ສະຫະລັດ ແລະເກົາຫຼີໃຕ້ ໄດ້ປະກາດແຜນການການຊ້ອມລົບຮ່ວມທາງ ທະຫານຂະ ໜາດໃຫຍ່ໃນເດືອນໜ້ານີ້ ພຽງບໍ່ເທົ່າໃດອາທິດຫຼັງຈາກການທົດລອງນີວເຄຼຍບັ້ນລ່າສຸດຂອງເກົາຫຼີເໜືອ ທີ່ສ້າງຄວາມເຄັ່ງຕຶງລະດັບຂົງເຂດຂຶ້ນມານັ້ນ.
ຖະແຫຼງການສະບັບນື່ງທີ່ອອກໂດຍກອງບັນຊາການຮ່ວມ ເມື່ອວັນພະຫັດມື້ນີ້ ເວົ້າວ່າ ການຊ້ອມລົບປະຈໍາປີ ຈະເລີ່ມຂຶ້ນໃນວັນທີ່ 1 ເດືອນມີນາຕໍ່ໜ້ານີ້ ພ້ອມດ້ວຍການຊ້ອມລົບຫຼາຍໆດ້ານ ເປັນເວລານຶ່ງເດືອນ ປະກອບດ້ວຍການຊ້ອມລົບທາງອາກາດ ພາກພື້ນດິນ ແລະກອງທັບເຮືອ ທີ່ຮູ້ກັນໃນຊື່ Foal Eagle ນັ້ນ. ໃນອີກດ້ານນຶ່ງ ທາງກອງບັນຊາການຮ່ວມກໍໄດ້ປະກາດ ກ່ຽວກັບການຊ້ອມລົບຈໍາລອງ ໂດຍໃຊ້ເຄຶ່ອງຄອມພິວເຕີ ເປັນເວລາສອງອາທິດ ທີ່ເອີ້ນວ່າ ກະແຈແກ້ໄຂບັນຫາຫຼື Key Resolve ຊຶ່ງຈະເລີ່ມຂຶ້ນໃນວັນທີ່ 11 ມີນານີ້.
ຖະແຫຼງການຂອງບັນດາປະເທດພັນທະມິດ ເວົ້າວ່າ ການຊ້ອມລົບຄັ້ງນີ້ ແມ່ນໄດ້ແນໃສ່ເພື່ອຍົກລະດັບດ້ານຄວາມໝັ້ນຄົງ ແລະຄວາມພ້ອມຂອງເກົາຫຼີໃຕ້ ແລະຢືນຢັດວ່າການຊ້ອມລົບເຫຼົ່ານີ້ມີລັກສະນະເປັນການຂັດຂວາງຢັບຢັ້ງ. ຝ່າຍເກົາຫຼີເໜືອເຫັນການ ຊ້ອມລົບນີ້ວ່າ ເປັນການຕຽມບຸກລຸກເຂດນໍ້າແດນດິນຂອງຕົນຫຼາຍກວ່າ.
ເມື່ອບໍ່ດົນມານີ້ ພຽງຢາງໄດ້ເອົາບາດກ້າວຕ່າງໆ ເພື່ອສະແດງໃຫ້ເຫັນເຖິງແສນຍານຸ ພາບຂອງກອງທັບຕົນ ຄືໄດ້ທໍາການທົດລອງນີວເຄຼຍຄັ້ງທີສາມຂອງຕົນ ທີ່ມີພະລັງແຮງທີ່ສຸດ ເມື່ອວັນທີ່ 12 ກຸມພາຜ່ານມາ. ໃນເດືອນທັນວາປີກາຍ ເກົາຫຼີເໜືອກໍໄດ້ສົ່ງດາວທຽມຂຶ້ນສູ່ວົງໂຄຈອນໄດ້ເປັນຜົນສໍາເລັດ ໃນການເຄື່ອນໄຫວທີ່ບັນດານັກວິຈານເວົ້າວ່າ ໃຊ້ບັງໜ້າ ເພື່ອທົດລອງລູກສອນໄຟຂີປະນາວຸດນັ້ນ.
ຖະແຫຼງການສະບັບນື່ງທີ່ອອກໂດຍກອງບັນຊາການຮ່ວມ ເມື່ອວັນພະຫັດມື້ນີ້ ເວົ້າວ່າ ການຊ້ອມລົບປະຈໍາປີ ຈະເລີ່ມຂຶ້ນໃນວັນທີ່ 1 ເດືອນມີນາຕໍ່ໜ້ານີ້ ພ້ອມດ້ວຍການຊ້ອມລົບຫຼາຍໆດ້ານ ເປັນເວລານຶ່ງເດືອນ ປະກອບດ້ວຍການຊ້ອມລົບທາງອາກາດ ພາກພື້ນດິນ ແລະກອງທັບເຮືອ ທີ່ຮູ້ກັນໃນຊື່ Foal Eagle ນັ້ນ. ໃນອີກດ້ານນຶ່ງ ທາງກອງບັນຊາການຮ່ວມກໍໄດ້ປະກາດ ກ່ຽວກັບການຊ້ອມລົບຈໍາລອງ ໂດຍໃຊ້ເຄຶ່ອງຄອມພິວເຕີ ເປັນເວລາສອງອາທິດ ທີ່ເອີ້ນວ່າ ກະແຈແກ້ໄຂບັນຫາຫຼື Key Resolve ຊຶ່ງຈະເລີ່ມຂຶ້ນໃນວັນທີ່ 11 ມີນານີ້.
ຖະແຫຼງການຂອງບັນດາປະເທດພັນທະມິດ ເວົ້າວ່າ ການຊ້ອມລົບຄັ້ງນີ້ ແມ່ນໄດ້ແນໃສ່ເພື່ອຍົກລະດັບດ້ານຄວາມໝັ້ນຄົງ ແລະຄວາມພ້ອມຂອງເກົາຫຼີໃຕ້ ແລະຢືນຢັດວ່າການຊ້ອມລົບເຫຼົ່ານີ້ມີລັກສະນະເປັນການຂັດຂວາງຢັບຢັ້ງ. ຝ່າຍເກົາຫຼີເໜືອເຫັນການ ຊ້ອມລົບນີ້ວ່າ ເປັນການຕຽມບຸກລຸກເຂດນໍ້າແດນດິນຂອງຕົນຫຼາຍກວ່າ.
ເມື່ອບໍ່ດົນມານີ້ ພຽງຢາງໄດ້ເອົາບາດກ້າວຕ່າງໆ ເພື່ອສະແດງໃຫ້ເຫັນເຖິງແສນຍານຸ ພາບຂອງກອງທັບຕົນ ຄືໄດ້ທໍາການທົດລອງນີວເຄຼຍຄັ້ງທີສາມຂອງຕົນ ທີ່ມີພະລັງແຮງທີ່ສຸດ ເມື່ອວັນທີ່ 12 ກຸມພາຜ່ານມາ. ໃນເດືອນທັນວາປີກາຍ ເກົາຫຼີເໜືອກໍໄດ້ສົ່ງດາວທຽມຂຶ້ນສູ່ວົງໂຄຈອນໄດ້ເປັນຜົນສໍາເລັດ ໃນການເຄື່ອນໄຫວທີ່ບັນດານັກວິຈານເວົ້າວ່າ ໃຊ້ບັງໜ້າ ເພື່ອທົດລອງລູກສອນໄຟຂີປະນາວຸດນັ້ນ.