ມື້ນີ້ ວັນພະຫັດ ອາທິດທີສີ່ ຂອງເດືອນພະຈິກ ຊ່ຶງຕາມປະເພ
ນີຂອງຊາວອະເມຣິກັນແລ້ວ ວັນດັ່ງກ່າວແມ່ນມື້ບຸນ Thanks-
giving ຫລືບຸນຂອບຄຸນພະເຈົ້າ ປະຈຳປີ ທີ່ໄດ້ສະເຫຼີມສະ
ຫລອງກັນມາເປັນເວລາ ດົນກວ່າສອງຮ້ອຍປີແລ້ວ. ເພາະສະ
ນັ້ນ ລາຍການຊີວິດຊາວລາວ ຂອງ ວີໂອເອ ແລງມື້ນີ້ ເຮົາຈຶ່ງຖື
ໂອກາດ ນຳອົາການສຳພາດກັບຍານາງ ຄຳຮູ້ ເຄນມີີ ທີ່ລັດ
Rhode Island ທາງກໍ້າຕາເວັນອອກສຽງເໜືອ ຂອງສະຫະ
ລັດ ແລະ ທ່ານບຸນສົງ ທອງມະຫາວົງ ທີ່ລັດ California ທາງ
ພາກຕາເວັນຕົກ ຂອງປະເທດ ມາເລົ່າສູ່ທ່ານຟັງວ່າ ເຂົາເຈົ້າ
ພາກັນປະຕິບັດຢ່າງໃດໃນໂອກາດດັ່ງກ່າວ. ເຊີນທ່ານພົບກັບ
ກິ່ງສະຫວັນ ໄດ້.
Your browser doesn’t support HTML5
ຟັງລາຍງານ ແລະການສຳພາດ ກ່ຽວກັບການສະຫລອງບຸນຂອບໃຈພະເຈົ້າ
ສະບາຍດີ ທ່ານຜູັຟັງທີ່ເຄົາຣົບ ວັນພະຫັດ ທີ 27 ເດືອນພະຈິກ ມື້ນີ້ກົງກັບວັນ Thanks-
giving ຫລືວັນສະຫລອງບຸນຂອບຄຸນພະເຈົ້າ ສຳລັບປີ 2014 ຊຶ່ງເປັນບຸນໃຫຍ່ຂອງຊາດ
ປາງນຶ່ງຂອງສະຫະລັດ. ອາຫານສະເພາະ ປະຈຳບຸນດັ່ງກ່າວແມ່ນ ໄກ່ງວງ ຊຶ່ງເປັນຮີດຄອງ
ປະເພນີທີ່ໄດ້ສະຫລອງກັນມາເປັນເວລາ ສອງຮ້ອຍກວ່າປີແລ້ວ. ກ່ອນຂ້າພະເຈົ້າຈະນຳ
ພາທ່ານກ້າວໄປເຖິງເນື້ອໄນຂອງ ການສະຫລອງບຸນດັ່ງກ່າວ ເຮົາມາທຳຄວາມເຂົ້າໃຈ
ເຖິງບັນຍາກາດ ແລະສິ່ງແວດລ້ອມຂອງບຸນນີ້ ວ່າມັນເປັນແນວໃດຈັກບາດກ່ອນ.
ປັດຈຸບັນນີ້ ຢູ່ພາກເໜືອຂອງ ສະຫະລັດ ອາກາດໄດ້ເລີ້ມໜາວ ແລະມີຫິມະຕົກໜັກ ຕົ້ນ
ໄມ້ຍັງເຫລືອໄວ້ໃຫ້ເຫັນແຕ່ຮ່າງ ປາດສະຈາກໃບ ຍົກເວັ້ນແຕ່ຕົ້ນແປກ ແລະຕົ້ນໄມ້ສະ
ນິດທີ່ສູ້ທົນກັບຄວາມໜາວໄດ້ນັ້ນ ຊຶ່ງຍັງພາກັນຂຽວງາມໄວ້ໃຫ້ເຫັນຢູ່. ບັດນີ້ບັນຍາກາດ
ຂອງ ປະຊາຄົມອາເມຣິກັນ ແມ່ນເຕັມໄປດ້ວຍ ການຕົກແຕ່ງດ້ວຍແສງສີ ແລະເຄື່ອງເອ້
ຕ່າງໆຢູ່ຕາມບ້ານເຮືອນ ຖະໜົນຫົນທາງ ແລະຮ້ານຄ້າຕ່າງໆ ເພື່ອຕ້ອນຮັບການສະ
ຫລອງບຸນອື່ນໆທີ່ຈະຕິດຕາມມາໃນເທດສະການບຸນນີ້ ຄືບຸນ Christmas ໃນວັນທີ 25
ເດືອນທັນວາ ແລະໃນວັນທີ 31 ທັນວາ ຄືວັນສຸດທ້າຍຂອງປີ ກໍຈະແມ່ນມື້ສະຫລອງສົ່ງ
ທ້າຍປີເກົ່າ ແລະຕ້ອນຮັບປີໃໝ່ ຄ.ສ 2015.
ໃນວາລະໂອກາດສະຫລອງບຸນ ຂອບຄຸນພະເຈົ້ານີ້ ປະຊາກອນ ສະຫະລັດ ຫລາຍລ້ານ
ຄົນຈະພາກັນເດີນທາງໂດຍ ທາງລົດ ທາງເຮືອບິນ ລົດບັສ ແລະລົດໄຟ ໄປຢ້ຽມຢາມຖາມ
ຂ່າວ ຍາດຕິພີ່ນ້ອງ ຢູ່ທຸກຫົນແຫ່ງ. ນອກຈາກນັ້ນແລ້ວ ເຂົາເຈົ້າກໍຈະພາກັນຊື້ອາຫານ
ການກິນ ເຄື່ອງດື່ມເພື່ອຕ້ອນຣັບລ້ຽງສະຫລອງ ໃນວັນ ຂອບຄຸນພະເຈົ້າ ແລະໃນຕອນ
ເຊົ້າຂອງ ວັນພະຫັດມື້ນີ້ ທີ່ນະຄອນນິວຢອກ ແລະຢູ່ບາງຕາມຕົວເມືອງນ້ອຍຕ່າງໆ ກໍແມ່ນມີການເດີນສວນສະໜາມ ປະຈຳປີຢ່າງຄຶກຄື້ນຂະໜານໃຫຍ່.
ບັດນີ້ເຮົາຈະມາກ່າວເຖິງຄວາມ ເປັນມາຂອງ ການສະຫລອງບຸນ Thanksgiving ກັນຈັກ
ບາດ. ປະຊາຄົມ ອາເມຣິກັນ ໄດ້ສະຫລອງບຸນນີ້ມາເປັນເວລາຫຼາຍກວ່າ 200 ປີແລ້ວ.
ແຕ່ວ່າ ບຸນດັ່ງກ່າວນີ້ບໍ່ໄດ້ປະກາດສະຫລອງ ຢ່າງເປັນທາງການຈົນເຖິງປີ 1863 ຂອງລະ
ດູໃບໄມ້ຫລົ່ນ ໃນວັນພະຫັດ ອາທິດທີສີ່ ເດືອນພະຈິກ. ເວລານັ້ນ ປະເທດຊາດແມ່ນຕົກ
ຢູ່ພາຍໃຕ້ ການປົກຄອງຂອງ ປະທານາທິບໍດີ Abraham Lincoln ປະທານາທິບໍດີ ຄົນທີ
16 ຂອງ ສະຫະລັດ ອາເມຣິກາ.
ກຳເໜີດການສະຫລອງບຸນວັນຂອບຄຸນພະເຈົ້າ ໄດ້ເລີ້ມມີມາແຕ່ປີ 1621. ເວລານັ້ນໄດ້ມີ
ນັກສະແຫວງບຸນຊາວອັງກິດ 102 ຄົນ ຊຶ່ງເປັນກຸ່ມທຳອິດ ທີ່ພາກັນເດີນທາງມາເຖິງແຜ່ນ
ດິນໃໝ່ ເພື່ອສະແຫວງຫາສິດທິ ໃນການນັບຖືບູຊາ. ເຂົາເຈົ້າພາກັນເດີນທາງໂດຍທາງ
ເຮືອ ທີ່ມີຊຶ່ວ່າ Mayflower ໃຊ້ເວລາຢູ່ 66 ມື້ຈຶ່ງໄດ້ຕົກມາເຖິງແຜ່ນດິນໃໝ່ ຊຶ່ງເຂດນັ້ນ
ເອີ້ນກັນໃນປັດຈຸບັນນີ້ວ່າ New England.
ຊາວອັງກິດເຫລົ່ານີ້ ໄດ້ມາຕັ້ງບ້ານໃໝ່ທີ່ຮູ້ກັນວ່າ Plymouth ຢູ່ໃນລັດ Massachu-
setts ທາງພາກຕາເວັນອອກສຽງເໜືອຂອງ ສະຫະລັດ ອາເມຣິກາ ນີ້ເອງ. ຈາກການລ່ອງ
ເຮືອ ຂ້າມມະຫາສະມຸດ ອັນກວ້າງໃຫຍ່ ເວລາເຂົາເຈົ້າເດີນທາງມານັ້ນ ເຂົາເຈົ້າໄດ້ປະ
ສົບກັບຄວາມອິດເໝື່ອຍ ອ່ອນເພຍ ໂຫຍຫີວ ແລະປະເຊີນກັບອາກາດໜາວ. ຈຳນວນນຶ່ງ
ໄດ້ເກີດເຈັບປ່ວຍຍ້ອນຂາດອາຫານ ເປັນພະຍາດ ແລະໄດ້ລົ້ມຫາຍຕາຍໄປເກືອບ
ເຄິ່ງນຶ່ງ.
ຊາວອິນເດຍແດງ ທີ່ເປັນຊົນເຜົ່າທ້ອງຖິ່ນ ໄດ້ເຫັນຄວາມຍາກລຳບາກ ຂອງຊາວອັງກິດ
ເຫລົ່ານີ້ ທີ່ບໍ່ລື້ງເຄີຍກັບສິ່ງແວດລ້ອມໃໝ່ ຈຶ່ງໄດ້ພາກັນຊ່ວຍສິດສອນນຳພາ ຊາວອັງກິດ
ເຫຼົ່ານັ້ນ ໃຫ້ຮູ້ຈັກປູກໝາກສາລີ ຫາປາຢູ່ຕາມແມ່ນຳ້ລຳເຊ ໂຮ່ເນື້ອ ໂດຍສະເພາະຢ່າງ
ຍິ່ງ ແມ່ນການຈັບໄກ່ງວງປ່າ ມາເປັນອາຫານ ແລະຫລີກລ້ຽງພືດຕ່າງໆທີ່ເປັນພິດ.
ເມື່ອໄດ້ພົ້ນຈາກຄວາມໂຫຍຫີວ ໃນປີຕໍ່ມາ ຊາວອັງກິດ ຈຶ່ງໄດ້ພາກັນສະແດງຄວາມຮູ້ບຸນ
ຄຸນ ຕໍ່ຊາວອິນເດຍແດງດ່ັງກ່າວ ໂດຍເຊື້ອເຊີນ ເຂົາເຈົ້າມາຮ່ວມຮັບປະທານອາຫານຈາກ
ຜົນປູກທີ່ ຊາວອິນເດຍແດງ ໄດ້ສິດສອນໃຫ້ເຂົາເຈົ້າ ໄດ້ພົ້ນຈາກຄວາມອຶດຢາກ ແລະລົ້ມ
ຫາຍຕາຍໄປນັ້ນ.
ດ້ວຍເຫດນີ້ເອງ ວັນພະຫັດ ອາທິດທີສີ່ ເດືອນພະຈິກ ທຸກໆປີ ຈຶ່ງໄດ້ກາຍມາເປັນບຸນ
Thanksgiving ຫລືວັນຂອບຄຸນພະເຈົ້າ ພ້ອມດ້ວຍຊາວອິນເດຍແດງນຳ. ເພາະສະນັ້ນ
ມື້ນີ້ອັນເປັນວັນພັກລັດຖະການທົ່ວປະເທດ ຮ້ານຄ້າຕ່າງໆຈຶ່ງພາກັນປິດ ຖະໜົນຫົນທາງ
ງຽບສະຫງັດ ຢູ່ຕາມບ້ານເຮືອນຕ່າງໆ ບໍ່ວ່າຄົນຈະມີພື້ນຖານ ສາສະໜາ ແລະຮີດຄອງ
ປະເພນີ ທີ່ມາຈາກໃສກໍຕາມ ບັນດາສະມາຊິກຄອບຄົວ ພ້ອມດ້ວຍ ຍາດຕິພີ່ນ້ອງໝູ່່
ເພື່ອນທີ່ຢູ່ໃກ້ ແລະໄກ ຈຶ່ງໄດ້ພາກັນເດີນທາງມາເຕົ້າໂຮມ ພົບພໍ້ ຮັບປະທານອາຫານ
ແລະ ຖາມຂ່າວຄາວກັນຢ່າງຄຶກຄື້ນ. ເພາະສະນັ້ນ ຜູ້ເປັນເຈົ້າພາບຮັບຕ້ອນ ຈຶ່ງຕ້ອງໄດ້
ຫ້າງຫາກະກຽມ ຕົກແຕ່ງອາຫານການກິນຢ່າງສຸດຝີມື ເພື່ອໃຫ້ບັນດາແຂກໄດ້ຮັບປະ
ທານຢ່າງແຊບຊ້ອຍ.
ໃນຄຳ່ຄືນ ຂອງວັນຂອບໃຈພະເຈົ້ານີ້ ວີໂອເອ ໄດ້ຖືໂອກາດສຳພາດ ພີ່ນ້ອງຊາວລາວ-ອາ
ເມຣິກັນ ຍານາງຄຳຮູ້ ເຄນມີ ຢູ່ລັດ ໂຣດໄອແລນ ທາງພາກຕາເວັນອອກຂອງ ສະຫະລັດ
ຊຶ່ງ ຍານາງ ໄດ້ເວົ້າລົມກັບ ວີໂອເອ ວ່າ :
ຄອບຄົວ ເຄນມີ ກຳລັງສະຫລອງບຸນຂອບຄຸນພະເຈົ້າ
Your browser doesn’t support HTML5
ຟັງການສຳພາດ ຍ່ານາງຄຳຮູ້ ເຄັນມີ ທີ່ລັດ Connecticut
ນອກຈາກນີ້ແລ້ວ ວີໂອເອ ຍັງໄດ້ມີໂອກາດ ສົນທະນາຖາມຂ່າວ ທ່ານບຸນສົງ ທອງມະຫາ
ວົງ ຢູ່ເມຶຶອງ Antiorch ລັດ California ຕັ້ງຢູ່ຟາກຕາເວັນຕົກສຸດ ຂອງສະຫະລັດ. ທ່ານ
ບຸນສົງ ໄດ້ເລົ່າຄວາມຕື່ນເຕັ້ນກ່ຽວກັບ ການມາເຕົ້າໂຮມຂອງພວກລູກຫລານໃນມື້ນີ້ວ່າ
ອົບໄກ່ງວງ ແມ່ນອາຫານປະເພນີ ວັນຂອບຄຸນພະເຈົ້າ
Your browser doesn’t support HTML5
ຟັງການສຳພາດ ທ່ານບຸນສົງ ທອງມະຫາວົງ ທີ່ລັດ California
ອ້າງ ອິງຕາມສະຖິຕິຂອງ ກະຊວງກະເສດ ສະຫະລັດ ແມ່ນວ່າ ການສະຫລອງບຸນ
Thanksgiving ແຕ່ລະປີ ປະຊາກອນ ສະຫະລັດ ຈະພາກັນບໍລິໂພກ ໄກ່ງວງ ເຖິງ 40
ລ້ານໂຕ. ໃນວາລະໂອກາດດຽວກັນນີ້ ບັນດາປະຊາກອນລາວ-ອາເມຣິກັນ ກໍແມ່ນຊົນ
ຊາດນຶ່ງທີ່ພາກັນ ຖືເອົາບັນຍາກາດນີ້ ສະແດງຄວາມຂອບໃຈຕໍ່ ປະເທດສະຫະລັດ ອາເມ
ຣິກາ ທີ່ໄດ້ໃຫ້ຄວາມອຸປະກາຣະ ຫລັງຈາກເຂົາເຈົ້າໄດ້ຜ່ານຜ່າ ປະສົບກັບຄວາມຍາກລໍາ
ບາກຫລາຍໆຢ່າງ ໃນການເຂົ້າມາຕັ້ງຊີວິດ ຢູ່ແຜ່ນດິນໃໝ່ແຫ່ງນີ້ ໃນຕອນທ້າຍສັດຕະ
ວັດ ທີ 20 ອັນໄດ້ນຳມາສູ່ຜົນສຳເລັດແລະ ໄດ້ກາຍມາເປັນປະຊາກອນຂອງປະເທດນີ້.
ກະລຸນາຕິດຕາມເບິ່ງ ຮູບພາບລາຍລະອຽດກ່ຽວກັບ ພິທີສະຫລອງບຸນຂອບຄຸນພະເຈົ້າ
ໄດ້ ທີ່ ໜ້າເວັບໄຊ www.lao.voanews.com ພາຍໃຕ້ “ຊີວິດຊາວລາວ”