ບັນດາເຈົ້າໜ້າທີ່ອັຟການິສຖານ ກ່າວວ່າ ຜູ້ວາງລະເບີດ
ສະລະຊີບຄົນໜຶ່ງ ໄດ້ບີບຂະນວນລະເບີດລົດຂອງຕົນ ເຮັດ
ໃຫ້ຕຳຫລວດຄົນໜຶ່ງເສຍຊີວິດ ແລະອີກ ຢ່າງນ້ອຍ ສອງຄົນ
ໄດ້ຮັບບາດເຈັບ ໃນເຂດນອກນະຄອນຫລວງກາບູລ.
ບັນດາເຈົ້າໜ້າທີ່ຮັກສາຄວາມປອດໄພອັຟການິສຖານ ກ່າວວ່າ
ພວກຕຳຫລວດທີ່ເຄາະຮ້າຍ ແມ່ນໄດ້ຕິດຕາມລົດບັນຈຸລະເບີດ
ຂອງຄົນຮ້າຍໄປ ເພື່ອສະກັດກັ້ນບໍ່ໃຫ້ຜູ້ກ່ຽວຂັບລົດເຂົ້າໄປໃນ
ນະຄອນຫລວງ ໃນວັນພະຫັດມື້ນີ້.
ໃນຫລາຍໆອາທິດຜ່ານມານີ້ ອັຟການິສຖານ ໄດ້ປະສົບກັບຄື້ນຟອງ ຂອງການວາງລະເບີດສະລະຊີບ ຄື 12 ຄັ້ງທີ່ນະຄອນຫລວງກາບູລ ໃນລະຍະເດືອນດຽວຜ່ານມາ ແລະ ການຈູ່
ໂຈມແບບກ້າຕາຍ ໂດຍພວກກະບົດຫົວຮຸນແຮງອິສລາມ ຜູ້ທີ່ພະຍາຍາມຢຶດຄອງເອົາດິນແດນຕື່ມຂຶ້ນ ແລະແຜ່ຜາຍຄວາມຮູ້ສຶກບໍ່ແນ່ນອນອອກໄປ ໃນຂະນະທີ່ກອງທະຫານ ນາໆຊາດ ສ່ວນໃຫຍ່ກຳລັງຈະຖອນອອກໄປ ໃນທ້າຍເດືອນນີ້ ຫຼັງຈາກ ໄດ້ປະຕິບັດການມາ 13
ປີແລ້ວ.
ໃນຕົ້ນອາທິດນີ້ ປະທານາທິບໍດີ ອັຟການິສຖານ ທ່ານ Ashraf Ghani ໄດ້ປະນາມການ
ເພີ້ມຂຶ້ນຂອງການໂຈມຕີທີ່ເຖິງຂັ້ນພາໃຫ້ມີການເສຍຊີວິດຫຼາຍບັ້ນ ຂອງພວກຕາລີບານ
ຊຶ່ງທ່ານເອີ້ນການໂຈມຕີ ຕໍ່ພົນລະເຮືອນ ແລະ ເປົ້າໝາຍທະຫານຕ່າງໆ ເຫລົ່ານັ້ນວ່າ
“ບໍ່ແມ່ນອິສລາມເລີຍ.”
ເບິ່ງສະໄລດ໌ກ່ຽວຂ້ອງ:
ພວກກະບົດ ໂຈມຕີ ທີ່ແຂວງ Helmand