ອົງການສະຫະປະຊາຊາດ ຫຼື UN ກ່າວວ່າ ຕົນພວມເລີ້ມ
ແຈກຍາຍອາຫານການກິນ ແລະ ຢາປິ່ນປົວ ໃນວັນພຸດມື້ນີ້
ຢູ່ທີ່ບໍລິເວນ ໃກ້ໆ ກັບຈຸດສູນກາງທີ່ເກີດແຜ່ນດິນໄຫວ ໃນ
ປະເທດເນປານ ເມື່ອວັນເສົາຜ່ານມານັ້ນ ບ່ອນທີ່ຈຳນວນ
ຜູ້ເສຍຊີວິດ ຍັງສືບຕໍ່ເພີ້ມຂຶ້ນເລື້ອຍໆ.
ຄວາມພະຍາຍາມ ຂອງໂຄງການອາຫານໂລກ ໃນອ້ອມເຂດ
Gorkha ມີຂຶ້ນ ໃນຂະນະທີ່ບັນດາເຈົ້ານາທີ່ເນປານ ໄດ້ປະຕິ
ຍານ ໃນວັນພຸດມື້ນີ້ ວ່າ ຈະປັບປຸງການຕອບສະໜອງ ການ
ຊ່ວຍເຫຼືອຂອງລັດຖະບານ ໃຫ້ດີຂຶ້ນ ເພື່ອນຳສົ່ງອາຫານ ນ້ຳ
ແລະ ທີ່ພັກອາໃສ ຕ່າງໆ ໃຫ້ແກ່ພວກ ທີ່ມີຄວາມຕ້ອງການ
ຫຼາຍທີ່ສຸດ.
ໃນຂະນະດຽວກັນ ບັນດາພະນັກງານ ຄົ້ນຫາ ແລະ ກູ້ໄພ ຍັງສືບຕໍ່ຂຸດຄົ້ນ ຕາມຊາກຫັກ
ພັງ ທີ່ເກີດຈາກແຜ່ນດິນໄຫວ ຄວາມແຮງ 7.8 ຣິກເຕີ້. ເມື່ອຕອນຄ່ຳວັນອັງຄານວານນີ້
ທິມກູ້ໄພຂອງຝຣັ່ງ ໄດ້ຊ່ອຍດຶງເອົາຊາຍຄົນນຶ່ງ ອອກມາຈາກເຮືອນຂອງລາວ ທີ່ຫັກພັງລົງ
ຢູ່ໃນນະຄອນຫລວງ Kathmandu ບ່ອນທີ່ ລາວຕົກຄ້າງຢູ່ ເປັນເວລາດົນ ກວ່າ 80 ຊົ່ວໂມງ.
Your browser doesn’t support HTML5
Generosity Overwhelms Quake-stricken Nepal
ບັນດາເຈົ້າໜ້າທີ່ ກ່າວໃນວັນພຸດມື້ນີ້ວ່າ ຈຳນວນຂອງຜູ້ເສຍຊີວິດ ທີ່ເປັນທາງການ ແມ່ນ
ໄດ້ເພີ້ມຂຶ້ນ ກາຍ 5,000 ຄົນແລ້ວ ພ້ອມກັບ ຜູ້ທີ່ໄດ້ຮັບບາດເຈັບອີກ 10,000 ຄົນ.
ການຊ່ວຍເຫຼືອໄປຍັງ ເຂດຫ່າງໄກສອກຫລີກຂອງເນປານ ແມ່ນຍັງຊັກຊ້າຢູ່ ຍ້ອນວ່າ
ຖະໜົນຫົນທາງ ທີ່ບໍ່ຄ່ອຍດີປານໃດ ແລະ ຝົນທີ່ຕົກລົງມາ ເຮັດໃຫ້ການເດີນທາງ ທາງ
ພາກພື້ນດິນນັ້ນ ມີຄວາມທ້າທາຍຫຼາຍ. UN ໄດ້ກະປະເມີນ ວ່າ ແຜ່ນດິນໄຫວໃນຄັ້ງນີ້
ໄດ້ສົ່ງຜົນກະທົບຕໍ່ 8 ລ້ານຄົນ ຊຶ່ງຫຼາຍກວ່າ ນຶ່ງສ່ວນສີ່ ຂອງພົນລະເມືອງ ໃນປະເທດ
ພ້ອມກັນກັບ 1 ລ້ານ 4 ແສນຄົນ ແມ່ນມີຄວາມຕ້ອງການອາຫານການກິນ.
ເມືອງກັດມັນດູ ດິ້ນຮົນ ເພື່ອຟື້ນໂຕຄືນ ຫຼັງແຜ່ນດິນໄຫວ
ຫຼາຍໆຄົນ ບໍ່ເພິ່ງພໍໃຈກັບ ອັນທີ່ພວກເຂົາເຈົ້າ ກ່າວວ່າ ແມ່ນການຕອບສະໜອງຄວາມ
ຊ່ວຍເຫຼືອ ຂອງລັດຖະບານ ທີ່ຊັກຊ້າ ແລະ ຫຼາຍພັນຄົນໄດ້ໄປເຕົ້າໂຮມກັນຢູ່ນະຄອນ
ຫລວງ Kathmandu ໃນວັນພຸດມື້ນີ້ ເພື່ອຫາທາງ ທີ່ຈະຂຶ້ນລົດເມໂດຍສານ ອອກໄປ
ຈາກເມືອງດັ່ງກ່າວນັ້ນ ແລະ ໄປຫາຄອບຄົວຂອງພວກເຂົາເຈົ້າ ຢູ່ທີ່ບໍລິເວນທີ່ຫ່າງໄກ ອອກໄປ.
ນາຍົກລັດຖະມົນຕີ ເນປານ ທ່ານ Sushil Koirala ໄດ້ປະຕິຍານ ໃນການຖະແຫລງ ທີ່
ຖ່າຍທອດຜ່ານທາງໂທລະພາບ ເມື່ອວັນອັງຄານວານນີ້ ວ່າ ຈະກໍ່ສ້າງຄືນອີກ ໂຄງສ້າງ
ທີ່ສຳຄັນໆ ທາງດ້ານປະວັດສາດ ດ້ານສາສະໜາ ແລະ ດ້ານໂບຮານຄະດີ ແລະ ໄດ້
ປະກາດ ໃຫ້ໄວ້ອາໄລເປັນເວລາສາມມື້ ສຳຫລັບບັນດາຜູ້ເຄາະຮ້າຍ ຈາກໄພແຜ່ນດິນ
ໄຫວນີ້.
Your browser doesn’t support HTML5
Nepal Earth Quake