ບັນດາເຈົ້າໜ້າທີ່ໃນປະເທດອັຟການິສຖານ ກ່າວວ່າ ກອງກຳລັງ
ຮັກສາຄວາມໝັ້ນຄົງແຫ່ງຊາດທີ່ໜູນຫຼັງໂດຍການໂຈມທີທາງອາ
ກາດຂອງສະຫະລັດ ໄດ້ເຂົ້າຍືດ ເອົາເມືອງສຳຄັນ ເມືອງໜຶ່ງ ຄືນ
ຈາກພວກຕາລີບານໃນແຂວງ Helmand ຢູ່ທາງພາກໃຕ້ຂອງປະ
ເທດ.
ຮອງເຈົ້າແຂວງ ທ່ານ Mohammad Jan Rasulyar ໄດ້ກ່າວຕໍ່
ວີໂອເອໃນວັນພະຫັດມື້ນີ້ວ່າ ມີພວກຮັກຮົບຕາລີບານຢ່າງໜ້ອຍ
45 ຄົນໄດ້ຖືກຂ້າຕາຍ ໃນຂະນະທີ່ອີກຫຼາຍຄົນ ໄດ້ຮັບບາດເຈັບ ໃນການໂຈມຕີທາງອາກາດກ່ອນທີ່ກອງກຳລັງອັຟການິສຖານຈະ
ບຸກເຂົ້າໄປໃນເມືອງ Sangin ຂອງແຂວງ Helmand.
ໂຄສົກກອງທັບສະຫະລັດ ພັນເອກ Michael Lawhorn ໄດ້ໃຫ້ການ ຢືນຢັນຕໍ່ວີໂອເອວ່າ ເຮືອບິນ ສະຫະລັດກໍໄດ້ເຂົ້າຮ່ວມໃນການຕໍ່ສູ້ນັ້ນ.
ທ່ານ Lawhorn ໄດ້ກ່່າວວ່າ “ກອງກຳລັງ ສະຫະລັດ ໄດ້ທຳການໂຈມຕີທາງອາກາດສອງ ຄັ້ງໃນເມືອງ Sangin, ແຂວງ Helmand ເມື່ອວັນທີ 23 ທັນວາວານນີ້, ໃນການຂົ່ມຂູ່ຕໍ່ ກອງກຳລັງ.”
ໃນວັນອັງຄານທີ່ຜ່ານມາ, ປະເທດອັງກິດໄດ້ສົ່ງທີ່ປຶກສາດ້ານທະຫານຈຸນ້ອຍໆຈຳນວນນຶ່ງ ໄປຍັງເຂດທີ່ມີການຂັດແຍ້ງ ເພື່ອຊ່ວຍເຫຼືອກອງກຳລັງອັຟການິສຖານ ໃນການເສີມກຳລັງ ແລະ ການສື່ສານທີ່ດີກ່ວາເກົ່າ ໃນການປະຕິບັດການຂອງພວກເຂົາເຈົ້າ ເພື່ອຂັບໄລ່ພວກ ຕາລີບານ ອອກຈາກເມືອງ Sangin ແລະ ອີກຫຼາຍໆເມືອງໃນແຂວງທີ່ມີຊື່ສຽງບໍ່ດີ ກ່ຽວກັບ ການປູກຝິ່ນ.
ໂຄສົກຂອງພວກຕາລີບານ ໄດ້ກ່າວໃນວັນພຸດວານນີ້ວ່າ ນັກຮົບຂອງຕົນ ໄດ້ເຂົ້າຄວບຄຸມ ເມືອງ Sangin ຢ່າງເຕັມທີ່ແລ້ວ ຫຼັງຈາກການຕໍ່ສູ້ກັນຫຼາຍມື້. ເປັນໄປໄດ້ຍາກທີ່ຈະໃຫ້ການ ຢືນຢັນຕໍ່ການກ່າວອ້າງຂອງພວກຕາລີບານຢ່າງເປັນອິດສະຫຼະ ກ່ຽວກັບການຕໍ່ສູ້ຄັ້ງຫຼ້າສຸດນີ້.
Your browser doesn’t support HTML5
Afghan Fighting