ອົງການ “ພັນທະມິດເພື່ອປະຊາທິປະໄຕໃນລາວ” ຫລື “Alliance for Democracy
in Laos” ມີຊື່ຫຍໍ້ວ່າ ພປລ ແມ່ນກຸ່ມຈັດຕັ້ງຂອງ ປະຊາຄົມລາວຢູ່ນອກປະເທດທີ່ຕັ້ງ
ຂື້ນມາໃນເດືອນພຶດສະພາ 2009 ທີ່ກຸງບຣັສເຊິລສ໌ ປະເທດແບລຢ້ຽມ ແລະມີຮອງ
ປະທານເປັນຜູ້ຕາງໜ້າຢູ່ເຈັດປະເທດ ກໍຄື ເຢຍລະມັນ ແບລຢ້ຽມ ຝຣັ່ງ ອັງກິດ
ອອສເຕຣເລຍ ອາເມຣິກາ ແລະລາວ.
ຄະນະເຈົ້າໜ້າທີ່ ນພລ ທີ່ໄປຮ່ວມກອງປະຊຸມ ກ່ຽວກັບການຈໍາແນກເຊື້ອຊາດຢູ່ລາວ ຂອງສະພາ ສິດທິມະນຸດ ຂອງອົງການສະຫະປະຊາຊາດ ທີ່ນະຄອນເຈນີວາ ເມື່ອເດືອນກຸມພາ 2012.
ອົງການ ພັນທະມິດເພື່ອປະຊາທິປະໄຕ
ໃນລາວ ແມ່ນການຈັດຕັ້ງຂອງເອກະຊົນ
ທີ່ບໍ່ຂື້ນກັບລັດຖະບານໃດໆ ຖືກຕ້ອງ
ຕາມກົດໝາຍສາກົນ ແລະໄດ້ຮັບທືນມາ
ຈາກບັນດາສະມາຊິກສະມາຄົມຕ່າງໆ
ແລະອົງການສາກົນຕ່າງໆ. ປັດຈຸບັນນີ້
ອົງການ ພປລ ມີຫ້ອງການຕັ້ງຢູ່ເມືອງ
Hegen ປະເທດເຢຍລະມັນ. ເປົ້າໝາຍ
ຫລັກກໍຄື ປະສານງານ ຊຸກຍູ້ການເຄື່ອນ
ໄຫວດ້ານການເມືອງຢູ່ທົ່ວໂລກ ເປັນ
ປາກກະບອກສຽງໃຫ້ແກ່ປະຊາຄົມລາວ
ທັງຢູ່ໃນແລະນອກປະເທດແບບສັນຕິວິ
ຊຸກຍູ້ດ້ານສິດທິມະນຸດ ເຄື່ອນໄຫວໃຫ້
ມີການປ່ຽນແປງນະໂຍບາຍການປົກຄອງ
ໃຫ້ມີສິດເສລີ ແລະປະຊາທິປະໄຕຢູ່ໃນ
ລາວ. ນອກຈາກນັ້ນ ກໍຍັງຕິດຕາມເບິ່ງ
ນໍາສະພາບການເປັນຢູ່ຂອງປະຊາກອນ
ລາວ ຕໍ່ຕ້ານການຄ້າມະນຸດ ການສໍ້ລາດ
ບັງຫລວງ ແລະອີກຫລາຍໆດ້ານໃນການດໍາລົງຊີວິດຂອງປະຊາກອນລາວ ເພື່ອຄວາມ
ສະຫງົບ ແລະຄວາມຢູ່ເຢັນເປັນສຸກ.
ທ່ານນາງ ດຣ. ບຸນທອນ ຈັນທະລາວົງ-ວີເຊີ ທີ່ກອງປະຊຸມຂອງສະພາສິດທິມະນຸດ ທີ່ເຈນີວາ, ເດືອນກຸມພາ 2012.
ທ່ານນາງ ດຣ. ບຸນທອນ ຈັນທະລາວົງ-
ວີເຊີ ປະທານອົງການ ພປລ ເປັນອະດີດ
ນັກສຶກສາລາວ ທີ່ປະເທດເຊັກໂກສະໂລ
ວາກີ ຫລືສາທາລະນະລັດເຊັກໃນເວລານີ້.
ໃນປີ 1990 ນັກສຶກສາລາວຈໍານວນ 120
ຄົນໄດ້ພາກັນທໍາການປະທ້ວງ ຢູ່ຕໍ່ໜ້າສະ
ຖານທູດລາວ ທີ່ກຸງພຣາກ ເພື່ອສະແດງ
ຄວາມບໍ່ພໍໃຈກັບລະບອບການປົກຄອງ
ຂອງລັດຖະບານ ສປປ ລາວ. ຫລັງຈາກ
ນັ້ນນັກສຶກສາລາວເຫລົ່ານີ້ ໄດ້ພາກັນຂໍລີ້
ໄພຢູ່ປະເທດເຢຍລະມັນຕາເວັນອອກ
ສວິສເຊີແລນດ໌ ການາດາ ຝຣັ່ງ ແລະຈໍາ
ນວນນ້ອຍໆ ໄດ້ກັບຄືນເມືອງລາວ.
ທ່ານນາງ ດຣ. ບຸນທອນ ທີ່ໄດ້ຮັບປະລິນຍາຝ່າຍການແພດທົ່ວໄປ ໄດ້ກາຍມາເປັນນັກ
ເຄື່ອນໄຫວທາງການເມືອງ. ທ່ານນາງໄດ້ໃຫ້ສໍາພາດກັບວີໂອເອ ກ່ຽວກັບບົດບາດຜົນ
ງານທີ່ທ່ານນາງພ້ອມດ້ວຍຄະນະໄດ້ເຂົ້າຮ່ວມກອງປະຊຸມ ກ່ຽວກັບການຈໍາແນກເຊື້ອຊາດ
ຢູ່ໃນລາວ ຂອງອົງການສະຫະປະຊາຊາດ ທີ່ນະຄອນເຈນີວາ ເມື່ອເດືອນກຸມພາທີ່ຜ່ານມາ
ນີ້ ຊຶ່ງນັບວ່າເປັນຄັ້ງທໍາອິດທີ່ການຈັດຕັ້ງຂອງປະຊາຄົມລາວ ຢູ່ນອກປະເທດ ໄດ້ຖືກເຊີນ
ເຂົ້າຮ່ວມປະຊຸມ ເພື່ອລາຍງານໃຫ້ອົງການສະຫະປະຊາຊາດໄດ້ຊາບ ຊຶ່ງທ່ານນາງ
ດຣ. ບຸນທອນ ເຫລົ່າສູ່ຟັງດັ່ງນີ້:
ນອກຈາກໄດ້ນໍາສະເໜີຄໍາຮ້ອງຮຽນກ່ຽວກັບເລື່ອງການຈໍາແນກເຊື້ອຊາດເຜົ່າພັນແລະ
ບັນຫາອື່ນໆທີ່ພົວພັນກັບຊົນເຜົ່ານ້ອຍ ຢູ່ໃນລາວນັ້ນແລ້ວ ທ່ານນາງ ດຣ. ບຸນທອນ
ຍັງໄດ້ສະເໜີວິທີການແກ້ໄຂບັນຫາເຫລົ່ານັ້ນ ຕໍ່ຄະນະກໍາມະການລົບລ້າງການຈໍາແນກ
ເຊື້ອຊາດ ຂອງຫ້ອງການຂ້າຫລວງໃຫຍ່ຝ່າຍອົບພະຍົບຂອງອົງການສະຫະປະຊາຊາດ
ນໍາດ້ວຍ ຊຶ່ງທ່ານນາງອະທິບາຍວ່າ:
ຄະນະຜູ້ແທນລາວ ທີ່ເຂົ້າຮ່ວມກອງປະຊຸມຈໍາແນກເຊື້ອຊາດຢູ່ລາວ ຂອງສະພາສິດທິມະນຸດຂອງສະຫະປະຊາຊາດ ທີ່ເຈນີວາ ເດືອນກຸມພາ 2012.
ພ້ອມດຽວກັນນີ້ ດຣ. ບຸນທອນ
ຍັງໄດ້ຍອມຮັບວ່າ ກຸ່ມຜູ້ຕາງໜ້າ
ຂອງ ອົງການພັນທະມິດເພື່ອປະ
ຊາທິປະໄຕຢູ່ໃນລາວ ຂອງທ່ານ
ນາງ ຢູ່ໃນ ສປປລາວ ນັ້ນກໍກໍາ
ລັງພະຍາຍາມຫາທາງຊຸກຍູ້ໃຫ້ມີ
ການບັນລຸເປົ້າໝາຍຫລັກຂອງ
ອົງການ ພປລ ກໍຄື ໃຫ້ມີປະຊາ
ທິປະໄຕ ເສລີພາບ ແລະການ
ນັບຖືສິດທິມະນຸດໃນລາວນັ້ນ
ໂດຍການຫາທາງປຸກລະດົມແບບ
ສັນຕິ ເພື່ອໃຫ້ມີການປະຕິວັດ
ດອກຈໍາປາ ຂຶ້ນມາ ໃນທໍານອງ
ດຽວກັນການ ປະຕິວັດດອກຊ້ອນ
ຫລື Jasmine Revolution ໃນປະເທດຈີນ ການປະຕິວັດລະດູບານໄໝ່ ຫລື Arab
Spring ຂອງຊາວອາຣັບໃນພາກຕາເວັນອອກກາງນັ້ນ. ດຣ. ບຸນທອນ ອະທິບາຍ
ໂດຍສັງເຂບວ່າ:
ແລະນັ້ນກໍຄື ທ່ານນາງ ດຣ. ບຸນທອນ ຈັນທະລາວົງ-ວີເຊີ ປະທານ ອົງການ ພັນທະມິດ
ເພື່ອປະຊາທິປະໄຕຢູ່ໃນລາວ ທີ່ໃຫ້ສໍາພາດແກ່ ວີໂອເອ ກ່ຽວກັບການເຄື່ອນໄຫວຕ່າງໆ
ຂອງອົງການ ພປລ. ທ່ານທີ່ສົນໃຈຢາກຊາບລາຍລະອຽດເພີ້ມເຕີມກ່ຽວກັບການຈັດຕັ້ງ
ຂອງອົງການ ພປລ ນີ້ ທ່ານສາມາດເຂົ້າໄປເບິ່ງຢູ່ໃນເວັບໄຊ້ທ໌ ໄດ້ທີ່ www.laoalliance.org.