ລາຄານ້ຳມັນສູງ ແລະ ໄພຂົ່ມຂູ່ຂອງພາຍຸເຮີຣິເຄນ ແມ່ນບໍ່ຄາດວ່າຈະເຮັດໃຫ້ຄວາມປາຖະໜາຂອງປະຊາຊົນ ອາເມຣິກັນ ທີ່ຈະທຳການເດີນທາງໃນລະດູຮ້ອນນີ້ຫຼຸດລົງ, ດ້ວຍນັກເດີນທາງທັງຫຼາຍກະກຽມສຳລັບການເດີນທາງທີ່ເປັນສະຖິຕິ ເພື່ອເລີ່ມຕົ້ນບຸນວັນພັກທີ 4 ເດືອນກໍລະກົດ ກໍຄືວັນຊາດຂອງ ສະຫະລັດ.
ກຸ່ມບໍລິສັດປະກັນໄພ AAA ຄາດວ່າປະຊາຊົນເກືອບ 71 ລ້ານຄົນທີ່ສູງເປັນສະຖິຕິ ຈະເດີນທາງໃນວັນພັກ ວັນເອກະລາດ ສະຫະລັດ ນີ້, ເຊິ່ງເປັນການເພີ່ມຂຶ້ນສູ່ລະດັບທີ່ຄ້າຍຄືກັບກ່ອນໄລຍະເກີດໂຣກລະບາດ.
ປະຊາຊົນປະມານ 60 ລ້ານຄົນຈະຂັບລົດ ພ້ອມກັບເກືອບ 6 ລ້ານຄົນຈະຂີ່ເຮືອບິນໄປສູ່ຈຸດໝາຍປາຍທາງຂອງເຂົາເຈົ້າ, ໃນຂະນະທີ່ປະຊາຊົນປະມານ 4.6 ລ້ານຄົນຈະຂີ່ລົດບັສ, ລົດໄຟ ຫຼື ລ່ອງເຮືອສຳລານ ໃນລະຫວ່າງໄລຍະວັນພັກດັ່ງກ່າວ, ອີງຕາມການພະຍາກອນຂອງບໍລິສັດ AAA.
ໂຄສົກຂອງບໍລິສັດ AAA ທ່ານ ແອນດຣູ ກຣອສ໌ ໄດ້ກ່າວວ່າ “ພວກເຮົາບໍ່ເຄີຍເຫັນຕົວເລກຄືແນວນີ້. ການເດີນທາງຂອງປີ 2024 ເບິ່ງຄືວ່າຈະເປັນສິ່ງທີ່ໄດ້ເປັນໃນປີ 2020, ເຊິ່ງຍັງບໍ່ທັນຮອດການເກີດໂຣກລະບາດເທື່ອ.”
ການເດີນທາງໃນລະດູຮ້ອນຂອງ ສະຫະລັດ ຈະຖືກຕິດຕາມຢ່າງໃກ້ຊິດຈາກຫຼາຍດ້ານໃນປີນີ້, ໃນຂະນະທີ່ມັນອາດສະໜອງມາດຕະການທີ່ສຳຄັນ ກ່ຽວກັບ ຄວາມຄິດເຫັນຂອງຜູ້ບໍລິໂພກໃນປີການເລືອກຕັ້ງ ສຳລັບບັນດາເຈົ້າໜ້າທີ່ທະນາຄານກາງ ແລະ ບັນດານັກອອກນະໂຍບາຍ.
ອັດຕາເງິນເຟີ້ແມ່ນບໍ່ໄດ້ມີການປ່ຽນແປງໃນເດືອນພຶດສະພາທີ່ຜ່ານມາ ໃນຂະນະທີ່ການໃຊ້ຈ່າຍຂອງຜູ້ບໍລິໂພກໄດ້ເພີ່ມຂຶ້ນ, ໂດຍເພີ່ມຄວາມຫວັງຕ່າງໆວ່າທະນາຄານກາງ ສະຫະລັດ ອາດສາມາດທີ່ຈະຄວບຄຸມອັດຕາເງິນເຟີ້ໄວ້ໄດ້ ໃນຂະນະດຽວກັນຫຼີກລ່ຽງພາວະເສດຖະກິດຕົກຕ່ຳ.
ລາຄານ້ຳມັນແອັດຊັງໄດ້ຫຼຸດລົງໃນສອງສາມເດືອນທີ່ຜ່ານມາ, ດ້ວຍລາຄາສະເລ່ຍທົ່ວປະເທດສຳລັບ 1 ກາລລອນ ຫຼື ປະມານ 3.8 ລິດຂອງນ້ຳມັນລົດແມ່ນ 3 ໂດລາ 50 ເຊັນໃນວັນອັງຄານທີ່ຜ່ານມາ, ເຊິ່ງຫຼຸດລົງ 3 ເຊັນຈາກປີກາຍນີ້. ຄ່າປີ້ເຮືອບິນພາຍໃນແມ່ນຖືກວ່າປີກາຍນີ້ 2 ເປີເຊັນ, ດ້ວຍການເດີນທາງໄປກັບລາຄາສະເລ່ຍ 800 ໂດລາ, ອີງຕາມຂໍ້ມູນການຈອງປີ້ເຮືອບິນຂອງບໍລິສັດ AAA.
ອ່ານຂ່າວນີ້ເປັນພາສາອັງກິດ
High fuel costs and the threat of a hurricane are not expected to dampen Americans' desire to hit the road this summer, with vacationers preparing for record travel to kick off Fourth of July holiday festivities.
Motorist group AAA expects a record of almost 71 million people to travel around the U.S. Independence Day holiday, growth similar to a pre-pandemic trajectory.
Some 60 million people will drive with nearly 6 million flying to their destinations, while around 4.6 million people will take buses, trains or cruises during the holiday period, according to AAA's forecast.
"We've never seen numbers like this," AAA spokesperson Andrew Gross said. "2024's travel seems to be what 2020 would have been, had it not been for the pandemic," he added.
U.S. summer travel will be closely watched from multiple fronts this year, as it could offer central bank officials and policymakers an important measure of consumer sentiment in an election year.
Inflation was unchanged in May even as consumer spending rose, boosting hopes that the U.S. Federal Reserve might be able to control inflation while avoiding a recession.
Gasoline prices have eased over the past few months, with the national average price for a gallon of motor fuel at $3.50 on Tuesday, a 3-cent decline from last year. Domestic airfare is 2% cheaper than last year, with an average domestic round trip costing $800, according to AAA booking data.