າຮ່ວມກອງປະຊຸມ ASEP ທີ່ຈັດຂຶ້ນໃນນະຄອນຫລວງວຽງຈັນ
ການເສີມຂະຫຍາຍຄວາມຮ່ວມມືລະຫວ່າງລັດຖະສະພາ
ເອເຊຍ-ຢູໂຣບ ໃນທັງ 3 ດ້ານດັ່ງກ່າວນີ້ ຖືເປັນພາກສ່ວນທີ່
ສໍາຄັນໃນເປົ້າໝາຍຂອງການພັດທະນາຢ່າງຍືນຍົງຮ່ວມກັນ
ລະຫວ່າງລັດຖະສະພາຂອງ 2 ພູມິພາກທີ່ມີປະຊາກອນ
ລວມກັນຫຼາຍກວ່າ 4,700 ລ້ານຄົນ ຫຼືທຽບໄດ້ ກັບ 65%
ຂອງພົນລະເມືອງໂລກທັງໝົດ ເພາະສະນັ້ນ ການເສີມຂະ
ຫຍາຍການຮ່ວມມືລະຫວ່າງລັດຖະສະພາເອເຊຍ-ຢູໂຣບ
ດັ່ງກ່າວ ຈຶ່ງ ມີຄວາມສໍາຄັນຢ່າງຍິ່ງຕໍ່ການພັດທະນາໃນທຸກໆ
ດ້ານ ດັ່ງທີ່ທ່ານວິເສດ ສະແຫວງສຶກສາ ຮອງຫົວໜ້າຫ້ອງ
ການວ່າການສະພາແຫ່ງຊາດລາວ ໄດ້ໃຫ້ການຢືນຢັນວ່າ:
“ກອງປະຊຸມການເປັນຄູ່ຮ່ວມລັດຖະສະພາເອເຊຍ-ເອີໂຣບ ມີຈຸດປະສົງເພື່ອສ້າງ
ຄວາມເປັນປຶກແຜ່ນລະຫວ່າງອົງການຕົວແທນຂອງປະຊາຊົນ ອົງການນິຕິບັນຍັດ
ຂອງສອງທະວີບ ແມ່ນເວທີທີ່ແລກປ່ຽນຄວາມຄິດຄວາມເຫັນແລະທັດສະນະ ຊຶ່ງ
ກວມເອົາທາງດ້ານການເມືອງ ເສດຖະກິດ ສັງຄົມ ແລະວັດທະນະທໍາ ແນໃສ່ເພື່ອເອົາຈຸດຢືນທີ່ເປັນເອກກະພາບ ຕໍ່ບັນຫາສາກົນ.”
ກອງປະຊຸມຄັ້ງນີ້ ເຖິງແມ່ນວ່າຈະມີຜູ້ນໍາລັດຖະສະພາເຖິງ 10 ປະເທດທີ່ບໍ່ສາມາດເດີນທາງມາຮ່ວມໃນກອງປະຊຸມໄດ້ ເນື່ອງຈາກຕິດພາລະ ກິດທີ່ສໍາຄັນອື່ນໆກໍຕາມ ຫາກແຕ່ກໍຍັງມີຄະນະຜູ້ແທນລັດຖະສະພາຈາກ 27 ປະເທດຈໍານວນ 30 ຄະນະ ຊຶ່ງລວມເຖິງຄະນະຜູ້ແທນຂອງກອງທຶນການເງິນສາກົນ IMF ແລະອົງການຍຸດທະສາດການຫລຸດຜ່ອນໄພພິບັດ (UNISDR) ແຫ່ງສະຫະປະຊາຊາດດ້ວຍທີ່ໄດ້ເຂົ້າຮ່ວມໃນກອງປະຊຸມຄັ້ງລ່າສຸດນີ້ຢູ່ນະຄອນວຽງຈັນ.
ພິທີເປີດກອງປະຊຸມ ASEP ຄັ້ງທີ 7 ທີ່ຈັດຂຶນໃນລາວ ໃນວັນທີ 3-4 ຕຸລາ, 2012
ນອກຈາກນັ້ນ ກອງປະຊຸມ ASEP ຄັ້ງທີ່ 7 ນີ້ກໍຍັງໄດ້ໃຫ້ການ
ສໍາຄັນຢ່າງຍິ່ງກັບການເສີມສ້າງຄວາມເຂົ້າໃຈ ແລະຄວາມເປັນ
ປຶກແຜ່ນໃນບັນຫາຕ່າງໆ ລະຫວ່າງອົງການນິຕິບັນຍັດຂອງປະ
ຊາຊົນທັງສອງທະວີບ ໃຫ້ຫຼາຍຂຶ້ນກັບທັງຍັງໄດ້ຕົກລົງຮັບເອົາ
ສະມາຊິກເພີ່ມຂຶ້ນອີກ 4 ປະເທດ ອີກດ້ວຍ ຄືລັດຖະສະພາຈາກ
ຣັດເຊຍ ນີວຊີແລນດ໌ ອອສເຕຣເລຍ ແລະ ມຽນມາ ນັ້ນເອງ.
ນອກຈາກການເປັນເຈົ້າພາບຈັດກອງປະຊຸມ ASEP ຄັ້ງທີ 7
ແລ້ວ ທາງການລາວກໍຍັງຈະເປັນເຈົ້າພາບຈັດກອງປະຊຸມສຸດ
ຍອດຜູ້ນໍາເອເຊຍ-ຢູໂຣບ (ASEM) ຄັ້ງທີ່ 9 ໃນວັນທີ່ 5-6
ເດືອນພະຈິກປີນີ້ອີກດ້ວຍ. ແຕ່ວ່າຈົນເຖິງຂະນະນີ້ກໍຍັງບໍ່ມີຄວາມຊັດເຈນວ່າ ຜູ້ນໍາຈາກທັງ
ເອເຊຍແລະຢູໂຣບ ຈະເຂົ້າຮ່ວມໃນກອງປະຊຸມຢ່າງຄົບຖ້ວນຫຼືບໍ່?
ອິງຕາມລາຍງານຫລ້າສຸດຂອງກະຊວງຕ່າງປະເທດຂອງລາວ ກໍໄດ້ໃຫ້ການຢືນຢັນວ່າຈະມີຜູ້ແທນຈາກ 33 ປະເທດເຂົ້າຮ່ວມກອງປະຊຸມ ASEM ຄັ້ງທີ 9 ຊຶ່ງໃນນີ້ກໍມີປະມຸກລັດ 10 ທ່ານ ຜູ້ນໍາລັດຖະບານ 21 ທ່ານ ແລະລັດຖະມົນຕີອີກ 4 ທ່ານ ທັງນີ້ໂດຍ ASEM ມີສະມາຊິກທັງ ໝົດ 49 ປະເທດ ຊຶ່ງກໍໝາຍຄວາມວ່າມີຢູ່ເຖິງ 14 ປະເທດທີ່ຈະບໍ່ເຂົ້າຮ່ວມກອງປະຊຸມຄັ້ງນີ້ ໂດຍເຊື່ອວ່າເປັນຍ້ອນບັນຫາວິກິດການໜີ້ສິນໃນສະຫະພາບຢູໂຣບນັ້ນເອງ.