ອັງກາຣາ ປະກາດທີ່ຈະຕອບໂຕ້ຕ້ານວໍຊິງຕັນຄືນ ຂອງການລົງໂທດແກ່ຍຸຕິ
ທຳ ເທີກີແລະບັນດາກະຊວງພາຍໃນ ໃນການພົວພັນກັບການກັກຂັງຄຸນພໍ່
ໂປແຕສຕັງຊາວອາເມຣິກັນ ທ່ານແອນດຣູ ບຣັນສັນ.
ທ່ານ Berat Albayrak ລັດຖະມົນຕີກະຊວງການເງິນຂອງເທີກີ
ຮອງປະທານາທິບໍດີເທີກີ ທ່ານຟູອາຕ ອົກເຕ ໄດ້ຂົ່ມຂູ່ທີ່ຈະຕອບໂຕ້ຢູ່ໃນການສົ່ງຂໍ້
ຄວາມທາງທວິດເຕີໃນວັນພະຫັດວານນີ້ວ່າ “ພວກເຮົາຈະບໍ່ລັ່ງເລໃຈແມ່ນແຕ່ວິນາທີ
ດຽວ ທີ່ຈະເຮັດອັນທີ່ບັນດາປະເທດຍິ່ງໃຫຍ່ຕ້ອງເຮັດ ພາຍໃຕ້ການນຳພາຂອງປະ
ທານາທິບໍດີຂອງພວກເຮົາ.
ລັດຖະມົນຕີກະຊວງຍຸຕິທໍາ, ທ່ານ Abdulhamit Gul (ຊ້າຍ) ແລະລັດຖະມົນຕີ ກະຊວງພາຍໃນ, ທ່ານ Suleyman Soylu ພາກັນນໍາຫລັງ ປະທານາທິບໍດີ Tayyip Erdogan ໄປເຂົ້າຮ່ວມກອງປະຊຸມ ໃນວັນທີ 2, 2018
ເຖິງຢ່າງໃດກໍດີ ຢູ່ໃນບົດຖະແຫຼງການ ທ່ານເບີຣັຕ ອາລເບຣັກ ລັດຖມົນຕີເສດຖະ
ກິດທີ່ມີອຳນາດ ໄດ້ເນັ້ນໜັກການປະເຊີນໜ້າໜ້ອຍກວ່າ.
ທ່ານອາລເບຣັກ ກ່າວວ່າ “ບຸລິມະສິດຂອງພວກເຮົາກໍຄືການຄໍ້າປະກັນວ່າ ການດຳ
ເນີນດັ່ງກ່າວນີ້ເປັນທີ່ຕົກລົງກັນໄດ້ຜ່ານທາງການທູດ ແລະຄວາມພະຍາຍາມສ້າງສັນ
ທີ່ສະໝໍ່າສະເໝີກັບຄວາມສຳພັນລະຫວ່າງສອງປະເທດພັນທະມິດ ທີ່ແບ່ງປັນເບື້ອງ
ຫຼັງປະຫວັດສາດທີ່ເຂັ້ມແຂງ.
ລັດຖະມົນຕີຍຸຕິທໍາ ທ່ານອັບດູນຮາມິຕ ກູລ ແລະລັດຖະມົນຕີພາຍໃນ ທ່ານຊູເລມານ
ຊອຍລູ ໄດ້ຖືກໂຈມຕີໂດຍການເງິນ ແລະມາດຕະການໆທູດໃນວັນພຸດທີ່ຜ່ານມາ ອັນ
ທີ່ວໍຊິງຕັນຮ້ອງບົດບາດເຂົາເຈົ້າຢູ່ໃນການກັກຂັງບໍ່ເປັນທີ່ທ່ຽງທຳແກ່ຄຸນພໍ່ບຣັນສັນ.
Your browser doesn’t support HTML5
US-Turkey Relations Further Sour Over Detention of American Pastor
ຄຸນພໍ່ອາເມຣິກັນກຳລັງຢູ່ໃນການດຳເນີນຄະດີກ່ຽວກັບການກໍ່ການຮ້າຍ ແລະກ່າວ
ຫາສືບລັບທີ່ເຊື່ອມຕໍ່ໄປຫາບັນດາຜູ້ຕິດຕາມຂອງນັກສາສໜາເທີກີ ທ່ານເຟັດຮູລາ
ກູເລີນ ທີ່ຢູ່ໃນສະຫະລັດ ຜູ້ທີ່ໄດ້ຖືກຖີ້ມໂທດໃສ່ໂດຍອັງກາຣາ ໃນຄວາມລົ້ມແຫລວ
ຂອງການເຮັດລັດຖະປະຫານ ແລະຜູ້ທີ່ເທີກີກຳລັງຊອກຫາການສົ່ງໂຕກັບຄືນ.
ປພທານາທິບໍດີ Tayyip Erdogan ກ່າວຄໍາປາໄສໃນວັນທີ 15 ກໍລະກົດ ທີ່ນະຄອນອັງຄາຣາ, 2018