ເຈົ້າໜ້າທີ່ຕຳຫລວດສອງຄົນ ໄດ້ເສຍຊີວິດຈາກການວາງລະເບີດລົດ ຢູ່ນອກປ້ອມຍາມ ຕຳຫລວດໃນເທິກີ ໃກ້ກັບຊາຍແດນຊີເຣຍ ໃນວັນພຸດມື້ນີ້.
ມີຫລາຍເຖິງ 20 ຄົນໄດ້ຮັບບາດເຈັບ ແລະ ໄດ້ສົ່ງລົດໂຮງໝໍຫລາຍຄັນໄປບ່ອນເກີດເຫດ ຢູ່ເມືອງ Midyat ທີ່ສ່ວນໃຫຍ່ເປັນຊາວເຄີດ ຢູ່ທາງພາກຕາເວັນອອກສຽງໃຕ້.
ພຽງແຕ່ມື້ນຶ່ງກ່ອນໜ້ານັ້ນ ການວາງລະເບີດລົດຄັນນຶ່ງໃສ່ເປົ້າໝາຍລົດບັສຕຳຫລວດ ໃນ ນະຄອນ Istanbul ໄດ້ເອົາຊີວິດໄປ 11 ຄົນ ຮວມທັງເຈົ້າຕຳຫຼວດເຈັດຄົນ ແລະຄົນອຶ່ນໆ ໄດ້ຮັບບາດເຈັບ 36 ຄົນ ລະຫວ່າງການສັນຈອນໜາແໜ້ນຕອນເຊົ້າ.
ຍັງບໍ່ມີກຸ່ມໃດອ້າງເອົາຄວາມຮັບຜິດຊອບເທື່ອ ໃນການໂຈມຕີສອງຄັ້ງ ເຖິງແມ່ນວ່າ ລັດ ອິສລາມ ຈະໄດ້ອອກປະຕິບັດການໂຈມຕີຫວ່າງມໍ່ໆມານີ້ໃນເທິກີ. ພັກແຮງງານເຄີດ ຫລື PKK ໄດ້ເອົາ ຕຳຫລວດແລະທະຫານເທີກີ ເປັນເປົ້າໝາຍເລື້ອຍມານັບແຕ່ເດືອນກໍລະກົດ ໃນຄວາມພະຍາຍາມທີ່ຈະປົກຄອງຕົນເອງທີ່ພາກຕາເວັນອອກສຽງໃຕ້.
ອ່ານຂ່າວນີ້ເພີ້ມເປັນພາສາອັງກິດ
Your browser doesn’t support HTML5
Turkey Bombing