<!-- IMAGE -->
ສາທາລະນະລັດຟິລິປປິນເປັນປະເທດພັນທະມິດທີ່ໄກ້ຊິດຂອງສະຫະລັດ ມາເປັນ ເວລາດົນນານ.ສາຍສຳພັນລະວ່າງສະຫະລັດ ແລະຟິລິປປິນແມ່ນຕັ້ງຢູ່ເທິງ ພື້ນຖານແຫ່ງຄວາມໝັ້ນໝາຍທີ່ມີຮ່ວມກັນ ຕໍ່ການສ້າງສັນຕິພາບ ຄວາມ ຈະເລີນຮຸ່ງເຮືອງ ຫລືວັທະນາຖາວອນ ແລະຄຸນຄ່າປະຊາທິປະໄຕ ຕລອດທັງສາຍພົວພັນອັນກວ້າງຂວາງລະວ່າງປະຊາຊົນຂອງພວກເຮົາ.
ປະເທດທັງສອງມີປະວັດການແຫ່ງຄວາມຮ່ວມມືກັນມາເປັນເວລາດົນ ນານແລ້ວ.ພວກສະຖາບັນຕ່າງໆແລະລະ ບອບການປົກຄອງທີ່ມີຜູ້ແທນຕາງໜ້າປະຊາຊົນ ຂອງຟິລິປປິນນັ້ນ ແມ່ນຕັ້ງຂື້ນມາຕາມແບບຢ່າງຂອງສະຖາບັນແລະລະບອບປົກຄອງຂອງສະຫະລັດ. ເຫລົ່າທະຫານຂອງທັງສອງປະເທດ ໄດ້ທຳການຕໍ່ສູ້ຄຽງບ່າຄຽງໄຫລ່ກັນຢູ່ໃນ ສະນາມລົບໃນປາງສົງຄາມໂລກຄັ້ງທີ່ສອງ.ແລະນັບຕັ້ງແຕ່ປີ 2002 ເປັນຕົ້ນມາແລ້ວ ປະເທດທັງສອງແມ່ນໄດ້ ຮ່ວມມືກັນ ຕໍ່ສູ້ປາບປາມພວກກໍ່ການ ຮ້າຍໃນຟິລິປປິນ ຊຶ່ງໄດ້ເປັນບັນຫາທີ່ສ້າງຄວາມເປັນຫ່ວງ ຢູ່ໃນປະເທດ ເກາະດອນແຫ່ງນັ້ນມາເປັນເວລາດົນນານ
ດ້ວຍການຊ່ວຍເຫລືອທາງທະຫານ ໃນດ້ານການເຝິກອົບຮົມແລະ ເຄຶ່ອງອຸປກອນ ຂອງສະຫະລັດນັ້ນ ກອງທັບ ຟິລິປປິນກໍໄດ້ເລີ່ມທຳຄວາມກ້າວໜ້າ ໃນການປາບ ພວກກຸ່ມກໍ່ການຮ້າຍທັງຫລາຍ ທີ່ປະຕິບັດການຢູ່ໃນຫລາຍໆ ເກາະທາງພາກໃຕ້ ຂອງປະເທດ ໂດຍສາມາດຍັບຍັ້ງການຂົ່ມຂູ່ຂອງພວກເຂົາ ແລະໄດ້ສັງຫານ ຫລືບໍ່ກໍຈັບກຸມ ພວກຫົວຮຸນແຮງໄດ້ຫລາຍສິບຄົນ
ເມື່ອໝໍ່ໆມານີ້ ປະທານາທິບໍດີ ຟິລິປປິນ ທ່ານນາງກລໍຣິອາ ມາກາ ປາກາລ ອາໂຣຍໂຢ ໄດ້ເປັນຜູ້ນຳຄົນທຳອິດ ຈາກຂົງເຂດເອເຊຍຕາ ເວັນອອກສ່ຽງໃຕ້ ທີ່ໄດ້ໄປຢ້ຽມຢາມທຳນຽບຂາວ ນັບຕັ້ງແຕ່ປະທານາ ທິບໍດີບາຣັກ ໂອບາມາ ຂື້ນດຳລົງຕຳແໜ່ງປະທານາທິບໍດີຂອງສະຫະ ລັດໃນເດືອນມັງກອນປີນີ້.ປະທານາທິບໍດີໂອບາມາ ໄດ້ສະແດງຄວາມຊົມເຊີຍຕໍ່ປະທານາທິບໍດີ ອາໂຣຍໂຢ ໃນຄວາມສຳເລັດຂອງລັດຖະບານຂອງທ່ານນາງໃນ ການຕໍ່ສູ້ກັບພວກກໍ່ການຮ້າຍແລະໃນການເອົາບາດກ້າວເມື່ອໝໍ່ໆມານີ້ ເພື່ອຮື້ຟື້ນການເຈລະຈາສັນຕິພາບຄືນໃໝ່ ກັບກຸ່ມແນວໂຮມປົດປ່ອຍອິສລາມໂມໂຣ ຫລື Moro Islamic Liber-ation Front ເອີ້ນຫຍໍ້ວ່າ MILF ໃນເກາະມິນດານາວຂອງຟິລິປປິນ ນັ້ນ.ນອກຈາກນີ້ແລ້ວ ປະທານາທິບໍດີໂອບາມາ ຍັງໃຫ້ຂໍ້ສັງເກດວ່າ ສະຫະລັດແມ່ນມີຄວາມກະຕືລືລົ້ນ ທີ່ຈະປະຕິບັດງານກັບຟິລິປປິນ ໃນຕຳແໜ່ງໃໝ່ຂອງຟິລິປປິນ ໃນຖານະເປັນປະເທດ ປະສານງານຂອງສະຫະລັດ ກັບສະມາຄົມກຸ່ມປະເທດເອເຊຍຕາເວັນອອກສ່ຽງໄຕ້ ຫລື ອາຊຽນ ຊຶ່ງຟິລິປປິນເປັນສະມາຊິກກໍ່ຕັ້ງປະເທດນື່ງນັ້ນ. ໃນຕຳແໜ່ງທີ່ວ່ານີ້ ຟິລິປປິນແມ່ນຢູ່ໃນຖານະທີ່ຈະສາມາດ ຫລີ້ນບົດບາດທີ່ສຳຄັນຫລາຍຂື້ນໃນຂົງເຂດນີ້ ແລະຈະເປັນຜູ້ມີບົດບາດຕົວສຳຄັນ ໃນຂະນະທີ່ສະຫະລັດສືບຕໍ່ການເຂົ້າພົວພັນກັບ ບັນດາປະເທດສະມາຊິກຂອງສະມາຄົມອາຊຽນ. ນອກຈາກນີ້ແລ້ວ ຄົນຟິລິປປິນ ຄືເອກ ອັກຄະລັດຖະທູດລີບຣານ ກາບັກຕູລານ ກໍໄດ້ຈະເປັນປະທານຂອງກອງປະຊຸມ ທົບທວນຄືນເບີ່ງສົນທິສັນຍາ ຫ້າມແຜ່ຜາຍນີວເຄລຍປະຈຳປີ 2010 ຊຶ່ງສົນທິສັນຍາ ສະບັບນີ້ ເປັນປັດໃຈອັນສຳຄັນໃນການສ້າງຄວາມເຂັ້ມ ແຂງໃຫ້ແກ່ການປະຕິບັດງານຕໍ່ຕ້ານການແຜ່ຜາຍອາວຸດນີວເຄລຍ ອັນເປັນວັດຖຸປະສົງອັນສຳຄັນຂອງລັດຖະບານຂອງສອງປະເທດເຮົາ
ປະທານາທິບໍດີ ໂອບາມາ ກ່າວວ່າ “ຄວາມສຳພັນລະວ່າງສະຫະລັດ ແລະຟິລິປປິນ ນັ້ນ ແມ່ນຍ້ອນຫລັງຄືນໄປຫລາຍ…ປີ ມັນເປັນມິດຕະພາບທີ່ຖືກຫລໍ່ຫລອມຂື້ນມາ ບໍ່ແມ່ນແຕ່ໃນສົນທິສັນຍາຕ່າງໆໃນ ຄວາມສຳພັນດ້ານ ການຄ້າ ແລະດ້ານການ ທະຫານພຽງເທົ່ານັ້ນ ແຕ່ຍັງໄດ້ຮັບການສົ່ງເສີມໃຫ້ແຂງແຮງຍິ່ງຂື້ນ ຍ້ອນສາຍພົວພັນອັນແໜ້ນແຟ້ນ ລະວ່າງປະເທດຂອງພວກເຮົາທັງສອງ ແລະດັ່ງນັ້ນ ພວກເຮົາຈະ ມີລາຍ ການປະຕິບັດງານຮ່ວມກັນທີ່ໜັກໜ່ວງ ເພື່ອລົດຜ່ອນພັຍຂົ່ມຂູ່ຂອງອາວຸດ ນີວເຄລຍຕ່າງໆ ພ້ອມກັບປັບປຸງການເປັນພາຄີກັນແບບຫລາຍຝ່າຍ ໃນຂົງເຂດເອເຊຍ ທີ່ສາມາດສ້າງໃຫ້ມີ ຄວາມໝັ້ນຄົງ ແລະຄວາມຈະເຣີນຮຸ່ງເຮືອງ ວັທະນາຖາອວອນ ທີ່ຍິ່ງໃຫຍ່ ຫລາຍຂື້ນສຳຫລັບໝົດທຸກປະເທດ.