ກອງທັບສະຫະລັດກ່າວວ່າ ກຸ່ມຫົວຮຸນແຮງລັດອິສລາມ ບໍ່ໄດ້
ຍິງເຮືອບິນລົບໄອພົ່ນ F-16 ຂອງຈໍແດນ ທີ່ຕົກລົງໃນຊີເຣຍ
ໃນວັນພຸດວານນີ້.
ກອງບັນຊາການຂອງສະຫະລັດໃນເຂດພາກຕາເວັນອອກກາງ
ກ່າວຢູ່ໃນຖະແຫຼງການສະບັບນຶ່ງວ່າ ຫຼັກຖານຊີ້ໃຫ້ເຫັນຢ່າງ
ຈະແຈ້ງ ວ່າກຸ່ມລັດອິສລາມບໍ່ໄດ້ຍິງເຮືອບິນລຳນີ້ຕົກ ດັ່ງທີ່ພວກ
ຫົວຮຸນແຮງໄດ້ກ່າວອ້າງໄປນັ້ນ.
ນາຍພົນ Lloyd Austin ທີ່ເປັນຜູ້ກຳກັບດູແລການສູ້ລົບຂອງ
ກຳລັງຂອງແນວໂຮມພາຍໃຕ້ການນຳພາຂອງສະຫະລັດ ໃນ
ຊີເຣຍແລະໃນອີຣັກໄດ້ປະນາມຢ່າງເເຂງແຮງຕໍ່ພວກຫົວຮຸນແຮງ ທີ່ໄດ້ຈັບກຸມນັກບິນປະ ຈຳເຮືອບິນລົບລຳດັ່ງກ່າວ ແລະກ່າວຕື່ມວ່າ ຝ່າຍກຳລັງປະສົມຈະບໍ່ໂຍະຍານຕໍ່ຄວາມພະຍາຍາມຕ່າງໆຂອງພວກເຂົາ ເພື່ອສວຍໃຊ້ເຮືອບິນຕົກນີ້ ເພື່ອເປົ້າໝາຍຂອງພວກ
ເຂົາເອງ.
ມ. Raqqa ຂອງຊີເຣຍ
ເຮືອບິນລຳນີ້ ໄດ້ຕົກລົງໃກ້ໆກັບເມືອງ Raqqa ໃນພາກເໜືອ
ຂອງຊີເຣຍ ຊຶ່ງເປັນທີ່ໝັ້ນແຫ່ງສຳຄັນ ຂອງກຸ່ມລັດອິສລາມ ທີ່
ໄດ້ຍຶດເອົາຫຼາຍພາກສ່ວນຂອງຊີເຣຍແລະອິຣັກໄປໃນຕົ້ນປີນີ້.
ກອງທັບຈໍແດນ ກ່າວໃນວັນພຸດວານນີ້ວ່າ ຕົນແມ່ນຖືວ່າ ພວກ
ຫົວຮຸນແຮງ ເປັນຜູ້ຮັບຜິດຊອບສຳລັບຊີວິດ ແລະຄວາມປອດ
ໄພຂອງນັກບິນ ຄົນນີ້.
ນັກບິນຄົນດັ່ງກ່າວ ເປັນນັກບິນຄົນທຳອິດຂອງແນວໂຮມພາຍ
ໃຕ້ການນຳພາຂອງສະຫະລັດ ທີ່ໄດ້ຖືກຈັບ.
Your browser doesn’t support HTML5
islamicstate25december14