ພວກທີມຊ່ອຍກູ້ໄພນາໆຊາດ ແລະອົງການຊ່ອຍເຫຼືອບັນເທົາ
ທຸກ ເລີ້ມໄປຮອດນະຄອນຫຼວງກັດມັນດູ ຂອງເນປາລແລ້ວ 2 ມື້
ຫຼັງຈາກໄພແຜ່ນດິນໄຫວຄັ້ງຮ້າຍແຮງສັ່ນສະເທືອນປະເທດ ຊຶ່ງ
ໄດ້ສັງຫານປະຊາຊົນໄປຫຼາຍກວ່າ 3700 ຄົນ ແລະໄດ້ຮັບບາດ
ເຈັບຕື່ມອີກ ຫຼາຍພັນຄົນ.
ນາຍ Steve Herman ຜູ້ສື່ຂ່າວວີໂອເອ ໄດ້ເດີນທາງໄປຍັງນະ
ຄອນຫຼວງກັດມັນດູ ນຳຖ້ຽວບິນທີ່ບັນທຸກທີມງານຊອກຄົ້ນແລະກູ້
ໄພແຫ່ງຊາດຂອງຍີ່ປຸ່ນ 70 ຄົນ. ແຕ່ວ່າ ຍ້ອນ “ຄວາມອັດແອ”
ທີ່ເກີດຈາກ ການທີ່ມີເຮືອບິນທະຫານຈຳນວນຫຼວງຫຼາຍ ພະຍາ
ຍາມຈະລົງຈອດທີ່ສະໜາມບິນ ເຮືອບິນຂອງລາວຈຶ່ງບໍ່ສາມາດ
ລົງຈອດໄດ້ ແລະໄດ້ປ່ຽນທິດທາງບິນໄປລົງທີ່ເມືອງ Kolkata ເພື່ອເຕີມນ້ຳມັນ.
ພາບກ່ຽວກັບແຜ່ນດິນໄຫວ ຢູ່ເນປາລ ວັນທີ 27 ເມສາ
ນາຍ Herman ກ່າວວ່າ ຖ້ຽວບິນຂອງລາວໄດ້ຮັບຄຳເຕືອນລ່ວງໜ້າໃຫ້ຄາດໝາຍໄວ້ເລິີຍວ່າ ຈະປະເຊີນກັບ”ສະຖານະການທີ່ສັບສົນວຸ້ນວາຍ” ທີ່ສະໜາມບິນນັ້ນ ດ້ວຍຫໍຄວບຄຸມການບິນ ໄດ້ມີການອົບພະຍົບພະນັກງານອອກໄປ ໃນລະຫວ່າງເກີດແຜ່ນດິນ
ໄຫວຄັ້ງຕໍ່ໆມາ ແລະຜູ້ຄົນຈຳນວນຫຼວງຫຼາຍ ທີ່ພະຍາຍາມຈະອອກຈາກປະເທດ ໄດ້ພາກັນໄປລໍຖ້າຢູ່ທາງແລ່ນຂຶ້ນລົງຂອງເຮືອບິນ.
Your browser doesn’t support HTML5
Nepal Earthquake
ພວກທີມຊ່ອຍກູ້ໄພຫາຍຍະນະຈາກປະເທດຕ່າງງໆ ຮວມທັງສະຫະລັດນຳ ໄດ້ຖືກສົ່ງໄປຍັງຂົງເຂດ ເພື່ອພະຍາຍາມຊ່ອຍທຳການຊອກຄົ້ນ ຊ່ອຍກູ້ຊີວິດ ແລະຟື້ນໂຕຄືນ.
ສະຫະລັດໄດ້ຮັບປາກໃຫ້ເງິນ ຊ່ອຍເຫຼືອ 1 ລ້ານດອນລາໃນທັນທີແລະ ໄດ້ສັ່ງໃຫ້ທີມຊ່ອຍກູ້ໄພແຜ່ນດິນໄຫວຊັ້ນຢ້ຽມ ຈາກລັດ Virginia ເດີນທາງໄປຊ່ວຍເຫຼືອໂດຍໄວ. ໜ່ວຍກູ້ໄພທີ່ມີສະມາຊິກ 56 ຄົນໄດ້ອອກເດີນທາງໄປແລ້ວ ໃນວັນອາທິດວານນີ້ ພ້ອມກັບພວກເຈົ້າໜ້າທີ່ອົງການຊ່ອຍເຫຼືອສະຫະລັດ.
Your browser doesn’t support HTML5
Nepal Quake 2
ຈີນ ເຢຍຣະມັນ ການາດາ ແລະອິສຣາແອລ ແມ່ນຮວມຢູ່ໃນບັນດາປະເທດ ທີ່ສົ່ງພວກພະນັກງານຊ່ອຍກູ້ໄພ ໄປຍັງຂົງເຂດ.
ແຜ່ນດິນໄຫວໃນວັນເສົາມື້ກ່ອນນີ້ ແມ່ນເປັນ ຄັ້ງຮ້າຍແຮງທີ່ສຸດໃນຮອບ 81 ປີຜ່ານມາທີ່ເນປາລ. ແຜ່ນດິນໄຫວທີ່ຮ້າຍແຮງກວ່ານີ້ ເກີດຂຶ້ນໃນປີ 1934 ທີ່ໄດ້ສັງຫານປະຊາຊົນໄປຫລາຍກວ່າ 10 ພັນຄົນ.
Your browser doesn’t support HTML5
Nepal Quake