ອົງການເນໂຕ້ກ່າວວ່າ ຜູ້ຊາຍຄົນນຶ່ງທີ່ໃສ່ເຄື່ອງແບບທະຫານອັຟການິສຖານໄດ້ສັງຫານ
ທະຫານກຳລັງປະສົມ 2 ຄົນທີ່ປະຈຳການຢູ່ໃນພາກຕາເວັນອອກຂອງອັຟການິສຖານ.
ອົງການເນໂຕ້ ບໍ່ໄດ້ໃຫ້ລາຍລະອຽດຫຍັງຫຼາຍໄປກວ່ານີ້ກ່ຽວກັບເຫດຮ້າຍທີ່ເກີດຂຶ້ນໃນ
ວັນພະຫັດມື້ນີ້ ມີພຽງແຕ່ກ່າວວ່າ ບຸກຄົນດັ່ງກ່າວໄດ້ຫັນປາຍປືນຍິງໃສ່ທະຫານເນໂຕ້ 2
ຄົນແລະກໍໄດ້ສັງຫານພວກກ່ຽວ.
ບໍ່ໄດ້ມີການແຈ້ງໃຫ້ຊາບກ່ຽວກັບສັນຊາດຂອງພວກທະຫານທີ່ເສຍຊີວິດ.
ຂະນະດຽວກັນ ຢູ່ທີ່ພາກໃຕ້ອັຟການິສຖານ ລະເບີດຝັງດິນລູກນຶ່ງໄດ້ສັງຫານຕຳຫຼວດ
ອັຟການິສຖານ 10 ຄົນໃນວັນພະຫັດມື້ນີ້.
ເຈົ້າໜ້າທີ່ປະຈຳແຂວງກ່າວວ່າ ຕຳຫຼວດຈຸດັ່ງກ່າວ ຫາກໍອອກໄປຈາກສູນຝຶກແອບແລະ
ພວມກັບເມືອເຮືອນເວລາລົດເຂົາເຈົ້າໄດ້ຢຽບລະເບີດຝັງດິນລູກນຶ່ງ ທີ່ເມືອງ Nad Ali
ໃນແຂວງ Helmand.
ຕຳຫຼວດທີ່ຖືກເກນໃໝ່ແມ່ນຮວມຢູ່ໃນຈຳນວນພວກທີີ່ເສຍຊີວິດ. ມີນາຍຕຳຫຼວດຄົນນຶ່ງ
ໄດ້ຮັບບາດເຈັບໃນການໂຈມຕີຄັ້ງນີ້.