ຜູ້ບັນຊາການທະຫານສະຫະລັດຄົນນຶ່ງເຕືອນວ່າ “ອິດທິພົນທີ່ເປັນອັນຕະລາຍ” ຂອງປາກິສຖານ ຣັດເຊຍ ແລະອີຣ່ານ ທີ່ມີກຸ່ມກໍ່ກະບົດ ທາລິບານ ແລະຄວາມເປັນຫ່ວງ ກ່ຽວກັບສະຖຽນລະພາບທາງດ້ານການເມືອງໃນອະນາຄົດຂອງລັດຖະບານອັຟການິສຖານ ເປັນໄພຂົ່ມຂູ່ຕໍ່ຄວາມພະ ຍາຍາມສາກົນທີ່ແນໃສ່ເພື່ອສ້າງຄວາມ ທຸ່ນທ່ຽງຂອງປະເທດທີ່ປະ ສົບກັບໄພສົງຄາມດັ່ງກ່າວ.
ນາຍພົນ John Nicholson ຜູ້ບັນຊາການ ກຳລັງໃຫ້ການສະໜັບສະໜູນອັຟການິສຖານ ຂອງອົງການເນໂຕ້ ກ່າວວ່າ “ພວກເຮົາມີຄວາມເປັນຫ່ວງກ່ຽວກັບພວກກະບົດ ຫລືພວກກໍ່ການຮ້າຍ ທີ່ໄດ້ຮັບການສະໜັບສະໜູນຈາກພາຍນອກ ຢູ່ໃນອັຟການິສຖານ ໂດຍສະເພາະບ່ອນທີ່ເຂົາເຈົ້າໄດ້ຮັບບ່ອນຫລົບລີ້ ຫລືການສະໜັບສະໜູນຈາກລັດຖະບານພາຍນອກ.”
ທ່ານໄດ້ກ່າວຕໍ່ບັນດານັກຂ່າວທີ່ທຳນຽບຫ້າແຈໃນວັນສຸກວານນີ້ວ່າ ຕາໜ່າງກໍ່ການຮ້າຍ Haqqanis ທີ່ທຳການສູ້ລົບຄຽງບ່າຄຽງໄຫລ່ກັບກຸ່ມທາລິບານ ຍັງເປັນໄພຂົ່ມຂູ່ທີ່ຮ້າຍແຮງທີ່ສຸດ ຕໍ່ຊາວອາເມຣິກັນ ກຳລັງປະສົມ ແລະຄູ່ຮ່ວມ ງານອັຟການິສຖານ ຈາກບ່ອນ ຫຼົບລີ້ ໃນປະເທດປາກິສຖານທີ່ເປັນເພື່ອນບ້ານ.
ນາຍພົນ John Nicholson ຜູ້ບັນຊາການ ກຳລັງໃຫ້ການສະໜັບສະໜູນອັຟການິສຖານ ຂອງອົງການເນໂຕ້
ນາຍພົນ Nicholson ກ່າວວ່າ “ແລະພວກ Haqqanis ຍັງຈັບສັນຊາດອາເມ ຣິກັນຫ້າຄົນເປັນໂຕປະກັນປັດຈຸບັນນີ້. ຂ້າພະເຈົ້າຄິດວ່າ ນີ້ເປັນຄວາມຊົງຈຳທີ່ລະນຶກເຖິງ ໃນຂະນະທີ່ພວກເຮົາຄິດກ່ຽວກັບຕາໜ່າງ Haqqanis. ແລະເຂົາເຈົ້າຍັງສືບຕໍ່ພາໃຫ້ເຮົາມີຄວາມເປັນຫ່ວງທີ່ສຸດ ແລະເຂົາເຈົ້າໄດ້ຮັບບ່ອນຫລົບ ລີ້ຢູ່ໃນປາກິສຖານ.”
ບັນດາເຈົ້າໜ້າທີ່ປາກິສຖານ ເຖິງຢ່າງໃດກໍດີ ຢືນຢັດວ່າ ກຳລັງຮັກສາຄວາມປອດໄພຂອງເຂົາເຈົ້າໄດ້ທັບມ້າງການແລະທຳລາຍພື້ນຖານໂຄງລ່າງຂອງພວກກະບົດທາລິບານ ແລະບັນດາພັນທະມິດຂອງພວກເຂົາ ທີ່ໃຊ້ການໂຈມຕີຂ້າມ ຊາຍແດນ ແລະກຳລັງຂະຫຍາຍການປະຕິບັດງານເພື່ອຮັກສາຊາຍແດນອັຟການິສຖານທີ່ຍາວຢຽດນັ້ນ.
ອ່ານຂ່າວນີ້ເພີ້ມເປັນພາສາອັງກິດ
Your browser doesn’t support HTML5
Afghanistan US