ກຸ່ມຫົວຮຸນແຮງອາລຈີເຣຍກຸ່ມນຶ່ງ ທີ່ເປັນເຄືອຂ່າຍກັບກຸ່ມລັດ
ອິສລາມ ໄດ້ຕັດຫົວນັກເດີນປ່າຝຣັ່ງຄົນນຶ່ງທີ່ຖືກລັກຈັບໂຕໄປ
ໃນຕົ້ນສັບປະດານີ້.
ພາບວີດີໂອທີ່ນຳອອກເຜີຍແຜ່ທາງອິນເຕີແນັດສະແດງໃຫ້ເຫັນ
ກຸ່ມ ທີ່ເອີ້ນຕົນເອງວ່າ “ພວກທະຫານລັດອິສລາມ” ຍໍຫົວຂອງ
ນາຍ Herve Gourdel ໄວ 55 ປີ ທີ່ຖືກລັກຈັບໂຕໄປໃນວັນອາ
ທິດຜ່ານມານີ້ ໃນຂະນະທີ່ຜູ້ກ່ຽວຍ່າງໄປຕາມປ່າ ກັບເພື່ອນຝູງ
ໃນເຂດພູເຂົາແຫ່ງນຶ່ງໃນອາລຈີເຣຍ.
ປະທານາທິບໍດີຝຣັ່ງ ທ່ານ Francois Hollande ປະນາມການ
ຄາດຕະກຳນີ້ວ່າ “ໂຫດຫ້ຽມແລະຂີ້ຂາດ.”
ໃນຕົ້ນສັບປະດານີ້ ກຸ່ມດັ່ງກ່າວໄດ້ຂົ່ມຂູ່ທີ່ຈະສັງຫານນາຍ Gourdel ຍ້ອນຝຣັ່ງເຂົ້າ
ຮ່ວມໃນການຖິ້ມລະເບີດໃສ່ພວກນັກຕໍ່ສູ້ລັດອິສລາມໃນອີຣັກນັ້ນ.
ໃນການກ່າວປາໄສ ຕໍ່ກອງປະຊຸມສະມັດຊາໃຫຍ່ສະຫະປະຊາຊາດ ທ່ານ Hollande
ໃຫ້ຄຳໝັ້ນສັນຍາວ່າ ຝຣັ່ງຈະສືບຕໍ່ສູ້ລົບກັບພວກລັດອິສລາມຕໍ່ໄປໃນອີຣັກ ເຖິງແມ່ນໄດ້ຮັບຂ່າວການຕາຍຂອງນັກເດີນປ່າຄົນນີ້ກໍຕາມ ຊຶ່ງທ່ານກ່າວວ່າ “ຝຣັ່ງບໍ່ເຄີຍຍິນຍອມ
ຕໍ່ການຂູ່ເຂັນ ຕໍ່ການກົດດັນ ຕໍ່ພຶດຕິກຳແບປ່າເຖື່ອນໃດໆ. ໃນທາງກົງກັນຂ້າມນັ້ນ ຝຣັ່ງຮູ້ຈັກດີວ່າຕົນຄາດຫຍັງໄວ້ ຝຣັ່ງຮູ້ຈັກຄຸນຄ່າຂອງຕົນດີ ຝຣັ່ງຮູ້ ຈັກວ່າ ຕົນມີບົດບາດທີ່ຈະຕ້ອງໄດ້ເຮັດ ແລະຕົນຈະບໍ່ຍິນຍອມຈັກເທື່ອ.”
ພວກຫົວຮຸນແຮງລັດອິສລາມໄດ້ຕັດຫົວຄົນອະເມຣິກັນ 2 ຄົນ ແລະຄົນອັງກິດຄົນນຶ່ງມາແລ້ວ ໃນທຳນອງດຽວກັນນີ້ ຕັ້ງແຕ່ຕົ້ນເດືອນສິງຫາ.
ຝຣັ່ງ ໂຈມຕີ ກຸ່ມລັດອິສລາມ ຮອບໃໝ່