ສະຖານະການໃນອິຣ່ານ: ອະດີດປະທານາທິບໍດີອິຣ່ານ ຊຶ່ງປັດຈຸບັນເປັນຫົວໜ້າພັກນຶ່ງໃນບັນດາພັກປະຕິຮູບທີ່ໃຫຍ່ທ່ີສຸດໃນອິຣ່ານ ໄດ້ທຳການຕຳໜິຕິຕຽນຢ່າງໜັກ ການດຳເນີນຄະດີພວກປະທ້ວງແລະນັກເຄື່ອນໄຫວອິຣ່ານ ຈຳນວນຫລາຍກວ່າ 100 ຄົນນັ້ນ ວ່າບໍ່ຖືກຕ້ອງຕາມກົດໝາຍຣັຖທັມມະນູນ ຂອງຊາດ.
ອະດີດປະທານາທິບໍດີ Mohammad Khatami ໄດ້ທຳການໂຈມຕີຢ່າງໜັກຕໍ່ຍຸດທະວິທີຂອງສານ ໃນມື້ນີ້ ນຶ່ງມື້ຫລັງຈາກອັນທ່ີທ່ານ Khatami ເອີ້ນວ່າການດຳເນີນຄະດີເພື່ອສະແດງອຳນາດນັ້ນ ເຣີ່ມຂຶ້ນ ໃນກຸງເຕຮິຣ່ານ ຊຶ່ງທ່ານກ່າວວ່າພວກໄອຍະການອິງໃສ່ການຮັບສາລະພາບທ່ີໄດ້ມາຢ່າງບໍ່ຖືກຕ້ອງຕາມກົດໝາຍ.
ໃນວັນເສົາວານນີ້ ພວກໄອຍະການກ່າວຫາພວກປະທ້ວງຢູ່ໃນສານວ່າ ວາງແຜນທຳການປະຕິວັດກຳມະຍີ່ ຫລື Velvet Revolution ເພື່ອໂຄ່ນລົ້ມຣັຖບານຂອງອິຣ່ານນັ້ນ. ການປະຕິວັດກຳມະຍີ່ຄັງທຳອິດແມ່ນເກີດຂຶ້ນໃນຢູໂຣບຕາເວັນອອກ ໃນທ້າຍຊຸມປີ 1980 ເວລາການປົກຄອງຂອງສະຫະພາບໂຊວຽດ ໄດ້ຖືກໂຄ່ນລົ້ມລົງໂດຍບໍ່ມີການນອງເລືອດໃດໆ . ພວກນັກເຄື່ອນໄຫວໃນອິຣ່ານໄດ້ຖືກກ່າວຫາວ່າ ເປັນຜູ້ຈັດແຈງໃຫ້ມີ ການເດີນຂະບວນປະທ້ວງຄັ້ງໃຫຍ່ຫລັງຈາກການເລືອກຕັ້ງປະທານາທິບໍດີໃນວັນທີ 12 ມິີຖຸນາຜ່ານມາ ທ່ີປະທານາທິບໍດີຄົນປັດຈຸບັນ ທ່ານ Mahmoud Ahmadinejad ໄດ້ຖືກເລືອກຕັ້ງໃຫ້ດຳຣົງຕຳແໜ່ງອີກສໄມນຶຶ່ງນັ້ນ. ແຕ່ພວກຝ່າຍຄ້ານກ່າວວ່າ ໄດ້ມີການສໍ້ໂກງ ການປ່ອນບັດເລືອກຕັ້ງ ແລະຜົນຂອງການເລືອກຕັ້ງແມ່ນແປດເປຶ້ອນ ມີມົນທິນ.
ອິຣ່ານຢືນຢັນ ກັກໂຕຄົນອະເມລິກັນ 3 ຄົນໄວ້: ໂທລະພາບຂອງອີຣ່ານຢືນຢັນວ່າ ຊາວອະເມລິກັນສາມຄົນ ທີ່ມີລາຍ ງານວ່າ ໄດ້ຂ້າມເຂົ້າໄປໃນອີຣ່ານຈາກພາກເໜືອຂອງອີຣັກ ໄດ້ຖືກ ກັກຕົວໄວ້ ໃນຂໍ້ຫາເຂົ້າປະເທດຢ່າງຜິດກົດໝາຍ ສະຖານີທີວີ Al-Alam ຂອງລັຖບານອີຣ່ານ
ບອກລັກສະນະຂອງຊາວ ອາເມລິກັນທັງສາມຄົນນັ້ນ ວ່າເປັນນັກທ່ອງທ່ຽວເດີນປ່າ ແລະເວົ້າວ່າ ທັງສາມໄດ້ຂ້າມເຂົ້າໄປໃນອີຣ່ານຈາກທາງພາກເໜືອຂອງອີຣັກໂດຍບໍ່ ໄດ້ຮັບອະນຸຍາດ ເຖິງແມ່ນໄດ້ມີການຕັກເຕືອນຫລາຍເທື່ອວ່າ ຊາຍ ແດນອີຣ່ານແມ່ນຢູ່ໄກ້ຫລາຍ ແລະກໍບໍ່ມີໝາຍເຂດແດນຢ່າງ ແຈ່ມແຈ້ງກະຊວງຕ່າງປະເທດສະຫະລັຖກ່າວວ່າ ຕົນກຳລັງປະ
ສານງານກັນກັບ ສະຖານທູດສວີສເຊີແລນດ໌
ໃນກຸງເຕຫະຣ່ານຢູ່ ເພື່ອໃຫ້ປ່ອຍຊາວອາເມລິກັນທັງສາມ ຊື່ງເປັນຜູ້ຊາຍສອງ ແລະແມ່ຍິງນຶ່ງຄົນນັ້ນ. ສະຫະລັຖ ບໍ່ມີສຳພັນທາງການທູດກັບອີຣ່ານຊາວອາເມລິກັນສາມຄົນທີ່ວ່ານັ້ນ ເດີນທາງໄປເຖິງ
ເມືອງ IRBIL ຊຶ່ງເປັນເມືອງຫລວງຂອງເຂດເຄີດີສະຖານຂອງອິຣັກ ໃນຕົ້ນອາທິດນີ້ ແລະພັກຢູ່ຣີສອດແຫ່ງນຶ່ງໃນພູເຂົາ ໄກ້ໆກັບຊາຍແດນອີຣ່ານ
ທີ່ອັຟການີສຖານ: ເຈົ້າໜ້າທີ່ເນໂຕ້ໃນນະຄອນຫລວງກາບູລ ກ່າວວ່າທະຫານອາເມຣິກັນ ສາມຄົນ ຖືກຂ້າຕາຍໃນມື້ນີ້ ທີ່ພາກຕາເວັນອອກຂອງອັຟການິສຖານ ຊື່ງທະຫານສາມຄົນນີ້ເປັນສ່ວນນື່ງຂອງໜ່ວຍລາຕເວນ ທີ່ຖືກໂຈມຕີ ດ້ວຍລະເບີດທີ່ເຮັດເອງ ແລ້ວຖືກດັກສະກັດຍິງໃສ່.ໃນວັນເສົາວານນີ້ ທະຫານອາເມຣິກັນອີກສາມຄົນ ກໍເສັຍຊີວິດ ພ້ອມກັບທະຫານຝຣັ່ງຄົນນື່ງແລະທະຫານເນໂຕຈາກປະເທດອື່ນອີກ ສອງຄົນ ໃນການໂຈມຕີຂອງພວກຫົວຕໍ່ສູ້. ແລະໃນມື້ວານນີ້ເຊ່ນກັນ ບັນດາເຈົ້າໜ້າທ່ີອັຟການີສຖານກ່າວວ່າ ຄົນຮ້າຍທ່ີສົງໄສວ່າເປັນພວກນັກຕໍ່ສູ້ຫົວຮຸນແຮງຂອງກຸ່ມຕາລີບັນ ໄດ້ດັກໂຈມຕີລົດຂະບວນນຶ່ງ ທ່ີບັນທຸກໜ່ວຍໂຄສະນາຫາສຽງເລືອກຕັ້ງຂອງປະທານາທິບໍດີ Hamid Karzai ເຮັດໃຫ້ຜູ້ອາຣັກຂາຄົນນຶ່ງເສັຍຊີວິດ ແລະບຸກຄົນອື່ນອີກ 2 ຄົນໄດ້ຮັບບາດເຈັບ. ປະທານາທິບໍດີ Karzai ຊື່ງມີແຄນນສຽງນຳໜ້າໃນການເລືອກຕັ້ງທ່ີຈະມີຂຶ້ນໃນວັນທີ 20 ເດືອນສິງຫານີ້ ບໍ່ໄດ້ເດີນທາງໄປນຳຂະບວນ ລົດ.
ທິ່ໄນເຈເຣັຍ: ເຈົ້າໜ້າທີ່ໄນຈີເຣຍກ່າວວ່າ ມີປະຊາຊົນຫລາຍກວ່າ 700 ຄົນຖືກຂ້າ ໃນເຫດການປະທະກັນລະຫວ່າງຕຳລວດແລະກຸ່ມນິກາຍອີສລາມ ຫົວຮຸນແຮງກຸ່ມນື່ງ ໃນເມືອງ MAIDUGURI ທາງພາກເໜືອຂອງປະເທດເຈົ້າໜ້າທີ່ລັຖບານແລະເຈົ້າໜ້າທີ່ສາທາລະນະສຸກ ໃນເມືອງ MAI-DUGURI ໄດ້ພາກັນຍົກຍ້າຍຊາກສົບອອກຈາກຖະນົນຫົນທາງ ຫລັງຈາກເຫດການ ສະຫງົບລົງແລ້ວ. ທາງການຕຳລວດກຳລັງສືບຕໍ່ຊອກຫາສະມາຊິກຂອງນິກາຍສາ ສນາ ທີ່ມີຊື່ວ່າ BOKO HARAM ທີ່ຖືກກ່າວຫາວ່າ ເປັນຕົວການກໍ່ຄວາມວຸ້ນວາຍທີ່ເກີດຂຶ້ນເມື່ອອາທິດແລ້ວນີ້ ຫລັງຈາກກຳລັງຮັກສາຄວາມ ປອດພັຍ ໄດ້ຈັບກຸມພວກຜູ້ນຳບາງ
ຄົນຂອງກຸ່ມ. ພວກຫົວຮຸນແຮງໄດ້ ໂຈມຕີສະຖານີຕຳລວດ ໂບດວິຫານ ແລະໂຮງການ ລັດຖະບານຫລາຍໆແຫ່ງ ເປັນເວ ລາຫ້າມື້ກຳລັງຮັກສາຄວາມປອດພັຍໄດ້ທຳການຕອບ ໂຕ້ຄືນ ໃນຕອນທ້າຍອາທິດ. ທາງການກ່າວວ່າ ປະຊາຊົນຫລາຍພັນຄົນຖືກພັດພາກຈາກບ່ອນຢູ່ອາໄສ ຍ້ອນການສູ້ລົບກັນຄັ້ງນີ້.
ເຮືອບິນໂດຍສານຫາຍສາບສູນ ທີ່ອິນໂດເນເຊັຍ: ບັນດາເຈົ້າໜ້າທ່ີອິນໂດເນເຊັຍ ກ່າວວ່າ ເຮືອ ບິນໂດຍສານລຳນຶ່ງທ່ີບັນທຸກຄົນໂດຍສານ 16 ຄົນ ໄດ້ຫາຍສາບສູນໄປໃນແຂວງປາປົວໃນພາກຕາເວັນອອກຂອງປະເທດ. ທາງການອິນໂດເນເຊັຍ ກ່າວວ່າ ເຮືອບິນຂນາດນ້ອຍລຸ່ນ Twin Otter ຂອງສາຍການບິນ Merpati Nusantara ກຳລັງບິນໄປຍັງເມືອງ Oksibil ໃກ້ກັບຊາຍແດນຂອງແຂວງ Papua New Guinea ໃນວັນອາທິດວານນີ້ ເວລາເຮືອບິນນີ້ຂາດການຕິດຕໍ່ກັບຫໍຄວບຄຸມການບິນປະມານ 40 ນາທີ ຫລັງຈາກບິນອອກຈາກເມືອງ Jayapura ຊຶ່ງຕາມປົກຕິແລ້ວ ຖ້ຽວບິນນີ້ແມ່ນ ໃຊ້ເວລາປະມານ 50 ນາທີ. ໄດ້ມີການສົ່ງພວກເຈົ້າໜ້າທ່ີຝ່າຍຊອກຄົ້ນແລະຊ່ອຍກູ້ໄພ ໄປຍັງຂົງເຂດທ່ີຢູ່ສອກຫລີກຫ່າງໄກນີ້ແລ້ວ. ພື້ນທ່ີຂອງແຂວງປາປົວສ່ວນຫລາຍເປັນເຂດພູດອຍ ເຕັມໄປດ້ວຍປ່າດົງຕຶບທ່ີເຂົ້າໄປຫາຍາກ ແລະໃນອະດີດຜ່ານມານັ້ນ ພວກເຮືອບິນບາງລຳທ່ີຫາຍສາບສູນໄປ ແມ່ນຊອກຫາບໍ່ເຫັນເລີຍ.
