ຕຳຫຼວດທີ່ນະຄອນຫຼວງຂອງ ໄທ ໄດ້ຂົ່ມຂູ່ ທີ່ຈະຈັບກຸມນັກຄົ້ນຄວ້າສິດທິມະນຸດຈາກອົງ ການນິລະໂທດກຳສາກົນ ໃນວັນພຸດວານນີ້ ກ່ຽວກັບເຫດການໜຶ່ງທີ່ ທີ່ພົວພັນກັບບົດ ລາຍງານໃໝ່ທີ່ໃຫ້ຂໍ້ມູນຕໍ່ການກ່າວຫາ ກ່ຽວກັບ "ການທໍລະມານ ແລະ ການປະຕິບັດທີ່ບໍ່ຖືກຕ້ອງອື່ນໆ” ໂດຍພວກທະຫານ ແລະ ຕຳຫຼວດ.
ທ່ານ Minar Pimple ຜູ້ອຳນວຍການອາວຸໂສ ກ່ຽວກັບການປະຕິບັດການທົ່ວໂລກຂອງ ອົງການ ນິລະໂທດກຳສາກົນ ໄດ້ກ່າວໃນຖະແຫຼງ ການສະບັບໜຶ່ງ ທີ່ອຳນາດການປົກ ຄອງ “ໄດ້ເຕືອນວ່າ ຖ້າຕົວແທນຂອງອົງການນິລະໂທດກຳສາກົນ ເວົ້າກ່ຽວກັບເຫດ ການດັ່ງກ່າວແລ້ວ ພວກເຂົາເຈົ້າອາດຖືກຈັບກຸມ ແລະ ຖືກດຳເນີນຄະດີພາຍໃຕ້ກົດ ໝາຍແຮງງານຂອງ ໄທ.”
ແນວໃດກໍຕາມ ໂຄສົກຄົນໜຶ່ງຂອງກຸ່ມໄດ້ດຳເນີນຕໍ່ ດ້ວຍການສະເໜີຂ່າວສັ້ນຢ່າງກະ ທັນຫັນ, ໂດຍໃຫ້ລາຍລະອຽດ ຢູ່ໃນລາຍງານຂໍ້ກ່າວຫາ 74 ກໍລະນີ ກ່ຽວກັບ ທະຫານ ແລະ ຕຳຫຼວດ ໄທ ໃນການໃຊ້ກຳລັງທຸບຕີ, ການເຮັດໃຫ້ຫາຍໃຈບໍ່ອອກດ້ວຍການໃຊ້ຖົງ ຢາງ, ການເອົາຫົວຈຸ່ມນ້ຳ ແລະ ວິທີຂອງການປະຈານ. ກຸ່ມດັ່ງກ່າວໄດ້ກ່າວວ່າ ການທໍ ລະມານຍັງຄົງ “ມີຢູ່ໂດຍທົ່ວໄປ” ເຖິງແມ່ນໄດ້ມີການຮຽກຮ້ອງໃຫ້ລັດຖະບານທະຫານ ທີ່ກຳລັງປົກຄອງປະເທດ ຢຸດການກະທຳທີ່ບໍ່ຖືກຕ້ອງນັ້ນ.
ນັບຕັ້ງແຕ່ການຍຶດອຳນາດ ໃນການກໍ່ລັດຖະປະຫານທີ່ບໍ່ມີການນອງເລືອດໃນປີ 2014, ລັດຖະບານທີ່ໄດ້ຮັບການໜູນຫຼັງ ໂດຍທະຫານຂອງ ໄທ ໄດ້ຕົກຢູ່ພາຍໃຕ້ການກ່າວວິ ຈານໂດຍນານາຊາດ ໃນການຈຳກັດຮັດແຄບຢ່າງຮ້າຍແຮງ ກ່ຽວກັບ ເສລິພາບໃນການ ປາກເວົ້າ, ການເຕົ້າໂຮມການເມືອງ ແລະ ການເລື່ອນເວລາໃນການກັບຄືນໄປສູ່ການປົກ ຄອງແບບປະຊາທິປະໄຕ. ລັດຖະບານໄດ້ໂຕ້ຖຽງວ່າ ການປົກຄອງປະເທດໂດຍທະຫານ ແມ່ນມີຄວາມຈຳເປັນ ເພື່ອຮັບປະກັນຄວາມໝັ້ນຄົງຂອງປະເທດ.