ຂ່າວຄືບໜ້າກ່ຽວກັບໄພແຜ່ນດິນໄຫວທີ່ອິນໂດເນເຊັຍ: ບັນດາຜູ້ຊ່ອຍກູ້ໄພກຳລັງພາກັນຂຸດຄົ້ນ ຕາມສິ່ງສລັກຫັກພັງໃນເມືອງPadang ຂອງອິນໂດເນເຊັຍກ່າວວ່າ ມີຄວາມຫວັງນ້ອຍດຽວທ່ີຈະພົບເຫັນພວກທ່ີອາດລອດຊີວິດມາໄດ້ອີກ ຈາກໄພແຜ່ນດິນໄຫວຄັ້ງໃຫຍ່ຊຶ່ງທາງເຈົ້າໜ້າທ່ີອິນໂດເນເຊັຍກ່າວວ່າ ໄພພິບັດດັ່ງກ່າວອາດຈະໄດ້ຝັງຜູ້ຄົນໄປແລ້ວຢ່າງນ້ອຍ 3 ພັນຄົນນັ້ນ. ບັນດາໜ່ວຍກູ້ໄພໃນເມືອງແລະເຂດອ້ອມແອ້ມເມືອງປາດັງ ຊຶ່ງມີພົນລະເມືອງ 90 ພັນຄົນ ໄດ້ພາກັນຊອກຄົ້ນຫາຜູ້ທ່ີອາດລອດຊີວິດມາໄດ້ຈາກພວກຕຶກອາຄານ ທ່ີພັງທະລາຍລົງທັບ ແຕ່ປັດຈຸບັບນີ້ແມ່ນພຽງແຕ່ພົບເຫັນແລະດຶງຊາກສົບອອກຈາກສິ່ງສລັກຫັກພັງເທົ່ານັ້ນ. ໃນຂົງເຂດຊົນນະບົດນອກເມືອງປາດັງ ພວກໝູ່ບ້ານບາງແຫ່ງໄດ່ຖືກກວາດລ້າງໄປດ້ວຍດິນເຈື່ອນລົງມາທັບທ່ີເກີດຈາກແຜ່ນດິນໄຫວນັ້ນ. ບັນດາເຈົ້າໜ້າທ່ີກ່າວວ່າ ມີຜູ້ຄົນຈຳນວນຫລາຍກວ່າ 600 ຄົນໄດ້ຝັງຢູ່ໃນດິນທ່ີເຈື່ອນລົງມາທັບນັ້ນ. ສະຫະປະຊາຊາດກ່າວວ່າ ຈຳນວນຜູ້ເສັຍຊີວິດມີຢ່າງນ້ອຍ1100ຄົນແລ້ວຈາກໄພແຜ່ນດິນໄຫວທ່ີເກີດຂຶ້ນຈາກໃຕ້ທະເລທ່ີມີຄວາມແຮງ7.6 ຕາມເຄື່ອງວັດແທກແໜງແຜ່ນດິນໄຫວ Richter ຊຶ່ງໄດ້ປະທະໃນວັນພຸດສັບປະດາຜ່ານມາຢູ່ນອກຝັ່ງທະເລເກາະຊູມາຕຣາຂອງອິນໂດເນເຊັຍນັ້ນ.
ທີ່ປະເທດຟິລິບປິນ: ທາງການຟິລິບປິນກ່າວວ່າ ມີປະຊາຊົນເສຍຊີວິດຢ່າງໜ້ອຍ 15 ຄົນ ຈາກລົມໄຕ້ ຝຸ່ນທີ່ຮຸນແຮງທີ່ປະທະຢູ່ທາງ ພາກເໜືອຂອງ ແຂວງຄາກາຢັນ ທີ່ເກີດ ມີລົມແຮງ ແລະຝົນຕົກໜັກນັ້ນ
ຜູ້ກຳກັບ ການຕຳລວດ ປະຈຳແຂວງ ທ່ານ Loreto Espinili ກ່າວເມື່ອ ວັນອາທິດ ມື້ນີ້ວ່າ ມີປະຊາຊົນ ເສຍຊີວິດຈຳນວນ 12 ຄົນ ຈາກພັຍດິນ ເຈຶ່ອນສອງແຫ່ງເມື່ອວັນເສົາ ວານນີ້ໃນແຂວງ Banguet. ຕົວເລກດັ່ງ ກ່າວນັ້ນ ແມ່ນຕື່ມໃສ່ອີກສາມສົບທີ່ໄດ້ ລາຍງານໄປ ແລ້ວກ່ອນໜ້ານີ້ ໂດຍພວກເຈົ້າໜ້າທີ່ ທີ່ກ່ຽວຂ້ອງ ອື່ນໆ.
ລົມໄຕ້ຝຸ່ນ Parma ຫລືທີ່ຮູ້ກັນໃນທ້ອງຖິ່ນ ວ່າລົມ Pepeng ທີ່ມີ ຄວາມໄວແຮງປະມານ 200 ຫລັກກິໂລແມດຕໍ່ຊົ່ວໂມງ ໄດ້ປະທະ ພາກພື້ນດິນໃນປະເທດ ຟິລິບປິນເມື່ອວັນເສົາວານນີ້ ໂດຍໄດ້ພັດທຳ ລາຍຫລັງຄາຂອງຕຶກ ຫລາຍແຫ່ງ ຕົ້ນໄມ້ລົ້ມ ແລະ ຕັດສາຍໄຟຟ້າ. ພັຍນ້ຳຖ້ວມໃນກຸງມະນິລາໄດ້ເຊົາ ລົງ ເວລາລົມພາຍຸປ່ຽນ ທິດທາງມຸ້ງໜ້າໄປທາງພາກເໜືອ ຊຶ່ງໄດ້ຊ່ວຍຊີວິດຜູ້ຄົນໄວ້ ຫລາຍລ້ານຄົນ. ລົມ ພາຍຸທີ່ຮຸນແຮງເຖິງແກ່ຊີວິດທີ່ເກີດຂຶ້ນໄດ້ພຽງເມື່ອອາທິດນຶ່ງຜ່ານມານີ້ ໄດ້ສ້າງພັຍນ້ຳຖ້ວມທີ່ຮ້າຍແຮງໃນເມືອງຫລວງຂອງປະເທດ ໃນຮອບ ຫລາຍສິບປີຜ່ານມາ.
ເກົາຫລີເໜືອແລະຈີນ: ທ່ານເຫວິ້ນເຈັຍບາວ ນາຍົກຣັຖມຸນຕີຈີນພົບປະກັບທ່ານກິມຢອງອີລ
ຜູ້ນຳເກົາຫລີເໜືອໃນວັນອາທິດມື້ນີ້ທ່ີກຸງພຽງຢ້າງໃນມື້ທຳອິດຂອງການຢ້ຽມຢາມຢ່າງເປັນທາງການທ່ີມີການຄາດກັນໄວ້ລ່ວງຫນ້ານັ້ນ. ອົງການຂ່າວຊິນຫົວທາງການຂອງຈີນກ່າວວ່າ ທ່ານກິມໄດ້ໄປຕ້ອນຮັບ
ທ່ານເຫວິ້ນເຈັຍບາວຢູ່ທ່ີສະໜາມບິນກຸງພຽງຢ້າງໃນຕອນເຊົ້າມື້ນີ້ຊຶ່ງທ່ານກິມບໍ່ຄ່ອຍສູ້ໄປປາກົດໂຕໃຫ້ປະຊາຊົນເຫັນເຊັ່ນນີ້ມາກ່ອນ. ອົງການຂ່າວຊິນຫົວກ່າວວ່າ ຜູ້ນຳທັງສອງໄດ້ພົບປະກັນໃນຕອນບ່າຍ
ວັນອາທິດມື້ນີ້ ແຕ່ບໍ່ໄດ້ແຈ້ງລາຍລະອຽດໃຫ້ກ່ຽຍວກັບການພົບປະຫາລືກັນນັ້ນ.
ການຢ້ຽມຢາມຢ່າງເປັນທາງການຂອງທ່ານເຫວິ້ນເຈັຍບາວເປັນເວລາ3 ມື້ ມີຂຶ້ນໃນທ່າມກາງ ທ່ີມີຮ່ອງຮອຍຕ່າງໆທ່ີວ່າເກົາຫລີເໜືອອາດຈະມີຄວາມເຕັມໃຈທ່ີຈະລິເລີ່ມການພົບປະເຈລະຈາກັນຄືນອີກກ່ຽວ ກັບໂຄງການນີວເຄລັຍຂອງຕົນ ຫລັງຈາກໄດ້ທຳການຕໍ່ຕ້ານມາເປັນເວລາຫລາຍເດືອນນັ້ນ. ທ່ານກິມໄດ້ສະ ແດງຄວາມເຕັມໃຈທ່ີຢາກເປີດການພົບປະເຈລະຈາກັນຄືນລະຫວ່າງສອງເກົາຫລີແລະກັບຫລາຍ ຝ່າຍ ແຕ່ຍັງບໍ່ເປັນທ່ີຈະແຈ້ງເທື່ອວ່າ ການສະແດງຄວາມເຕັມໃຈອອກມານີ້ແມ່ນຢາກເປີດການເຈລະຈາກັນຄືນກັບ 6 ປະເທດນັ້ນຫລືບໍ ອັນປະກອບດ້ວຍຈີນ ຣັດເຊັຍ ເກົາຫລີໃຕ້ ຍີ່ປຸ່ນແລະສະຫະຣັດອະເມຣິການັ້ນ.
ອັຟການີສຖານ: ກອງທັບສະຫະລັດກ່າວວ່າ ການໂຈມຕີຫລາຍໆບັ້ນໂດຍ ພວກກຸ່ມຫົວ ຮຸນແຮງໃນເຂດຕາເວັນອອກຂອງອາຟການີສ ຖານຢູ່ໃກ້ກັບຊາຍ ແດນ ປາກີສຖານນັ້ນ ຍັງຜົນໃຫ້ທະຫານສະຫະລັດເສຍຊີວິດ 8 ຄົນ ແລະ ທະຫານອາຟການີສຖານ 2 ຄົນການໂຈມຕີຄັ້ງ ນີ້ ພວກກຸ່ມຕາລິບານໄດ້ອ້າງເປັນຜູ້ຮັບຜິດຊອບ.
ພັນເອກ Randy George ຜູ້ບັງຄັບກຳລັງປະສົມ ກ່າວເຖິງການ ໂຈມຕີຂອງວັນເສົາ ໃນຄຳເວົ້າຂອງເພີ່ນວ່າ “ເປັນການປະທະທີ່ ສະລັບ ຊັບຊ້ອນ ຢູ່ໃນຂົງເຂດທີ່ກັນດານ” ແລະວ່າພວກທະຫານສະຫະລັດ ແລະອາຟການີສຖານ ໄດ້ຮ່ວມກັນຕໍ່ສູ້ຢ່າງພິລາດອາດຫານ.ໜ່ວຍກຳລັງປະສົມກ່າວວ່າ ພວກເຂົາເຈົ້າຈະສືບຕໍ່ກັບແຜນການທີ່ໄດ້ ປະກາດໄປ ແລ້ວຜ່ານມາ ຄືຈະຖອນກຳລັງອອກຈາກຂົງເຂດສອກ ຫລີກ ຊຶ່ງເປັນພາກສ່ວນ ຂອງແຜນການປັບປ່ຽນທີ່ກວ້າງກວມ ເພື່ອ ປົກປ້ອງຂົງເຂດ ທີ່ມີປະຊາຊົນຈຳນວນຫລາຍ ນັ້ນໄວ້.
ອີສຣາແອນແລະປາເລສໄຕນ໌: ກຳລັງຮັກສາຄວາມປອດໄພຂອງອີສຣາແອນໄດ້ປະທະກັບພວກປະທ້ວງປາ
ເລສໄຕນ໌ທ່ີນະຄອນ Jerusalem ຫລັງຈາກທາງການຕັນຫົນທາງເຂົ້າແຫ່ງນຶ່ງຫາບັນດາຂົງເຂດເມືອງສັກ ສິດທາງສາດສະໜານັ້ນ. ຕຳຫລວດຫ້າມຄົນເຂົ້າທາງເຂົ້າແຫ່ງດັ່ງກ່າວໃນວັນອາທິດມື້ນີ້ອັນທ່ີບັນດາເຈົ້າ ໜ້າທ່ີອີສຣາແອນເອີ້ນວ່າ The Temple Mount ແລະມຸສລິມ ຊຶ່ງໝາຍເຖິງສະຖານທ່ີສັກສິດທ່ີສູງສົ່ງນັ້ນ.
ບັນດາເຈົ້າໜ້າທ່ີປາເລສໄຕນ໌ ກ່າວວ່າ ຕຳຫລວດອີສຣາແອນໄດ້ຍິງແກສນ້ຳຕາໃສ່ພວກປະທ້ວງທ່ີແກວ່າງກ້ອນຫິນໃສ່ພວກເຈົ້າໜ້າທ່ີຕຳຫລວດອີສຣາແອນນັ້ນ. ຕຳຫລວດກ່າວວ່າ ປະຊາຊົນຫລາຍ ຄົນໄດ້ຖືກຈັບກຸມໃນການປະທະກັນ ທ່ີຄ້າຍຄືກັນກັບການປະທ້ວງທ່ີເກີດໃນບ່ອນດຽວກັນໃນສັບປະດາແລ້ວນີ້. ປະຊາຊົນຫລາຍຄົນໄດ້ຮັບບາດເຈັບໃນວັນອາທິດແລ້ວນີ້ໃນລະຫວ່າງການກໍ່ຄວາມວຸ່ນວາຍ ຂຶ້ນໃນຂົງເຂດດຽວກັນໃນນະຄອນ Jerusalemເກົ່າແຫ່ງນີ້.
