ປະຊາຊົນຫຼາຍໝື່ນຄົນໄດ້ພາກັນໂຮມຊຸມນຸມ ໃນນະຄອນ
ນີວຢອກ ນະຄອນຫຼວງວໍຊິງຕັນ ແລະໃນຫົວເມືອງອື່ນໆ ໃນ
ສະຫະລັດ ເມື່ອວັນເສົາວານນີ້ ເພື່ອປະທ້ວງຕໍ່ການສັງຫານ
ພວກຜູ້ຊາຍແລະເດັກໜຸ່ມຜີວ ດຳ ໂດຍຕຳຫຼວດ ແລະຮຽກ
ຮ້ອງໃຫ້ມີການປະຕິຮູບພາກສວ່ນການຈັດຕັ້ງປະຕິບັດກົດ
ໝາຍ.
ພວກຍາດຕິພີ່ນ້ອງຂອງທ້າວ Michael Brown, ນາຍ Eric
Garner, ທ້າວ Tamir Rice ແລະທ້າວ Trayvon Martin
ຊຶ່ງທັງ 4 ຄົນເສຍຊີວິດໃນເຫດການຕ່າງໆທີ່ເກີດຂຶ້ນ ໃນຫວ່າງ
2 ປີຜ່ານມານັ້ນ ໄດ້ເຂົ້າຮ່ວມໃນການຍ່າງປະທ້ວງຢູ່ນະຄອນ
ຫຼວງວໍຊິງຕັນ ທີ່ເອີ້ນວ່າ “ການຍ່າງເພື່ອຄວາມຍຸຕິທຳສຳລັບໝົດທຸກຄົນ”.
ພວກປະທ້ວງຫຼາຍພັນຄົນພາກັນຍ່າງຈາກບໍລິເວນທຳນຽບຂາວ ໄປຍັງຕຶກລັດຖະສະພາສະຫະລັດ ຊຶ່ງບາງຄົນພາກັນຖືປ້າຍ ທີ່ປະກາດວ່າ “ຊີວິດຂອງຊາວຜີວດຳ ກໍສຳຄັນ”.
ຢູ່ໃກ້ໆກັບຕຶກລັດຖະສະພາ ພວກປະທ້ວງໄດ້ຟັງຄຳປາໄສ ຈາກບັນດາສະມາຊິກຄອບຄົວ
ແລະຈາກທ່ານ Al Sharpton ນັກເຄື່ອນໄຫວດ້ານສິດທິພົນລະເມືອງ ທີ່ເປັນຜູ້ຈັດຕັ້ງ
ການຍ່າງປະທ້ວງນີ້.
ການເດີນຂະບວນປະທ້ວງທີ່ໃຫຍ່ກວ່າ ມີຂຶ້ນທີ່ນະຄອນນີວຢອກ ບ່ອນທີ່ປະຊາຊົນຫຼາຍໝື່ນຄົນເຂົ້າຮ່ວມ ໃນການປະທ້ວງທີ່ເອີ້ນວ່າ Millions March ຫຼື ການຍ່າງຫຼາຍລ້ານຄົນ. ການເດີນຂະບວນປະທ້ວງແລະໂຮມຊຸມນຸນຕ່າງໆ ໄດ້ມີຂຶ້ນໃນຫົວເມືອງອື່ນໆເຊັ່ນກັນ ຮວມທັງ ຢູ່ນະຄອນ Boston, Chicago ແລະ San Francisco.
Your browser doesn’t support HTML5
Thousands March in Washington Over Police Killings
ທີ່ມະຫາວິທະຍາໄລລັດ California ທີ່ເມືອງ Berkely ບ່ອນທີ່ການປະທ້ວງຍັງດຳເນີນໄປຢູ່ນັ້ນ ມີຮູບຈຳລອງທີ່ເຮັດດ້ວຍກະດາດແຂງໆ ຂອງພວກຄົນຜີວດຳ 3 ຄົນ ທີ່ໄດ້ເສຍຊີວິດໄປນັ້ນ ຫ້ອຍຢູ່ໃນສະພາບມີເຊືອກມັດຄໍ ຢູ່ໃນບ່ອນຕ່າງໆໃນວັນເສົາວານນີ້. ຮູບຈຳລອງ ຢ່າງໜ້ອຍ ແຜ່ນນຶ່ງ ມີຄຳຂວັນຂຽນໄວ້ວ່າ “ຂ້ອຍຫາຍໃຈບໍ່ໄດ້” ຊຶ່ງເປັນຄຳເວົ້າສຸດທ້າຍຂອງນາຍ Garner ກ່ອນເສຍຊີວີດຍ້ອນຖືກຕຳຫລວດຮັດຄໍນັ້ນ. ບັນດາເຈົ້າໜ້າທີ່ມະຫາວິທຍາໄລ ກ່າວວ່າ ຮູບຈຳລອງທັງ 3 ແຜ່ນ ໄດ້ຖືກປົດລົງແລ້ວ ແລະຍັງບໍ່ເປັນທີ່ຈະແຈ້ງເທື່ອວ່າ ແມ່ນໃຜເປັນຜູ້ເອົາຮູບຈຳລອງເຫຼົ່ານີ້ ໄປຫ້ອຍໄວ້.
ການປະທ້ວງຕ່າງໆ ໄດ້ມີຂຶ້ນໃນທົ່ວປະເທດ ຕັ້ງແຕ່ເດືອນແລ້ວນີ້ ເປັນຕົ້ນມາ ເວລາຄະ
ນະຕຸລາການຈຸນຶ່ງຕັດສິນ ບໍ່ທຳການຟ້ອງຮ້ອງຕຳຫຼວດຄົນຜີວຂາວຄົນນຶ່ງ ທີ່ຍິງທ້າວ Michael Brown ໄວ 18 ປີ ຕາຍທີ່ເມືອງ Ferguson ເຂດຊານເມືອງ St. Louis ລັດ Missouri ໃນເດືອນສິງຫາຜ່ານມານັ້ນ.
ການເດີນຂະບວນປະທ້ວງ ໄດ້ເກີດຂຶ້ນອີກ ເວລາຄະນະຕຸລາການຈຸນຶ່ງໃນນະຄອນນີວ
ຢອກ ຕັດສິນບໍ່ຍອມຟ້ອງຮ້ອງຕຳຫຼວດຄົນນຶ່ງໃນການເຮັດໃຫ້ນາຍ Garner ເສຍຊີວິດ
ໄປໃນເດືອນກໍລະກົດ ຍ້ອນການຮັດຄໍລາວ ເຖິງແມ່ນເຈົ້າໜ້າທີ່ການແພດພິສູດຊາກສົບຄົນນຶ່ງ ຂອງນະຄອນນີວຢອກ ໄດ້ລົງຄວາມເຫັນວ່າ ການຕາຍຂອງຜູ້ກ່ຽວເມື່ອເດືອນກໍ
ລະກົດນັ້ນ ແມ່ນເປັນຍ້ອນຖືກຮັດຄໍ ກໍຕາມ.
Your browser doesn’t support HTML5
usprotests14december14