ດຣ. ສາລີ ສະຖາພອນ ສຳເລັດປະລິນຍາເອກຝ່າຍທັນຕະແພດແລະສາທາລະ ນະສຸກ ຈາກນະຄອນຫລວງຈາກຮາໂນ່ຍ ປະເທດຫວຽດນາມ. ທ່ານໄດ້ຮັບໃຊ້ຢູ່ໃນກະຊວງສາທາລະນະສຸກ ແຂວງຈຳປາສັກ ແລະໄດ້ຖືກສັບປ່ຽນມາຫລາຍໜ້າທີ່ເຊັ່ນວ່າ ເປັນນາຍແພດປົວແຂ້ວ ຫົວໜ້າຫ້ອງການບໍລິຫານ ຫົວໜ້າການເງິນພະແນກ ແລະຂຽນບົດວິທະຍາສາດສິດສອນນັກຮຽນ. ທ່ານບໍ່ມີໂອກາດໄດ້ປະຕິບັດໜ້າທີ່ການແພດແບບໂຕຈິງເພາະບໍ່ມີອຸບປະກອນເຄື່ອງມືປິ່ນປົວ ນອກຈາກນັ້ນ ນາຍແພດກໍຫລາຍໂພດແລະບໍ່ມີໜ້າທີ່ ເພາະສະນັ້ນທາງການໄດ້ບອກໃຫ້ທ່ານອອກບຳນານ ກ່ອນກຳນົດ ຊຶ່ງ ດຣ. ສາລີ ໄດ້ກ່າວສູ່ ວີໂອເອ ຟັງວ່າ:
Your browser doesn’t support HTML5
ດຣ. ສາລີ ສະຖາພອນ
ດຣ. ສາລີ ກ່າວຕໍ່ໄປອີກວ່າ “ຢູ່ຮາໂນ່ຍ ມີປະຊາກອນຢູ່ 10 ກວ່າລ້ານຄົນ ມີພະນັກງານສາທາລະນະສຸກ ແຕ່ 50 ຄົນ ບາດຢູ່ປາກເຊ ຈຳນວນປະຊາກອນສາມສີ່ແສນຄົນ ມີພະນັກງານສາທາລະນະສຸກ 150 ຫາ 200 ຄົນ ທີ່ເຮັດໃຫ້ລັດຖະບານຕ້ອງໄດ້ແບກຫາບບໍ່ໄຫວຈຶ່ງໄດ້ເອົາອອກ.” ດຣ. ສາລີ ສະຖາພອນ ປັດຈຸບັນອາຍຸ 62 ປີ ຢູ່ໃນຈຳນວນບັນດານາຍແພດບໍ່ເຖິງອາຍຸກະສຽນບຳນານ 65 ປີ ທີ່ຈະຕ້ອງໄດ້ອອກບຳນານກ່ອນກຳນົດ ໃນເດືອນມີນານີ້ ແລະບັດນີ້ ກຳລັງທຳການປູກຝັງ ເພື່ອຊ່ວຍຕົນເອງ ແລະຊອກຫາວຽກໃໝ່.