ເຈົ້າໜ້າທີ່ທ້ອງຖິ່ນໃນຟິລິບປິນເວົ້າວ່າ ຈໍານວນຜູ້ເສຍຊີວິດຢູ່ໃນແຂວງພາກກາງຈາກພາຍຸໄຕ້ຝຸ່ນ Haiyan ອາດສູງເຖິງ ນຶ່ງໝື່ນຄົນ.
ຕໍາຫຼວດແລະເຈົ້າໜ້າທີ່ແຂວງ ໄດ້ໃຫ້ການປະເມີນດັ່ງກ່າວເມື່ອວັນອາທິດ ມື້ນີ້ ຫຼັງ ຈາກໄດ້ຊັ່ງຊາເບິ່ງຄວາມເສຍຫາຍໃນແຂວງ Leyte ບ່ອນທີ່ພວກ ເຂົາເຈົ້າເວົ້າວ່າ ຄວາມເສຍຫາຍແມ່ນຮ້າຍແຮງທີ່ສຸດ. ຫົວໜ້າຕໍາຫຼວດຢູ່ ໃນຂົງເຂດເວົ້າວ່າ ພວກທີ່ເສຍຊີວິດສ່ວນໃຫຍ່ ແມ່ນເປັນຍ້ອນຈົມນໍ້າຕາຍ ແລະຖືກຕຶກອາຄານພັງລົງມາທັບ.
ປະທານາທິບໍດີ Benigno Aquino ໄດ້ອອກໄປຢ້ຽມຢາມກວດກາເຂດ ທີ່ໄດ້ຮັບຜົນ ກະທົບທີ່ຮຸນແຮງທີ່ສຸດ ເມື່ອວັນອາທິດມື້ນີ້ ຊຶ່ງທ່ານເວົ້າວ່າ ພາລະກິດສໍາຄັນກວ່າໝູ່ທັງໝົດໃນເວລານີ້ ກໍຄືຈັດສົ່ງສະບຽງການບັນເທົາທຸກພ້ອມຢຸກຢາໄປໃຫ້ພວກເຄາະຮ້າຍທັງຫຼາຍແລະສ້ອມແປງລະບົບສາຍໄຟຟ້າ ແລະສື່ສານຄົມມະນາຄົມ ໃຫ້ກັບຄືນສູ່ປົກກະຕິ ຢູ່ໃນເຂດທີ່ສອກ ຫລີກຫ່າງໄກນັ້ນ.
ທ່ານ Mar Roxas ລັດຖະມົນຕີກະຊວງພາຍໃນຟິລິບປິນເວົ້າວ່າ ມັນຍາກຫຼາຍທີ່ຈະອະທິບາຍເຖິງຄວາມເສຍຫາຍທີ່ເມືອງ Tacloban ຊຶ່ງ ເປັນເມືອງຫຼວງຂອງແຂວງ Leyte ຊຶ່ງທ່ານໄດ້ຊີ້ແຈງອີກວ່າ:
ຄວາມຫາຍະນະທີ່ເຫັນນັ້ນ ຂ້າພະເຈົ້າເວົ້າບໍ່ໄດ້ ມັນໂຫດຮ້າຍແທ້ໆ ມັນເປັນໂສກນາດຕະກໍາອັນຍິ່ງໃຫຍ່ຂອງມະນຸດ ບໍ່ມີໄຟຟ້າ ບໍ່ມີແສງໄຟ.
ອົງການຂ່າວ AP ເວົ້າວ່າ ທ່ານ Tecson Lim ຜູ້ປົກຄອງເມືອງ Tacloban ບອກພວກນັກຂ່າວວ່າ ໄດ້ພົບສົບຜູ້ເສຍຊີວິດແລ້ວຫຼາຍເຖິງ 400 ຄົນ.
ຂະນະດຽວກັນ ບັນດາເຈົ້າໜ້າທີ່ໃນແຂວງ Samar ເວົ້າວ່າ ຢ່າງໜ້ອຍ ປະຊາຊົນເສຍຊີວິດໄປ 300 ຄົນ ໃນເກາະດັ່ງກ່າວ ພ້ອມກັບມີຜູ້ຫາຍສາບສູນອີກ 2,000 ຄົນ.
ຈໍານວນຜູ້ເສຍຊີວິດຈາກເຂດອື່ນໆ ໃນພາກກາງຂອງຟິລິບປິນ ຍັງບໍ່ຮູ້ ລາຍລະອຽດ ຍ້ອນລະບົບສື່ສານຖືກທໍາລາຍໄປໂດຍຄວາມແຮງຂອງພາຍຸ ດັ່ງກ່າວ ແລະການເຂົ້າໄປໃນພື້ນທີ່ຕ່າງໆກໍເປັນອຸບປະສັກ ຍ້ອນຕົ້ນໄມ້ທີ່ຫັກທັບຖະໜົນຫົນທາງ ບວກກັບຊາກຫັກພັງໃນປະລິມານມະຫາສານ ຢັ່ງ ຢາຍກັນຢູ່.
ພາຍຸໄຕ້ຝຸ່ນໄດ້ຖະຫຼົ່ມຟິລິບປິນເມື່ອວັນສຸກສອງມື້ຜ່ານມາ ຊຶ່ງເປັນພາຍຸທີ່ມີຄວາມແຮງທີ່ສຸດໃນປະຫວັດສາດ ຄືມີລົມແຮງ 300 ກິໂລແມັດຕໍ່ຊົ່ວໂມງ.
ໃນຂະນະນີ້ ພາຍຸໄດ້ພັດມຸ້ງໜ້າໄປຍັງຫວຽດນາມ ບ່ອນທີ່ພວກພະຍາ ກອນອາກາດຄາດວ່າ ຈະພັດເຂົ້າສູ່ຝັ່ງໃນຕອນແລງວັນອາທິດມື້ນີ້ ຫຼືວັນຈັນມື້ອື່ນ.
ຕໍາຫຼວດແລະເຈົ້າໜ້າທີ່ແຂວງ ໄດ້ໃຫ້ການປະເມີນດັ່ງກ່າວເມື່ອວັນອາທິດ ມື້ນີ້ ຫຼັງ ຈາກໄດ້ຊັ່ງຊາເບິ່ງຄວາມເສຍຫາຍໃນແຂວງ Leyte ບ່ອນທີ່ພວກ ເຂົາເຈົ້າເວົ້າວ່າ ຄວາມເສຍຫາຍແມ່ນຮ້າຍແຮງທີ່ສຸດ. ຫົວໜ້າຕໍາຫຼວດຢູ່ ໃນຂົງເຂດເວົ້າວ່າ ພວກທີ່ເສຍຊີວິດສ່ວນໃຫຍ່ ແມ່ນເປັນຍ້ອນຈົມນໍ້າຕາຍ ແລະຖືກຕຶກອາຄານພັງລົງມາທັບ.
ປະທານາທິບໍດີ Benigno Aquino ໄດ້ອອກໄປຢ້ຽມຢາມກວດກາເຂດ ທີ່ໄດ້ຮັບຜົນ ກະທົບທີ່ຮຸນແຮງທີ່ສຸດ ເມື່ອວັນອາທິດມື້ນີ້ ຊຶ່ງທ່ານເວົ້າວ່າ ພາລະກິດສໍາຄັນກວ່າໝູ່ທັງໝົດໃນເວລານີ້ ກໍຄືຈັດສົ່ງສະບຽງການບັນເທົາທຸກພ້ອມຢຸກຢາໄປໃຫ້ພວກເຄາະຮ້າຍທັງຫຼາຍແລະສ້ອມແປງລະບົບສາຍໄຟຟ້າ ແລະສື່ສານຄົມມະນາຄົມ ໃຫ້ກັບຄືນສູ່ປົກກະຕິ ຢູ່ໃນເຂດທີ່ສອກ ຫລີກຫ່າງໄກນັ້ນ.
ທ່ານ Mar Roxas ລັດຖະມົນຕີກະຊວງພາຍໃນຟິລິບປິນເວົ້າວ່າ ມັນຍາກຫຼາຍທີ່ຈະອະທິບາຍເຖິງຄວາມເສຍຫາຍທີ່ເມືອງ Tacloban ຊຶ່ງ ເປັນເມືອງຫຼວງຂອງແຂວງ Leyte ຊຶ່ງທ່ານໄດ້ຊີ້ແຈງອີກວ່າ:
ຄວາມຫາຍະນະທີ່ເຫັນນັ້ນ ຂ້າພະເຈົ້າເວົ້າບໍ່ໄດ້ ມັນໂຫດຮ້າຍແທ້ໆ ມັນເປັນໂສກນາດຕະກໍາອັນຍິ່ງໃຫຍ່ຂອງມະນຸດ ບໍ່ມີໄຟຟ້າ ບໍ່ມີແສງໄຟ.
ອົງການຂ່າວ AP ເວົ້າວ່າ ທ່ານ Tecson Lim ຜູ້ປົກຄອງເມືອງ Tacloban ບອກພວກນັກຂ່າວວ່າ ໄດ້ພົບສົບຜູ້ເສຍຊີວິດແລ້ວຫຼາຍເຖິງ 400 ຄົນ.
ຂະນະດຽວກັນ ບັນດາເຈົ້າໜ້າທີ່ໃນແຂວງ Samar ເວົ້າວ່າ ຢ່າງໜ້ອຍ ປະຊາຊົນເສຍຊີວິດໄປ 300 ຄົນ ໃນເກາະດັ່ງກ່າວ ພ້ອມກັບມີຜູ້ຫາຍສາບສູນອີກ 2,000 ຄົນ.
ຈໍານວນຜູ້ເສຍຊີວິດຈາກເຂດອື່ນໆ ໃນພາກກາງຂອງຟິລິບປິນ ຍັງບໍ່ຮູ້ ລາຍລະອຽດ ຍ້ອນລະບົບສື່ສານຖືກທໍາລາຍໄປໂດຍຄວາມແຮງຂອງພາຍຸ ດັ່ງກ່າວ ແລະການເຂົ້າໄປໃນພື້ນທີ່ຕ່າງໆກໍເປັນອຸບປະສັກ ຍ້ອນຕົ້ນໄມ້ທີ່ຫັກທັບຖະໜົນຫົນທາງ ບວກກັບຊາກຫັກພັງໃນປະລິມານມະຫາສານ ຢັ່ງ ຢາຍກັນຢູ່.
ພາຍຸໄຕ້ຝຸ່ນໄດ້ຖະຫຼົ່ມຟິລິບປິນເມື່ອວັນສຸກສອງມື້ຜ່ານມາ ຊຶ່ງເປັນພາຍຸທີ່ມີຄວາມແຮງທີ່ສຸດໃນປະຫວັດສາດ ຄືມີລົມແຮງ 300 ກິໂລແມັດຕໍ່ຊົ່ວໂມງ.
ໃນຂະນະນີ້ ພາຍຸໄດ້ພັດມຸ້ງໜ້າໄປຍັງຫວຽດນາມ ບ່ອນທີ່ພວກພະຍາ ກອນອາກາດຄາດວ່າ ຈະພັດເຂົ້າສູ່ຝັ່ງໃນຕອນແລງວັນອາທິດມື້ນີ້ ຫຼືວັນຈັນມື້ອື່ນ.
Your browser doesn’t support HTML5
Asia Typhoon