ໂອບາມາກັບຄືນປະເທດ: ປະທານາທິບໍດີບາຣັກໂອບາມາ ເດີນທາງກັບ ຄືນມາສະຫະຣັດແລ້ວຫລັງຈາກເດີນທາງໄປ ຢ້ຽມຢາມກຸງມອສກູ ໄປຮ່ວມກອງປະຊຸມສຸດຍອດ G-8 ແລະຢຸດແວ່ທີ່ປະເທດ Ghana ເປັນ ເວລາ 1ສັບປະດາເຕັມ. ທ່ານໂອບາມາ ແລະ ຄອບ ຄົວເດີນທາງມາຮອດສະຫະຣັດ ຫລັງ ຈາກ ເວລາທ່ຽງຄືນນ້ອຍດຽວ. ໃນວັນເສົາວານນີ້ ປະ ທານາທິບໍ ດີໂອບາມາໄດ້ທ້າທາຍປະຊາຊົນ ອັຟຟຣິກາທັງໝົດ ໃຫ້ຮັບເອົາຄວາມຮັບຜິດ ຊອບຫລາຍຂຶ້ນໃນການລົບລ້າງຄວາມທຸກ ຈົນ ຕລອດທັງສົງຄາມ ແລະການສໍ້ຣາດ ບັງຫລວງ ໃນທະວີບໃຫ້ໝົດໄປ. ໃນຄຳປາໄສຕໍ່ສະພາແຫ່ງຊາດ Ghana ທ່ານໂອບາມາກ່າວວ່າການປົກຄອງທ່ີດີແມ່ນຍັງຂາດເຂີນຢູ່ໃນ ຫລາຍແຫ່ງໃນທະວີບອາຟຣິກາ ແລະທ່ານກ່າວວ່າ ອາຟຣິກາບໍ່ຕ້ອງການຜູ້ນຳທີ່ແຂງແຮງມີອຳນາດ ແຕ່ຕ້ອງການສະຖາບັນທ່ີແຂງແຮງຕ່າງໆ.
ຈຸດທ່ີຕື່ນເຕັ້ນສະທ້ານໃຈໃນການຢ້ຽມຢາມຂອງທ່ານໂອບາມາ ໄດ້ແກ່ສູນຂ້າທາດເກົ່າແຫ່ງນຶ່ງ ຊຶ່ງຄົນອາຟຣິ ກາຫລາຍພັນຄົນໄດ້ຖືກສົ່ງອອກໄປຍັງທະວີບອະເມຣິກາ ເພື່ອຮັບໃຊ້ເປັນຂ້າທາດນັ້ນ. ການຢ້ຽມຢາມ Ghana ຂອງທ່ານໂອບາມາ ແມ່ນເປັນເທ່ືອທຳອິດທ່ີທ່ານໄດ້ຢ້ຽມຢາມຂົງເຂດທີ່ຢູ່ໃຕ້ທະເລຊາຍຊາຮາຣາລົງໄປ ນັບແຕ່ໄດ້ຂື້ນດຳລົງຕຳແໜ່ງເປັນປະທານາທິບໍດີຜິວດຳຄົນທຳອິດຂອງສະຫະຣັດ ເປັນຕົ້ນມາ.
ສະຫະຣັດແລະຊີເຣັຍ:ທ່ານບາຣັກໂອບາມາ ປະທານາທິບໍດີສະຫະລັດ ກ່າວວ່າທ່ານຫວັງວ່າ ຈະມີສາຍສຳພັນທີ່ດີຂື້ນກັບປະເທດຊີເຣຍ ເຖິງແມ່ນວ່າເວລານີ້ ທ່ານຍັງມີຄວາມລຳບາກໃຈກ່ຽວກັບ ພຶດຕິການບາງຢ່າງຂອງຊີເຣຍ ກໍຕາມ. ທ່ານໂອບາມາ ກ່າວເມື່ອວັນເສົາວານນີ້ ໃນຕອນໃຫ້ສຳພາດກັບໜ່ວຍ ຂ່າວທີວີ SKY NEWS ຂອງອັງກິດ ວ່າທ່ານເຊື່ອວ່າຊີເຣຍສາມາດມີບົດບາດໃນແນວທາງສ້າງສັນຂື້ນກວ່າເກົ່າ ໃນຫລາຍໆບັນຫາ.ປະທານາບໍດີສະຫະລັດຍັງເວົ້າອີກວ່າ ທ່ານເປັນຜູ້ມີຄວາມເຊື່ອໝັ້ນໃນ ການພົວພັນກັບປະເທດອື່ນໆ.ເມື່ອເດືອນຜ່ານມານີ້ ປະທານາທິບໍດີ ຊີເຣຍ ທ່ານ Bashar al-Assad ກ່າວວ່າ ທ່ານມີຄວາມຍິນດີຕ້ອນຮັບ ປະທານາ ທິບໍດີໂອບາມາ ມາຢ້ຽມຢາມຊີເຣຍ ແລະທ່ານ ASSAD ໄດ້ອອກຄຳເຊື້ອເຊີນ ຢ່າງບໍ່ເປັນທາງການ ໃຫ້ທ່ານໂອບາມາໄປຢ້ຽມຢາມຊີເຣຍ ໃນລະຫວ່າງການ ໃຫ້ສຳພາດຂ່າວແກ່ທີວີ SKY NEWS ເມື່ອບໍ່ດົນຜ່ານມາ. ເມື່ອເດືອນມິຖຸນາຜ່ານມານີ້ ສະຫະລັດ ໄດ້ປະກາດວ່າ ຕົນມີແຜນການຈະເປີດສະຖານທູດສະຫະ ລັດໃນຊີເຣຍຄືນໃໝ່ຫລັງຈາກປິດມາໄດ້ 4ປີ.
ກ່ຽວກັບຍານອະວະກາດEndeaver: ອົງການNASA ຂອງສະຫະຣັດໄດ້ເລື່ອນແຜນການປ່ອຍຍານອະວະ ກາດໄປກັບEndeaver ທ່ີກຳນົດໄວ້ໃນວັນເສົາວານນີ້ອອກໄປ ເພື່ອ ທຳການສຳຫລວດເບິ່ງວ່າ ໄດ້ເກີດຄວາມເສັຍຫາຍໃດໆຫລືບໍ່ຕໍ່ແຜ່ນອຸບປະກອນຕ່າງໆ ຈາກເຫດການຟ້າຜ່າຢູ່ຖານສົ່ງຍານຂຶ້ນນັ້ນ. ອົງການ NASA ລາຍງານວ່າມີຟ້າຜ່າ 11 ຄັ້ງໃນຂົງເຂດອ້ອມແອ້ມ ສູນກາງສົ່ງຍານ Kennedy Space Center ໃນຣັດຟລໍຣິດາ ໃນລະຫວ່າງເກີດລົມພາຍຸແຮງໃນວັນສຸກຜ່ານມາ. ຟ້າຜ່າຫລາຍຄັ້ງໄດ້ປະທະລະບົບສາຍໄຟ ທ່ີຕິດຕັ້ງຂື້ນມາເພື່ອປ້ອງກັນບໍ່ໃຫ້ຍານອະວະກາດຖືກຟ້າຜ່າໂດຍກົງນັ້ນ. ອົງການນາຊາ ກ່າວວ່າ ຍານອະວະການບໍ່ໄດ້ຮັບຄວາມເສັຍຫາຍໃດໆແຕ່ທາງອົງການຍົງສືບຕໍ່ທົບທວນຄືນເບິ່ງຂໍ້ມູນຂອງຕົນຢູ່.
ໄດ້ມີການວາງກຳນົດເວລາສົ່ງຍານອະວະກາດ Endeaver ຂຶ້ນໃໝ່ໃນແລງວັນອາທິດມື້ນີ້. ພວກພະຍາກອນອາກາດທຳນາຍວ່າ ຄວາມ ຫວັງທີ່ວ່າຈະສົ່ງຍານອະວະກາດອາດຂຶ້ນໄດ້ນັ້ນ ມີຢູ່ 60 ເປີເຊັນ. ຍານອະວະ ກາດແລະພວກລູກເຮືອໃນຍານ7ຄົນມີກຳນົດຈະຂຶ້ນໄປປະຕິບັດງານເປັນເວລາ 16ມື້ເພື່ອ ໄປຕິດຕັ້ງລະບຽງທ່ີສ້າງຂຶ້ນໂດຍຍີ່ປຸ່ນ ໃສ່ສະຖານີອະວະກາດລະຫວ່າງຊາດນັ້ນ.
ປາກີສຖານ: ຕຳຫລວດປາກີສຖານກ່າວວ່າ ພວກມືປືນທີ່ບໍ່ຮູ້ວ່າແມ່ນຝ່າຍໃດ ໄດ້ສັງ ຫານເຈົ້າໜ້າທີ່ ຕຳຫລວດປາກີສຖານ 5 ຄົນ ແລະເຈົ້າໜ້າທີ່ກົມປ່າໄມ້ 1 ຄົນ ໃນການດັກສະກັດຍິງ ໃນເຂດຕາເວັນຕົກ ສຽງເໜືອຂອງປະເທດ. ທາງການປາກີສຖານກ່າວວ່າ ການໂຈມຕີດັ່ງກ່າວ ເກີດຂື້ນຕອນແລງ ຂອງວັນເສົາວານນີ້ ໃນເຂດເມືອງ MANSEHRA ໃນຂະນະທີ່ເຈົ້າ ໜ້າທີ່ຕຳຫລວດ ທຳການຕິດຕາມເບິ່ງລາຍງານທີ່ວ່າວ່າເຫັນສົບຄົນຕາຍ ນຶ່ງສົບໃນເຂດດັ່ງກ່າວ. ຍັງບໍ່ທັນມີຝ່າຍໃດອ້າງເອົາຄວາມຮັບຜິດຊອບ ສຳລັບການໂຈມຕີຄັ້ງນີ້ເທື່ອ.ໃນແຫ່ງອື່ນໆນັ້ນ ເຈົ້າໜ້າທີ່ຕຳຫລວດໄດ້ຈັບກຸມພວກຕ້ອງສົງໄສວ່າເປັນ ພວກຫົວຮຸນແຮງ 11 ຄົນ ໃນລະຫວ່າງການບຸກເຂົ້າຄົ້ນບ່ອນລີ້ຊ່ອນຂອງພວກເຂົາໃນວັນອາທິດມື້ນີ້ ໃນເຂດຮ່ອມພູ KHYBER PASS ຂອງຊົນເຜົ່າ. ໃນຈຳນວນຜູ້ທີ່ຖືກກັກຕົວໄວ້ນີ້ ມີຊາວຕ່າງປະເທດຢ່າງ ໜ້ອຍ 4 ຄົນ. ກຳລັງທະຫານຂອງປາກີສຖານ ໄດ້ທຳການສູ້ລົບກັບ ກຸ່ມທະຫານຕາລິບານຢູ່ທົ່ວຂົງເຂດຕາເວັນ ຕົກສຽງເໜືອຂອງປະເທດ ມາໄດ້ສອງເດືອນກວ່າຜ່ານມາແລ້ວ.
ທີ່ອິນເດັຍ:ຂົວສຳລັບທາງລົດໄຟແຫງນງທກຳລັງກສາງພັງທະລາຍລົງໃນກຸງ
ນີວແດນລີ ນະຄອນຫລວງຂອງອິນເດັຍເຮັດໃຫປະຊາຊົນຢາງນອຍເສັຍຊີວິດ 5 ຄົນ.
ບັນດາເຈາໜາທຕຳຫລວດແລະການແພດກາວວາ ຢາງນ້ອຍມີຕມອີກ 15 ຄົນໄດຮັບບາດເຈັບ ແລະວາອຸບັດເຫດດງກາວເກີດຂນໃນຕອນ ເຊາວັນອາທິດມນ ເວລາເສົາຄ້ຳຂົວເສົານງພັງລົງ ໃນຂະນະທພວກ ພນັກງານກສາງ ພາກັນຍົກແຜນຄອນຄຣິດຂື້ນໃສຂົວນນ. ພວກທເສັຍຊີວິດແລະໄດຮັບບາດເຈັບ ເປັນພວກແຮງງານກສາງທເຮັດວຽກຢູຂົວນນ. ຂົວແຫງນີ້ແມນພາກສວນນງໃນການກສາງລະບົບທາງລົດໄຟໃຕດິນ ໃໝໃນນະຄອນຫລວງນິວເເດລລີ.