ກອງປະຊຸມຂອງສະມາຄົມບັນດາປະຊາຊາດໃນເຂດເອເຊຍຕາເວັນອອກສຽງໃຕ້ຫຼືອາຊ່ຽນທີ່
ນະຄອນຫຼວງພະນົມເປັນ ໄດ້ສິ້ນສຸດລົງ ໂດຍທີ່ລັດຖະມົນຕີການຕ່າງປະເທດຂອງສະມາຄົມ
ດັ່ງກ່າວຊຶ່ງມີສະມາຊິກ 10 ປະເທດ ບໍ່ສາມາດບັນລຸການຕົກລົງກັນໄດ້ ກ່ຽວກັບກົດການປະ
ພຶດເພື່ອຜ່ອນຄາຍຄວາມເຄັ່ງຕຶງໃນເຂດທະເລຈີນໃຕ້
ຟີລິບປິນໄດ້ກ່າວໂຈມຕີຢ່າງແຮງ ຕໍ່ຄວາມສັບສົນວຸ້ນວາຍໃນຕອນທ້າຍຂອງກອງ ປະຊຸມໃນ
ວັນສຸກມື້ນີ້ໂດຍເວົ້າວ່າ ຕົນຮູ້ສຶກເສຍໃຈເປັນທີ່ສຸດຕໍ່ຄວາມລົ້ມແຫຼວຂອງລັດຖະມົນຕີອາຊ່ຽນ
ທີ່ບໍ່ສາມາດອອກຖະແຫຼງການຮ່ວມໄດ້ນັ້ນ.
ຈີນໄດ້ອ້າງເອົາກຳມະສິດ ບໍລິເວນສ່ວນໃຫຍ່ຂອງທະເລຈີນໃຕ້ທີ່ອຸດົມສົມບູນໄປດ້ວຍຊັບພະ
ຍາກອນທຳມະຊາດ ເປັນດິນແດນຂອງຕົນ ຂະນະທີ່ ຟີລິບປິນ ມາເລເຊຍ ບຣູນາຍ ຫວຽດ-
ນາມ ແລະໄຕ້ຫວັນ ຕ່າງກໍອ້າງກຳມະສິດເອົາດິນແດນດັ່ງກ່າວນີ້ຄືກັນ.
ມີການກ່າວຫາວ່າ ຈີນໄດ້ໃຊ້ອິດທິພົນຂອງຕົນຕໍ່ກຳປູເຈຍຊຶ່ງເປັນເຈົ້າພາບຈັດກອງປະຊຸມໃນ
ຄັ້ງນີ້ໃຫ້ທຳການຂັດຂວາງຕໍ່ການສົນທະນາຫາລືໃດໆກໍຕາມກ່ຽວກັບບັນຫາຂັດແຍ້ງໃນເຂດ
ທະເລຈີນໃຕ້.
ທ່ານ Hor Namhong ລັດຖະມົນຕີການຕ່າງປະເທດຂອງກຳປູເຈຍ ກ່າວວ່າ ສະມາຄົມອາ
ຊ່ຽນບໍ່ຄວນທີ່ຈະເຂົ້າໄປພົວພັນກ່ຽວກັບບັນຫາຍັດແຍ້ງໃນເລື່ອງເຂດນໍ້າແດນດິນ.