ຣັດເຊຍ ປາກົດວ່າມີພົບຄວາມຫຍຸ້ງຍາກທີ່ຈະຊອກຫາຜູ້ຊື້ສຳລັບແກັສທຳມະຊາດແຫຼວຈາກໂຄງການພັດທະນາ ອາກຕິກ ທີ່ສຳຄັນ ຫຼັງຈາກຕາເວັນຕົກໄດ້ວາງມາດຕະການລົງໂທດ, ຈົນບັງຄັບໃຫ້ ມົສກູ ຕ້ອງເກັບຮັກສາອາຍແກັສໄວ້ໃນກຳປັ່ນບັນທຸກຂະໜາດໃຫຍ່ໃນທະເລ ອາກຕິກ. ເຮັນຣີ ຮິດຈແວລ໌ ມີລາຍງານເພີ່ມເຕີມຈາກນະຄອນຫຼວງ ລອນດອນ, ເຊິ່ງ ພຸດທະສອນ ຈະນຳສະເໜີລາຍລະອຽດໃນອັນດັບຕໍ່ໄປ.
Your browser doesn’t support HTML5
ຣັດເຊຍ ພົບຄວາມຫຍຸ້ງຍາກ ໃນການຂາຍອາຍແກັສທຳມະຊາດຂົ້ວໂລກເໜືອ ທ່າມກາງມາດຕະການລົງໂທດຂອງຕາເວັນຕົກ
ໂຄງການ Arctic LNG 2 ຂະໜ!ດໃຫຍ່ຂອງ ຣັດເຊຍ ໃນເມືອງ ເມີມານສ ແມ່ນມີກຳນົດທີ່ຈະປະຕິບັດການຢ່າງເຕັມທີ່ໃນເດືອນມັງກອນປີນີ້. ເຂົາເຈົ້າແນເປົ້າທີ່ຈະຜະລິດແກັສທຳມະຊາດແຫຼວເກືອບ 20 ລ້ານໂຕນທຸກໆປີ, ໂດຍສະສ້າງລາຍໄດ້ຫຼາຍພັນລ້ານໂດລາໃຫ້ບໍລິສັດ Novatek ທີ່ເປັນເຈົ້າຂອງໂຮງງານດັ່ງກ່າວ ແລະ ວັງເຄຣັມລິນ.
ແຕ່ກົງກັນຂ້າມ, ຣັດເຊຍ ປາກົດວ່າປະສົບຄວາມຫຍຸ້ງຍາກໃນການຂາຍອາຍແກັສດັ່ງກ່າວ. ນັກວິເຄາະ ທ່ານ ທອມ ມາເຊັກ-ແມນເຊີ ໄດ້ໃຊ້ຂໍ້ມູນຈາກດາວທຽມ ແລະ ການຕິດຕາມກຳປັ່ນ ເພື່ອຕິດຕາມກຳປັ່ນ LNG ຢູ່ທີ່ໂຮງງານດັ່ງກ່າວນັ້ນ.
ທ່ານ ທອມ ມາເຊັກ-ແມນເຊີ, ຈາກອົງການບໍລິການສືບລັບສິນຄ້າອິດສະຫຼະກ່າວວ່າ “ໃນປັດຈຸບັນນີ້, ພວກເຮົາຮູ້ວ່າກຳປັ່ນບັນທຸກສິນຄ້າສາມລຳ ໄດ້ຖືກບັນຈຸແກັສໃສ່ຈາກໂຮງງານ Arctic LNG 2 ໃນ ໄຊບີເຣຍ, ແລະ ທຸກລຳແມ່ນຍັງບໍ່ໄດ້ອອກໄປໃສເທື່ອ. ສອງລຳໃນນັ້ນຕ້ອງໄດ້ຂົນອອກຈາກກຳປັ່ນລົງໃສ່ສາງລອຍນໍ້າຂະໜາດໃຫຍ່ນີ້ ທີ່ບໍລິສັດ Novatek ຂອງ ຣັດເຊຍ ໄດ້ຈອດຢູ່ໃກ້ກັບເມືອງ ເມີມານສ ດົນກວ່ານຶ່ງປີແລ້ວ ແລະ ກໍບໍ່ເຄີຍຖືກໃຊ້. ພວກມັນກໍຖືກມາດຕະການລົງໂທດເຊັ່ນກັນ. ແລະ ເຂົາເຈົ້າໄດ້ຂົນສິນຄ້າພວກນີ້ລົງໃສ່ສາງກໍຍ້ອນວ່າເຂົາເຈົ້າບໍ່ສາມາດຊອກຫາຜູ້ຊື້ໄດ້.”
ທ່ານ ມາເຊັກ-ແມນເຊີ ກ່າວວ່າສາງທີ່ວ່ານັ້ນທີ່ມີຊື່ວ່າ ຊາມ, ຈະເຕັມຢ່າງໄວວາ ຖ້າ ຣັດເຊຍ ບໍ່ສາມາດຊອກຫາຜູ້ຊື້ໄດ້.
ໂຄງການ Arctic LNG 2 ແມ່ນການພັດທະນາທີ່ສຳຄັນສຳລັບປະທານາທິບໍດີ ຣັດເຊຍ ທ່ານ ວລາດີເມຍ ປູຕິນກ ທ່ານໄດ້ທຳການຄາດເດົານີ້ເມື່ອນຶ່ງປີທີ່ຜ່ານມາ.
ທ່ານ ວລາດີເມຍ ປູຕິນ ກ່າວວ່າ “ການຜະລິດແກັສທຳທະຊາດແຫຼວ ໃນເຂດມະຫາສະໝຸດ ອາກຕິກ ຂອງ ຣັດເຊຍ ຈະຂະຫຍາຍຕົວ 3 ເທົ່າພາຍໃນປີ 2030, ເພີ່ມຂຶ້ນ 64 ລ້ານໂຕນຕໍ່ປີ.”
ຄວາມທະເຍີທະຍານນັ້ນໃນຕອນນີ້ເບິ່ງຄືວ່າຈະເປັນໄປບໍ່ໄດ້. ຕາເວັນຕົກ, ທີ່ນຳໜ້າໂດຍ ສະຫະລັດ, ໄດ້ວາງມາດຕະການລົງໂທດຕໍ່ທຸລະກິດ ທີ່ເຊື່ອມໂຍງກັບໂຄງການ Arctic LNG 2 ລຸນຫຼັງການບຸກລຸກ ຢູເຄຣນ ຢ່າງເຕັມອັດຕາຂອງ ຣັດເຊຍ ໃນເດືອນກຸມພາ 2022. ພ້ອມກັນນັ້ນ, ມາດຕະການດັ່ງກ່າວຍັງຖືກໃຊ້ກັບກຳປັ່ນທັງຫຼາຍທີ່ມີຈຸດປະສົງຈາກຂົນສົ່ງອາຍແກັສດັ່ງກ່າວ.
ທ່ານ ທອມ ມາເຊັກ-ແມນເຊີ ກ່າວວ່າ “ສະນັ້ນມັນມີກຳປັ່ນບັນທຸກສິນຄ້າຈຳນວນຫຼາຍທີ່ຈອດຢູ່ໃນອູ່ເຮືອໃນເອເຊຍ ເຊິ່ງຖືກອອກແບບມາໂດຍສະເພາະເພື່ອໄຫຼຜ່ານທະເລ ອາກຕິກ. ມັນຍັງຖືກເອີ້ນວ່າ ກຳປັ່ນຊັ້ນນ້ຳກ້ອນ, ແລະ ເຂົາເຈົ້າຍັງບໍ່ສາມາດທີ່ຈະຂາຍໃຫ້ບໍລິສັດ Novatek ເທື່ອຍ້ອນມາດຕະການລົງໂທດທີ່ວ່ານີ້.”
ຣັດເຊຍ ແມ່ນກຳລັງຊອກຫາວິທີທີ່ຈະຫຼີກລ່ຽງມາດຕະການລົງໂທດ. ທ່ານ ມາເຊັກ-ແມນເຊີ ກ່າວວ່າ ວັງເຄຣັມລິນ ແມ່ນກຳລັງກໍ່ຕັ້ງສິ່ງທີ່ເອີ້ນວ່າ “ກອງເຮືອມືດ” ຂອງກຳປັ່ນ LNG ທີ່ຍາກຈະຕິດຕາມໄດ້.
ທ່ານ ທອມ ມາເຊັກ-ແມນເຊີ ກ່າວວ່າ “ມັນເປັນເກມແມວໄລ່ໜູ, ແລະເມື່ອພວກເຮົາເຫັນກຳປັ່ນລຳໃໝ່ ທີ່ເປັນຂອງນິຕິບຸກຄົນຕາເວັນອອກກາງທີ່ບໍ່ມີໃຜຮູ້ຈັກເຂົ້າໄປໃນເຂດນ້ຳຂອງ ຣັດເຊຍ ນັ້ນ, ແລະ ກໍຕໍ່ເມື່ອນັ້ນ ທີ່ເຈົ້າສາມາດເຊື່ອມໂຍງເມັດຈ້ຳຕ່າງໆເຂົ້າດ້ວຍກັນໄດ້ຢ່າງເໝາະສົມ ເພື່ອບອກໄດ້ວ່າ, ເຮືອລຳນີ້ຖືກນຳໄປໃຊ້ໃນການບໍລິການໂຄງການ LNG ບາງສ່ວນຢ່າງຊັດເຈນ, ແລະ ກໍຕໍ່ນັ້ນແຫຼະ ທີ່ມາດຕະການລົງໂທດຈະເຂົ້າມາ.”
ບໍລິສັດ Novatek ບໍ່ໄດ້ຕອບຕໍ່ການຂໍຄຳເຫັນໃດໆ.
ອ່ານລາຍງານນີ້ເປັນພາສາອັງກິດ
Russia’s giant Arctic LNG 2 project in Murmansk was due to become fully operational in January this year. It aimed to produce almost 20 million tons of liquefied natural gas every year, earning Novatek, the company that owns the plant, and the Kremlin, billions of dollars.
Instead, Russia appears to be struggling to sell the gas. Analyst Tom Marzec-Manser has been using satellite and ship tracking data to monitor LNG vessels at the plant.
“So far, we're aware of three cargos that have been loaded from Arctic LNG 2 in Siberia, and all of them really have not gone anywhere. Two of them have had to offload their cargo on this huge floating storage unit that the Russia's Novatek has had moored up near Murmansk for over a year and never used it — it's also under sanctions. And that they're offloading these cargos into the storage unit because they can't find a buyer.”
Marzec-Manser says that storage unit – named the Saam — will fill up quickly if Russia can’t find any buyers.
Arctic LNG 2 was a flagship development for Russian President Vladimir Putin. He made this prediction a year ago.
“Production of liquefied natural gas in the Russia Arctic zone will have increased three-fold by 2030, up to 64 million tons per year.”
That ambition now seems unlikely. The West, led by the United States, imposed sanctions on businesses linked to Arctic LNG 2 following Moscow’s full-scale invasion of Ukraine in February 2022. Crucially, the measures also apply to the vessels intended to transport the gas.
“So there's a whole fleet of cargo vessels that are sitting in shipyards in Asia which are specifically designed to flow through the Arctic seas. They're called ice-class vessels, and they've not been able to sell them to Novatek because of these sanctions.”
Russia is looking for ways to get around the sanctions. Marzec-Manser says the Kremlin is assembling a so-called "dark fleet" of LNG vessels that are difficult to track.
“It's a game of cat and mouse, and as we see new vessels which are owned by unknown Middle Eastern entities entering Russian waters, it's only then that you can properly join the dots to say, well, this is clearly being used to service some of these [LNG] projects, and it's only then that the sanctions come in.”
Novatek did not respond to requests for comment.