ກໍາລັງຮັກສາຄວາມປອດໄພຊີເຣຍໄດ້ສັງຫານ 63 ຄົນເມື່ອວັນອັງຄານວານນີ້ໃນການບຸກ
ກວດລ້າງທີ່ໝູ່ບ້ານທາງພາກເໜືອຂອງປະເທດ ແລະ ລະດົມຍິງປືນໃຫຍ່ໂຈມຕີຢ່າງໜັກ
ໃສ່ເມືອງ Homs ໃນຂະນະທີ່ສະພາກາແດງຮຽກຮ້ອງໃຫ້ຢຸດຍິງໃນແຕ່ລະມື້ ເພື່ອອຳ
ນວຍໃຫ້ສາມາດຈັດສົ່ງເຄື່ອງຊ່ວຍເຫຼືອສຸກເສີນທີ່ຈຳເປັນຕ່າງໆເຂົ້າໄປໃນເມືອງດັ່ງກ່າວໄດ້.
ພວກນັກເຄຶ່ອນໄຫວກ່າວວ່າ ຢ່າງໜ້ອຍມີຜູ້ເສຍຊີວິດ 30 ຄົນ ແລະບາດເຈັບອີກຫລາຍ
ກວ່າ 200 ຄົນ ເວລາກໍາລັງທະຫານຂອງລັດຖະບານ ໄດ້ລະດົມຍິງໃສ່ຄຸ້ມ Baba Amr
ທີ່ພວກກະບົດຄວບຄຸມ ໃນເມືອງ Homs ບ່ອນທີ່ເດັກນ້ອຍສອງຄົນຖືກຂ້າຕາຍນັ້ນ.
ພວກນັກເຄຶ່ອນໄຫວກ່າວອີກວ່າ ກໍາລັງຮັກສາຄວາມປອດໄພໄດ້ບຸກໂຈມຕີຫຼັງຈາກພວກ
ນັກລົບຝ່າຍຄ້ານໄດ້ຍຶດຄຸ້ມມຸສລິມນິກາຍຊຸນນີຂັດຂວາງບໍ່ໃຫ້ພວກກໍາລັງທະຫານເຂົ້າໄປ.
ກໍາລັງທະຫານຊີເຣຍ ສັງຫານ 63 ຄົນ ໃນພາກເໜືອປະເທດ (ເບິ່ງສະໄລດ໌ກັບວີດີໂອ)
ກຸ່ມສິ້ງຊອມສິດທິມະນຸດຊີເຣຍ
ທີ່ມີຖານປະຕິບັດການຢູ່ອັງກິດ
ກ່າວວ່າ ມີພວກພົນລະເຮືອນ
ເພີ່ມອີກຢ່າງໜ້ອຍ 33 ຄົນຖືກ
ຂ້າຕາຍ ເວລາກໍາລັງຂອງຝ່າຍ
ລັດຖະບານພະຍາຍາມບຸກໂຈມ
ຕີພວກຄັດຄ້ານຕໍ່ປະທານາທິບໍ
ດີ Bashar al-Assad ທີ່ໄດ້
ບຸກເຂົ້າໄປໃນພວກໝູ່ບ້ານຂອງ
ແຂວງ Idlib ທາງພາກເໜືອ
ຂອງປະເທດ. ກຸ່ມສິ້ງຊອມສິດ
ທິມະນຸດຊີເຣຍກ່າວອີກວ່າການ
ບຸກໂຈມຕີທີ່ແນໃສ່ບ້ານ Abdita
ແລະໄດ້ລາມໄປຂົງເຂດໄກ້ຄຽງ.
ຈໍານວນຜູ້ບາດເຈັບລົ້ມຕາຍ ຍັງບໍ່ສາມາດຢືນຢັນໄດ້ເທື່ອ ໃນເວລານີ້ ເນຶ່ອງຈາກວ່າສາຍ
ໂທລະສັບຖືກຕັດ ແລະລັດຖະບານຊີເຣຍວາງຂໍ້ຈໍາກັດ ຮັດແຄບຕໍ່ການເຂົ້າໄປເອົາຂ່າວ
ຂອງສື່ມວນຊົນຕ່າງປະເທດ.
http://www.voanews.com/templates/widgetDisplay.html?id=139864573&player=article