ພວກເຈົ້າໜ້າທີ່ອັຟການິສຖານ ໄດ້ສະກັດກັ້ນການໂຈມຕີນະຄອນຫລວງຄາບູລ ລຸນຫລັງ
ທີ່ໄດ້ຕໍ້ສູ້ກັບພວກກະບົດໃນຕອນເຊົ້າມືດນີ້ ຊຶ່ງຝ່າຍກະບົດໄດ້ຖືກຂ້າຕາຍ ຢ່າງໜ້ອຍ
6 ຄົນ.
ພວກເຈົ້າໜ້າທີ່ເວົ້າວ່າ ກໍາລັງທະຫານອັຟການິສຖານ ໄດ້ບຸກເຂົ້າໄປກວດຄົ້ນຄຸ້ມທີ່ຢູ່ອາ
ໃສແຫ່ງນຶ່ງ ໃນພາກຕາເວັນອອກຂອງນະຄອນຫລວງຄາບູລ ໃນຕອນເຊົ້າມືດຂອງວັນ
ພະຫັດມື້ນີ້ ຊຶ່ງເປັນບ່ອນທີ່ພວກກະບົດໄດ້ໄປເຕົ້າໂຮມກັນ ເພື່ອກະກຽມຈະທໍາການໂຈມ
ຕີ. ມີການຍິງປືນໂຕ້ຕອບສູ້ລົບກັນ ຊຶ່ງໄດ້ແກ່ຍາວໄປຫລາຍຊົ່ວໂມງ ຈົນກວ່າພວກຫົວ
ຮຸນແຮງຖືກຂ້າຕາຍ.
ກໍາລັງທະຫານອັຟການິສຖານໄດ້ພົບພາຫະນະຄັນນຶ່ງ ເຕັມໄປດ້ວຍວັດຖຸລະເບີດ ຕະ ຫລອດທັງອາວຸດປະເພດອື່ນ ຢູ່ສະຖານທີ່ນັ້ນ.
ກຸ່ມຕານລີບັນເວົ້າວ່າ ບໍ່ໄດ້ມີການບຸກລຸກແບບນັ້ນທີ່ກ່ຽວຂ້ອງກັບພວກນັກລົບຂອງຕົນ.
ພ້ອມດຽວກັນ ໃນວັນພະຫັດມື້ນີ້ ກຸ່ມເນໂຕ້ເວົ້າວ່າ ສະມາຊິກກໍາລັງປະສົມຂອງຕົນສອງ
ຄົນ ເສຍຊີວິດ ຍ້ອນລະເບີດທີ່ຫ້າງໄວ້ແຄມທາງ ຢູ່ໃນພາກ ໃຕ້ຂອງອັຟການິສຖານ. ແຕ່ ເນໂຕ້ກໍບໍ່ໄດ້ເປີດເຜີຍໃຫ້ຮູ້ລາຍລະອຽດເພີ້ມ ເຕີມກ່ຽວກັບການໂຈມຕີດັ່ງກ່າວ ຫລືບອກຊື່ ຂອງທະຫານຜູ້ທີ່ເສຍຊີວິດໄປນັ້ນ.