ຕະຫຼາດຮຸ້ນ ເອເຊຍ ໄດ້ມີການປ່ຽນແປງຂຶ້ນລົງຢ່າງກວ້າງຂວາງ
ໃນວັນພະຫັດມື້ນີ້ ແຕ່ວ່າໃນຕອນອັດຕະຫລາດ ລາຄາຮຸ້ນໄດ້ຕົກ
ຕ່ຳລົງ, ເຊິ່ງສືບຕໍ່ເປັນການຫຼຸດລົງ ເມື່ອບໍ່ດົນມານີ້ ຍ້ອນຄວາມ
ເປັນຫ່ວງກ່ຽວກັບ ລາຄານ້ຳມັນທີ່ຫຼຸດລົງ ແລະ ເສດຖະກິດທົ່ວ
ໂລກ ທີ່ຂະຫຍາຍຕົວຢ່າງຊັກຊ້າ.
ຕະຫຼາດຮຸ້ນ ໂຕກຽວ ໄດ້ຫລຸດລົງເກືອບ 2.5 ເປີເຊັນ ໃນຕອນປິດ
ຕະຫຼາດ ຊຶ່ງເຮັດໃຫ້ລາຄາຮຸ້ນທີ່ສູງຂຶ້ນໃນຕອນເຊົ້າ ຂອງມື້ນີ້ໝົດ
ໄປ. ຕະຫຼາດຮຸ້ນຊຽງໄຮ ໄດ້ຫຼຸດລົງຫຼາຍກວ່າ 3 ເປີເຊັນ ແລະຕະ
ຫຼາດຮຸ້ນຮົງກົງ ກໍໄດ້ຫລຸດລົງເກືອບ 2 ເປີເຊັນ ໃນຕອນອັດຕະຫລາດ.
Your browser doesn’t support HTML5
Global Market
ຜູ້ຊ່ຽວຊານຫຼາຍຄົນໄດ້ຖິ້ມໂທດ ເລື່ອງການຂາຍເລຮຸ້ນ ໃສ່ການມອງໂລກ ໃນແງ່ຮ້າຍ
ຂອງນັກລົງທຶນ, ລາຄານ້ຳມັນທີ່ຫຼຸດຕ່ຳລົງ, ເສດຖະກິດທີ່ຝືດເຄືອງຂອງ ຈີນ, ແລະທັດ
ສະນະ ອັນມືດມົວສຳລັບເສດຖະກິດ ໂລກໂດຍລວມໃນປີນີ້.
ລາຄານ້ຳມັນດິບ, ເຊິ່ງໄດ້ເລີ່ມຕົກຕ່ຳນັບຕັ້ງແຕ່ປີ 2014 ເປັນຕົ້ນມາ, ໄດ້ມີລາຄາສູງຂຶ້ນ
ໜ້ອຍໜຶ່ງໃນ ເອເຊຍ ໃນວັນພະຫັດມື້ນີ້. ແຕ່ວ່າ ຄວາມເປັນຫ່ວງຍັງຄົງມີຢູ່ ສຳລັບນ້ຳມັນ
ທີ່ມີເກີນປະລິມານຄວາມຕ້ອງ ການນັ້ນ.
ລາຄາ ນ້ຳມັນດິບ ສະຫະລັດ ໃນສັບປະດານີ້ໄດ້ຕົກຕ່ຳລົງສຸດຂີດໃນຮອບ 12 ປີ, ເຊິ່ງໄດ້
ສົ່ງຜົນກະທົບຕໍ່ລາຄາຕະຫຼາດຮຸ້ນ ຂອງບໍລິສັດພະລັງງານທັງຫຼາຍ ເຊິ່ງເປັນພາກສ່ວນ
ທີ່ມີຄວາມສຳຄັນ ຂອງດັດຊະນີ ຮຸ້ນບາງບໍລິສັດ.
ໃນວັນພຸດວານນີ້ ກໍຍັງເປັນມື້ທີ່ມີການຊື້ຂາຍຢ່າງສັບສົນ ໃນຕະຫຼາດຮຸ້ນ Wall Street
ຂອງສະຫະລັດ ໃນຂະນະທີ່ດັດຊະນີຮຸ້ນສຳຄັນໆໃນຊົ່ວໄລຍະໜຶ່ງ ໄດ້ຫຼຸດລົງຫຼາຍກວ່າ 3
ເປີເຊັນ, ກ່ອນຈະຟື້ນຕົວຄືນມາຢ່າງຫຼວງຫຼາຍໃນເວລາປິດຕະຫຼາດ. ໃນຕອນທ້າຍຂອງ
ການຊື້ຂາຍ ດັດຊະນີຮຸ້ນ S&P 500 ໄດ້ຕົກລາຄາ 1.2 ເປີເຊັນ, ແລະໃນຂະນະດຽວກັນ
ດັດຊະນີຮຸ້ນ Dow Jones ກໍໄດ້ຕົກລາຄາປະມານ 1.6 ເປີເຊັນ.
Your browser doesn’t support HTML5
Global Stocks on Roller Coaster Ride as China Economy Slows, Oil Price Plunges