ມີແຜ່ນດິນໄຫວຂະໜາດນ້ອຍ ຕິດຕາມມາຕື່ມອີກຢູ່ເນປານ
ຂະນະທີ່ພວກພະນັກງານຊ່ອຍເຫລືອສືບຕໍ່ພະຍາຍາມແຈກ
ຢາຍເຄື່ອງບັນເທົາທຸກໃຫ້ປະຊາຊົນ ຫຼັງຈາກເກີດແຜ່ນດິນ
ໄຫວທີ່ມີຄວາມແຮງ 7.3 ຣິກເຕີທີ່ໄດ້ປະທະເປັນເວລາຫຼາຍ
ສັບປະດາ ຫຼັງຈາກແຜ່ນດິນໄຫວຄັ້ງທຳອິດທີ່ໄດ້ເຮັດໃຫ້ປະ
ຊາຊົນເສຍຊີວິດໄປຫຼາຍກວ່າ 8 ພັນຄົນນັ້ນ.
ກະຊວງພາຍໃນຂອງເນປານ ກ່າວວ່າ ປະຊາຊົນ 65 ຄົນໄດ້ຮັບການຢືນຢັນວ່າເສຍຊີວິດຈາກແຜ່ນດິນໄຫວໃນວັນອັງຄານວານນີ້ ແລະອີກເກືອບ 2 ພັນຄົນໄດ້ຮັບບາດເຈັບ. ໂຕເລກເຫຼົ່ານີ້ ຄາດວ່າຈະເພີ້ມຂຶ້ນອີກເວລາພວກເຈົ້າໜ້າທີ່ເຂົ້າໄປຮອດພວກເຂດສອກຫຼີກຫ່າງໄກຕື່ມອີກນັ້ນ.
ຫຼາຍສິບຄົນ ເສຍຊີວິດ ໃນແຜ່ນດິນໄຫວ ມື້ນີ້ ທີ່ເນປານ
ປະຊາຊົນຈຳນວນຫຼວງຫຼາຍ ພາກັນນອນຂ້າມຄືນໃນທີ່ກາງແຈ້ງ ທຳ ນອງດຽວກັນກັບພວກເຂົາເຈົ້າໄດ້ເຮັດມາຫຼັງຈາກແຜ່ນດິນໄຫວໃນວັນທີ 25 ເມສາຜ່ານມານີ້ ດ້ວຍຄວາມຢ້ານກົວວ່າ ແຜ່ນດິນໄຫວທີ່ຕິດ ຕາມມາ ຫຼື aftershocks ສາມາດເຮັດໃຫ້ພວກຕຶກອາ
ຄານພັງລົງໄດ້ຕື່ມອີກ.
ອົງການສຳຫຼວດທໍລະນີວິທະຍາຂອງສະຫະລັດ ໄດ້ແຈ້ງໃຫ້ຊາບວ່າ ມີແຜ່ນດິນໄຫວຂະ
ໜາດບໍ່ແຮງເກີດຂຶ້ນອີກ 20 ຄັ້ງນັບແຕ່ວັນອັງຄານວານນີ້ເປັນຕົ້ນມາ.
ການສັ່ນສະເທືອນຂອງແຜ່ນດິນ ໄດ້ມີຄວາມຮູ້ສຶກໄປຮອດອິນເດຍ ບ່ອນທີ່ປະຊາຊົນຢ່າງໜ້ອຍ 4 ຄົນເສຍຊີວິດ ແລະທີ່ທີເບດນັ້ນ ມີລາຍງານປະຊາຊົນຄົນນຶ່ງໄດ້ເສຍຊີວິດ.
ລັດຖະບານແລະພວກອົງການຊ່ອຍເຫຼືອອື່ນໆໄດ້ດຳເນີນການມາເປັນເວລາຫຼາຍສັບປະ
ດາແລ້ວ ເພື່ອແຈກຢາຍເຂົ້າປາອາຫານ ນ້ຳດື່ມນ້ຳໃຊ້ ແລະໃຫ້ບ່ອນພັກພາອາໄສຊົ່ວ
ຄາວແກ່ພວກທີ່ໄດ້ຮັບເຄາະຮ້າຍຈາກໄພແຜ່ນດິນໄຫວ ໃນການປະຕິບັດງານຕໍ່ສູ້ຢ່າງຫຍຸ້ງຍາກໃນບໍ່ເທົ່າໃດມື້ທຳອິດ ຍ້ອນດິນຟ້າອາກາດບໍ່ດີ ແລະການທ້າທາຍໃນການໄປຮອດໄປເຖິງໃນບັນດາຂົງເຂດທີ່ບໍ່ຮາບພຽງ ແລະຫ່າງໄກ ໃນປະເທດເທິງພູເຂົາຫິມະໄລແຫ່ງນີ້.
Your browser doesn’t support HTML5
Nepal Eathquake