ຂ່າວຄືບໜ້າກ່ຽວກັບໄພແຜ່ນດິນໄຫວທີ່ Chile: ປະທານາທິບໍດີ Michelle Bachelet ແຫ່ງ Chile ກ່າວວ່າ ແຜ່ນດິນໄຫວທ່ີມີຄວາມແຮງ 8.8 ທ່ີໄດ້ສ້າງຄວາມຫາຍຍະນະແກ່ພາກກາງຂອງປະເທດ ແລະໄດ້ເຮັດ ໃຫ້ປະຊາຊົນປະມານ2 ລ້ານຄົນບໍ່ມີບ່ອນ ຢູ່ອາໃສນັ້ນ ແມ່ນໄດ້ສ້າງສະພາວະສຸກເສີນ ທີ່ບໍ່ມີຫຍັງທຽບເທົ່າໄດ້ຂຶ້ນໃນປວັດສາດຂອງ Chile ແລະທ່ານນາງໄດ້ຮ້ອງຂໍຄວາມຊ່ວຍເຫລືອຈາກນາໆຊາດ ພ້ອມດຽວກັນ ປະທານາທິບໍດີ Bachelet ໄດ້ປະກາດໃຫ້ຮູ້ວ່າ ທ່ານນາງກຳລັງສົ່ງທະຫານຈຳນວນ 10 ພັນຄົນໄປຍັງຫລາຍຂົງເຂດເພື່ອຮື້ຟື້ນຄວາມເປັນລະບຽບຮຽບຮ້ອຍຄືນໃໝ່ ແລະຊ່ອຍໃນຄວາມພະຍາ ຍາມຟື້ນຟູປະເທດຄືນ. ນອກນັ້ນ ທ່ານນາງ ຍັງກ່າວຕື່ມວ່າ ໄດ້ມີການຕົກລົງກັນກັບຍພວກເຄືອຕລາດ Supermarket ເຊັ່ນກັນເພື່ອໃຫ້ພວກຕະຫລາດເຫລົ່ານີ້ແຈກຢາຍເຂົ້າປາອາຫານຟີໃຫ້ປະຊາຊນທ່ີໄດ້ຮັບເຄາະຮ້າຍນັ້ນ. ພວກໂຈນຂະໂມຍ ພາກັນບຸກເຂົ້າໄປໃນພວກຮ້ານຄ້າຂາຍແຫ່ງຕ່າງໆໃນເມືອງ Concepcion ໃນວັນອາທິດວານນີ້ໂດຍພາກັນລັກຂະໂມຍ ເອົາເຂົ້າປາອາຫານແລະເຄື່ອງໃຊ້ໄຟຟ້າໃນບ້ານເຮືອນ. ຕຳຫລວດ ໄດ້ໃຊ້ແກສນ້ຳຕາແລະປືນສີດນ້ຳຂັບໄລ່ພວກລັກຂະໂມຍໃຫ້ແຕກໜີ ໄປຈາກຕະຫລາດຂາຍເຄື່ອງຢູ່ເຄື່ອງກິນແຫ່ງນຶ່ງ.ບັນດາເຈົ້າໜ້າທ່ີປະກາດຫ້າມຜູ້ຄົນສັນຈອນໄປມາໃນຍາມກາງຄືນເພື່ອພະຍາຍາມຍັບຍັ້ງການລະເມີດກົດໝາຍໃນເຂດຕ່າງໆໃນເມືອງ Concepcionແລະເມືອງ Maule. ປະທານາທິບໍດີ Bachelet ບໍ່ເຕັມໃຈປານໃດທ່ີຈະຂໍຮ້ອງການຊ່ອຍເຫລືອຈາກນາໆຊາດເວລາ ແຜ່ນດິນໄຫວປະທະໃນມື້ທຳອິດນັ້ນ ແຕ່ມາບັດນີ້ທ່ານນາງໄດ້ຮຽກຮ້ອງຂໍການຊ່ອຍເຫລືອດັ່ງກ່າວໃນຂະນະທ່ີຈຳນວນຜູ້ເສັຍຊີວິດໄດ້ເພີ່ມທະວີຂຶ້ນເປັນຫລາຍກວ່າ 700 ຄົນແລ້ວ ແລະຄາດວ່າ ຈຳນວດັ່ງກ່າວຈະເພ່ີມຂຶ້ນອີກ. ບັນດາຜູ້ຊ່ອຍກູ້ໄພ ກຳລັງພະຍາຍາມເຂົ້າຫາພວກທ່ີຖືກຄ້າງຄາຢູກ້ອງຕຶກອາຄານ Apartment ຫລັງນຶ່ງທ່ີພົງທະລາຍລົງໃນເມືອງConcepcion ຊຶ່ງເປັນເມືອງໃຫຍ່ທ່ີສຸດອັນດັບສອງຂອງປະເທດ. ບັນດາຜູ້ຊອກຄົ້ນ ເຊື່ອວ່າ ອາດຈະຜູ້ຄົນຫລາຍເຖິງ 50 ຄົນຖືກທັບທັງເປັນ ຢູໃນອາຄານຫລັງນີ້.
ສະຫະຣັດແລະອາເມຣິກາລາຕິນ: ບັນດາເຈົ້າໜ້າທ່ີສະຫະຣັດກ່າວວ່າ ທ່ານນາງ Hillary Clinton ຣັຖ
ມຸນຕີການຕ່າງປະເທດສະຫະຣັດ ໄດ້ເພີ່ມປະເທດ Argentina ເຂົ້າໃນແຜນການຢ້ຽມຢາມ 6 ປະເທດ ໃນເຂດອາເມຣິກາລາຕິນໃນປັດຈຸ ບັນຂອງທ່ານນາງ ທີຮວມທັງການຢຸດແວ່ ເພື່ອສະແດງການສະໜັບ ສະໜຸນແກ່ພວກທ່ີໄດ້ຮັບເຄາະຮ້າຍຈາກໄພແຜ່ນດິນໄຫວທ່ີ Chile ແລະເພື່ອພະຍາຍາມໃຫ້ໄດ້ຮັບການສະໜັບສະໜຸນຈາກ Brazilໃນການລົງໂທດຄັ້ງໃໝ່ຕໍ່ອິຣ່ານນັ້ນ. ທຳອິດທ່ານນາງຄລິນຕັນຈະທຳການຢ້ຽມຢາມ ປະເທດ Uruguay ບ່ອນທ່ີທ່ານນາງຈະເຂົ້າຮ່ວມໃນພິທີສາບານໂຕເຂົ້າຮັບຕຳແໜ່ງຂອງ ປະທານາທິບໍດີຄົນໃໝ່ ທ່ານ Jose Mujica ໃນວັນຈັນມື້ນີ້. ໃນຕອນແລງວັນຈັນມື້ນີ້ ທ່ານນາງຄລິນຕັນຈະເດີນທາງຕໍ່ໄປຍັງກຸງ Buenos Aires ປະເທດ Argentina ເພື່ຶອພົບປະກັບປະທານາທິບໍດີ Cristina Fernandez. ໃນຕອນເຊົ້າວັນອັງຄານມື້ອື່ນ ທ່ານນາງ ຄລິນຕັນ ກຳນົດຈະບິນໄປຍັງປະເທດ Chile ບ່ອນທ່ີທ່ານນາງຈະທຳ ການພົບປະກັບປະທານາທິບໍດີ Michelle Bachelet ແລະປະທານາ ທິບໍດີທ່ີຖືກເລືອກຕັ້ງໃໝ່ຂອງ Chile ຄືທ່ານ Sebastian Pinera ທ່ີສະໜາມບິນນະຄອນ Santiago ນັ້ນ. ທ່ານນາງຄລິນຕັນ ຈະເດີນທາງຕໍ່ໄປຍັງ Brazil ໃນວັນພຸດ ຊຶ່ງທ່ານນາງວາງແຜນເພື່ອພະຍາຍາມໃຫ້ໄດ້ຮັບການສະໜັບສະໜຸນ ຈາກ ປະທານາທິບໍດີ Luiz Inacio Lula da Silva ໃນການລົງໂທດຕື່ມອີກຕໍ່ອິຣ່ານນັ້ນ.
ທ່ານນາງຄລິນຕັນ ຈະມ້ວນທ້າຍການຢ້ຽມຢາມຂົງເຂດອາເມຣິກາລາຕິນລົງ ທ່ີປະເທດ Costa Rica ແລະ Guatemala ຊຶ່ງຢູ່ທີ່ນັ້ນທ່ານນາງຈະທຳການພົບປະຫາລືກັບບັນດາຜູ້ນຳປະເທດ Dominica Republic ແລະ El Salvador ເຊັ່ນກັນ.
ການເມືອງທີ່ໄຕ້ຫວັນ: ປະທານາທິບໍດີ Ma Ying-jeo ແຫ່ງໄຕ້ຫວັນ ໄດ້ຂໍຂະມາໂທດຕໍ່ພວກສະໜັບສະໜຸນທ່ານ ຫລັງຈາກທີ່ພັກກົວມິງຕັງຂອງຣັຖບານຂອງທ່ານ ໄດ້ສູນເສັຍບ່ອນນັ່ງໄປຫລາຍບ່ອນ ໃນການເລືອກຕັ້ງພິເສດໃນວັນເສົາຜ່ານມານີ້. ພັກກົວມິນຕັງ ຫລື KMT ທ່ີນິຍົມຈີນ ໄດ້ຮັບບ່ອນນັ່ງແຕ່ພຽງບ່ອນດຽວໃນຈຳນວນ 4 ບ່ອນໃນສະພາແຫ່ງຊາດ ໃນການເລືອກຕັ້ງພິເສດໂດຍເສັຍບ່ອນນັ່ງ 3 ບ່ອນໃຫ້ພັກປະຊາທິປັດກ້າວໜ້າ ທ່ີນິຍົມເອກກະຣາດນັ້ນ. ທ່ານໝາຢິ້ງຈີວ ກ່າວໃນວັນອາທິດວານນີ້ວ່າ ການເສັຍບ່ອນນັ່ງເຫລົ່ານີ້ ສະແດງໃຫ້ເຫັນວ່າ ຣັຖບານບໍ່ໄດ້ດຳເນີນ ງານໜັກພໍ ເພື່ອໃຫ່ໄດ້ຮັບສຽງສະໜັບສະໜຸນຈາກປະຊາຊົນນັ້ນ.
ພັກການເມືອງຂອງທ່ານໝາຍັງຄວບຄຸມບ່ອນນັ່ງໃນຈຳນວນສອງສ່ວນສາມຢູ່ໃນຣັຖສະພານັ້ນຢູ່ ແຕ່ພວກໜັງສືພິມຕ່າງໆໃນໄຕ້ຫວັນ ກ່າວວ່າ ການທຳຄວາມຜິດພາດພາຍໃນປະເທດຫລາຍຢ່າງຂອງຣັຖບານ ໄດ້ສ້າງຄວາມຜິດຫວັງໃຫ້ແກ່ປະຊາຊົນໃນການນຳພາຂອງທ່ານ. ຣັຖ ບານຂອງທ່ານໝາ ໄດ້ຮັບການຕຳໜິຕິຕຽນຢ່າງແຮງຈາກພາຍໃນປະເທດ ວ່າຣັຖບານຂອງທ່ານໄດ້ທຳການເຄື່ອນໄຫວຊ້າໃນການຮັບມືກັບໄພພາຍຸໄຕ້ຟຸ່ນຮ້າຍແຮງ ທ່ີປະທະໄຕ້ຫວັນໃນເດືອນສິງຫາປີແລ້ວນີ້.
ດິນຟ້າອາກາດທີ່ຢູໂຣບ:ພາຍຸລະດູໜາວທ່ີປັ່ນປ່ວນ ທ່ີມີຝົນຕົກແຮງ ແລະລົມພາຍຸ hurricane
ທ່ີຮ້າຍແຮງໄດ້ປະທະທາງພາກຕາເວັນຕົກຂອງທະວີບຢູໂຣບ ໃນຕອນເຊົ້າວັນອາທິດວານນີ້ ໂດຍໄດ້ສັງຫານຜູ້ຄົນໄປຢ່າງນ້ອຍ 53 ຄົນແລະທຳລາຍສາຍໄຟຟ້າ ເຮັດໃຫ້ປະຊາຊົນຫລາຍກວ່າ 1 ລ້ານຄົນ
ບໍ່ມີໄຟຟ້າໃຊ້. ລົມພາຍຸ ອັດລັງຕິກທ່ີມີຊື່ວ່າ Xynthia ໄດ້ປະທະຢ່າງໜັກຝັ່ງທະເລກ້ຳຕາເວັນຕົກ ຂອງຝຣັ່ງ Portugal, ແລະສະເປັນ ຊຶ່ງເຮັດໃຫ້ຟອງທະເລຂຶ້ນສູງເຖິງ 8 ແມັດ ແລະລົມແຮງເຖິງ 160 ຫລັກກິໂລແມັດຕໍ່ຊົ່ວໂມງ.
ພວກຜູ້ຄົນທ່ີເສັຍຊີວິດໄປນັ້ນສ່ວນຫລາຍແມ່ນເກີດຂຶ້ນໃນປະເທດຝຣັ່ງ
ທ່ີຖືກລົມພາຍຸປະທະໜັກກວ່າໝູ່. ພວກແມ່ນ້ຳສາຍຕ່າງໆໄດ້ຍຶ່ງຂຶ້ນ
ລົ້ນຝັ່ງໃນເຂດ Brittany ແລະພວກພະຍາກອນອາກາດໄດ້ອອກຄຳເຕືອນໄພລະວັງນ້ຳກ້ອນທ່ີພົງທະລາຍລົງໃນເຂດພູເຂົາPyrenees ແລະພູ Alps ໃນພາກໃຕ້ນັ້ນ.
ກ່ຽວກັບເສດຖະກິດຂອງ Greece:
ທ່ານ Olli Rehn ຫົວໜ້າກິດຈະການການເງິນຂອງສະຫະພາບຢູໂຣບ ຈະພົບປະກັບບັນດາເຈົ້າໜ້າທ່ີຂອງ Greece ທ່ີກຸງ Athens ໃນວັນຈັນມື້ນີ້ ຫລັງຈາກເຢຣະມັນໄດ້ປະຕິເສດບໍ່ຍອມຊ່ອຍກູ້ປະເທດ Greece.
ທ່ານ Rehn ວາງແຜນທ່ີຈະພົບປະກັບບັນດາເຈົ້າໜ້າທ່ີຂັ້ນອາວຸໂສ
ຂອງ Greece ຫລາຍທ່ານ ທ່ີຮວມທັງທ່ານ George Papacons-
Tantinou ຣັຖມຸນຕີການເງິນນຳ.
Greece ກຳລັງປະເຊີນກັບຄວາມເສັຍຫາຍຈາກວິກິດການເສດຖະກິດ
ຄັ້ງໃຫຍ່ ຊຶ່ງມີການຂາດດຸນງົບປະມານເກືອບ 4 ເທົ່າໂຕຂອງລະດັບສູງສຸດ ທ່ີທາງສະຫະພາບຢູໂຣບຕັ້ງກຳນົດໄວ້.
ນາຍົກຣັຖມຸນຕີ George Papandreou ກ່າວໃນສັບປະດາຜ່ານມາ
ວ່າ ປະເທດຂອງທ່ານຈະຕ້ອງທຳການເຄື່ອນໄຫວຢ່າງໄວເພື່ອຫລີກລ້ຽງການລົ້ມລະລາຍທ່ີຈະເປັນໄປໄດ້ ແລະໄດ້ຮຽກຮ້ອງຂໍການຊ່ອຍເຫລືອຈາກສະຫະພາບຢູໂຣບ.
ທຳນຽບຂາວກ່າວວ່າ ປະທານາທິບໍດີບາຣັກໂອບາມາ ເຊື່ອວ່າ ສະຫະ
ພາບຢູໂຣບສາມາດ ແລະກໍຈະທຳການເຄື່ອນໄຫວຢ່າງຖືກຕ້ອງເໝາະສົມ. ທ່ານໂອບາມາໄດ້ທຳການພົບປະຫາລືກັນ ທາງໂທຣະສັບກັບນາຍົກຣັຖມຸນຕີອັງກິດທ່ານ Gordon Brownແລະທ່ານນາງ Angela Merkel ນາຍົກຣັຖມຸນຕີເຢຣະມັນໃນວັນສຸກຜ່ານມານີ້. ແຕ່ທ່ານນາງ Merkel ທ່ີເປັນຫົວໜ້າປະເທດທີ່ມີ ເສດຖະກິດໃຫຍ່ທ່ີສຸດໃນກຸ່ມສະຫະພາບຢູໂຣບ ກ່າວຕໍ່ໂທຣະພາບເຢຣະມົນໃນວັນອາທິດວານນີ້ວ່າ ຈະບໍ່ມີການຊ່ອຍກູ້ປະເທດ Greece ແລະທ່ານນາງກ່າວຕື່ມວ່າ ທາງທ່ີດີທ່ີສຸດທ່ີສະຫະພາບຢູໂຣບສາມາດ ເຮັດໄດ້ນັ້ນ ກໍແມ່ນບອກໃຫ້ຣັຖບານກຸງ Athens ຮູ້ຢ່າງຈະແຈ້ງວ່າ Greece ຈະຕ້ອງຊ່ອຍຕົນເອງ.
ຂ່າວຜົນການແຂ່ງຂັນກີລາໂອລິມປິກ ລະດູໝາວທ່ີເມືອງ Vancouver ການາດາ:
ການແຂ່ງຂັນກີລາໂອລິມປິກລະດູໜາວປະຈຳປີ2010 ໄດ້ເສັດສິ້ນລົງ ດ້ວຍພິທີອັດລົງຢ່າງຄຶກຄື້ນທ່ີນະຄອນ Vancouver ການາດາ ໃນແລງວັນອາທິດວານນີ້ ກໍຄືເຊົ້າວັນຈັນມື້ນີ້ ຕາມເວລາໃນປະເທດລາວ. ຫົວໜ້າຄນະກັມມະການຈັດການແຂ່ງຂັນໂອລິມປິກທ່ີ Vancouver ເອີ້ນການແຂ່ງຂັນກີລາລະດູໜາວຄັ້ງນີ້ວ່າເປັນໂອກາດອັນຍ່ິງໃຫຍ່ໃນປວັດສາດຂອງການາດາ.
ໃນລະຫວ່າງພິທີອັດການແຂ່ງຂັນນັ້ນ ເຈົ້າຄອງກຳແພງນະຄອນ Vancouver ໄດ້ມອບໂອນທຸງ ໂອລິມປິກ ໄປໃຫ້ທ່ານ Anatoly
Pakhomov ເຈົ້າຄອງກຳແພງເມືອງ Sochi ເມືອງຕາກອາກາດ
ແຄມທະເລດຳຂອງຣັດເຊັຍ ຊຶ່ງຈະເປັນເຈົ້າພາບຈັດການແຂ່ງຂັນກີລາໂອລິມປິກລະດູໜາວ ໃນປີ2014 ນັ້ນ.
ສະຫະຣັດໄດ້ທຳສະຖິຕິໃນດ້ານຈຳນວນຫລຽນ ໂດຍໄດ້ຫລຽນຫລາຍທີ່ສຸດໃນການແຂ່ງຂັນກິລາໂອລິມປິກລະດູໜາວເທົ່າທີ່ຜ່ານມາ ຄືໄດ້ມາທັງໝົດ 37 ຫລຽນ ມີຫລຽນຄຳ 9, ຫລຽນເງິນ 15 ແລະຫລຽນທອງແດງ 13.ອັນດັບສອງໄດ້ແກ່ເຢຣະມັນ ຊື່ງໄດ້ທັງໝົດ 30 ຫລຽນ ມີຫລຽນຄຳ 10 ຫລຽນເງິນ13 ແລະທອງແດງ 7.ທີສາມໄດ້ແກ່ເຈົ້າພາບ ການາດາ ໄດ້ທັງໝົດ 26 ຫລຽນ ມີຫລຽນຄຳ 14 ຊຶ່ງແມ່ນຫລາຍກ່ວາໝູ່ ແລະຫລຽນເງິນ 7 ກັບທອງແດງ 5. ໃນ ບັນດາປະເທດເອເຊັຍນັ້ນ ເກົາຫລີໃຕ້ແມ່ນໄດ້ຫລາຍກ່ວາໝູ່ ມີຫລຽນຄຳ 6 ຫລຽນເງິນ 6 ແລະທອງແດງ 2 ລວມເປັນ 14ຫລຽນ ມາໃນອັນດັບ 7. ຈີນ ມາໃນອັນດັບ 9 ໄດ້ທັງໝົດ 11 ຫລຽນ ມີຫລຽນຄຳ 5 ຫລຽນເງິນ 2 ແລະຫລຽນທອງແດງ 4.ການາດາໄດ້ຫລຽນຄຳອັນທີ 14 ໃນວັນອາທິດວານນີ້ ຫລັງຈາກທີມຕີ ຄີນ້ຳກ້ອນ ຫລື hockey ຂອງການາດາ ໄດ້ຊະນະທີມຂອງສະຫະຣັດ
